Fréttablaðið - 09.10.2014, Qupperneq 64

9. október 2014 FIMMTUDAGUR| LÍFIÐ | 44
Nú er formlega komið haust, eins og
allir ættu að hafa tekið eftir, og þá fer
hið árlega kvef og kuldahrollur að láta á
sér kræla. Fátt hlýjar manni eins mikið
og matarmikil og heit súpa. Þessi upp-
skrift er tilvalin í kvöldmatinn á köldu
haustkvöldi.
Hlýleg haustsúpa (fyrir 4)
500 g kjúklingalundir, skornar í bita
1 msk. ólífuolía
1 msk. kókosolía
150 g bankabygg
2–3 hvítlauksrif
3 cm engiferkubbur, rifinn
1,5 l vatn
2 kjúklingakraftskubbar
3 vorlaukar, sneiddir
sjávarsalt og nýmalaður pipar
Hitið ólífuolíuna og kókosolíuna í potti
og steikið kjúklingalundirnar. Takið
þær frá og steikið byggið í stutta stund,
bætið hvítlauk og engifer saman við og
steikið. Hellið vatni smám saman saman
við ásamt kjúklingakrafti og látið malla
í 30-35 mínútur. Bætið kjúklingnum
saman við ásamt vorlauknum og
kryddið með salti og pipar.
Uppskrift
Hlýleg haustsúpa
Hermanna-
grænt haust
Einn heitasti liturinn
á tískupöllunum fyrir
veturinn var hermanna-
grænn. Fallegur
litur sem tónar vel við
haustlitina úti.
„Okkur langaði að gera eitthvað
stílhreint og fagurt. Hringar hafa
alltaf verið á sama stað á fingr-
inum, en við vildum gera hringa
sem þú getur staflað út um allt og
ráðið sjálf hvar á fingrinum þeir
eru,“ segir Kolbrún Ýr Gunnars-
dóttir fatahönnuður. Hún og sam-
starfskona hennar, Helga Mogen-
sen skartgripahönnuður, gerðu
saman skartgripalínuna Iidem.
Í línunni er að finna hringa úr
messing, kopar og gegnheilu
silfri. „Hringarnir eru í öllum
stærðum, þannig að þú getur
raðað þeim á fingurna að vild og
haft þá hvar á fingrinum sem er,“
segir Kolbrún. Þær reka saman
verslunina Kirsuberjatréð ásamt
níu öðrum listamönnum, en hug-
myndin að samvinnunni kviknaði
þegar þær fóru saman í ferð til
Akureyrar. „Við eyddum dágóð-
um tíma í bílnum á leiðinni og
ræddum um ýmislegt, þá aðal-
lega lífið og tilveruna. Helga er
heilari og við höfum gaman af
því að spjalla um andlega hluti.
Þannig að við kynntumst mun
betur en áður og urðum nánari,“
segir Kolbrún. „Út frá þessari
„andlegu“ ferð kom upp sú hug-
mynd að við ættum að vinna
saman að einhverju fallegu.“
Hringarnir eru eins og áður
sagði úr messing, kopar og gegn-
heilu silfri. „Þeir eru fjölbreytt-
ir en flestir mjög stílhreinir, en
allir mismunandi. Silfurhring-
arnir eru bæði til snúnir og flatir.
Suma erum við búnar að smíða,
eða þannig að þeir eru flatir og
þunnir. Það skemmir ekki fyrir
að koparinn leiðir orku inn í lík-
amann og þess vegna gott að hafa
hann með og blanda öllu saman.“
Kolbrún segir að nafnið á hring-
unum hafi vafist fyrir þeim. „Við
lágum lengi yfir nafninu, en á
endanum kom það og við erum
mjög ánægðar með það. Hringar
sem ná ekki alveg niður á fing-
urinn eru kallaðir kjúkuhringar
(knucklerings) og Iidem þýðir
kjúka á latnesku. Okkur fannst
orðið líka fallegt og það passaði
vel.“
adda@frettabladid.is
Heilari og hönnuður hanna hringa
Samstarfskonurnar Kolbrún Ýr Gunnarsdóttir fatahönnuður og Helga Mogensen skartgripahönnuður höfðu unnið saman lengi áður en
þær fór í „andlegt“ ferðalag saman, en það varð innblástur að fallegri skartgripalínu sem þær sköpuðu í sameiningu.
ISABEL MARANT
ISABEL MARANT
BALMAIN
BALMAINBALMAIN
HÖNNUÐIR IIDEM Helga Mogensen
skartgripahönnuður og Kolbrún Ýr
Gunnarsdóttir fatahönnuður. FALLEGAR
MYNDIR
Kolbrún leitaði
lengi áður en
hún fann réttu
fyrirsætuna
fyrir myndirnar.
M
YN
D
IR/IN
G
RID
KARIS
LÍFIÐ
9. október 2014 FIMMTUDAGUR