Fréttablaðið - 25.10.2014, Blaðsíða 10

25. október 2014 LAUGARDAGUR| FRÉTTIR | 10
Viðskiptatækifæri
Áhugasamir aðilar hafi samband við Guðna Halldórsson
sími 414 1200, gudni@kontakt.is
Viðskiptatækifæri á www.kontakt.is
Stórt hostel
í miðbæ
Reykjavíkur
Til sölu er stórt og vinsælt hostel í góðum rekstri á rólegum
stað í miðbæ Reykjavíkur.
Hostelið er eitt það stærsta á sínu sviði í Reykjavík með 180
rúm í 71 herbergi og með mjög mikla stækkunarmöguleika.
Ársvelta er um 130 mkr. og afkoma góð.
Hostelið er í leiguhúsnæði með góðum leigusamningum svo
hér er ekki um sölu á fasteign að ræða.
Gott tækifæri fyrir þá sem vilja hasla sér völl í mest vaxandi
atvinnugrein landsins.
H
a
u
ku
r
1
0
.1
4
Nýsköpunarstyrkir
Landsbankans
landsbankinn.is 410 4000Landsbankinn
Markmið nýsköpunarstyrkja Landsbankans er að styðja við frumkvöðla með
því að veita þeim tækifæri til að þróa nýja viðskiptahugmynd, eldri viðskipta-
hug mynd á nýju markaðssvæði eða þróa nýja vöru eða þjónustu. Nýsköpunar-
styrkjum er jafnframt ætlað að styðja frumkvöðla til kaupa á efni, tækjum eða
sérfræði þjónustu vegna nýsköpunar eða sækja námskeið sem sannanlega byggir
upp færni sem nýtist við þróun viðskiptahugmyndar.
Styrkupphæðir
» 500.000–2.000.000 kr. – styrkir fyrir verkefni sem eru lengra komin.
» 200.000–500.000 kr. – styrkir fyrir fyrstu skrefin.
Umsóknarfrestur
Umsóknarfrestur vegna nýsköpunarstyrkja er til og með 1. desember 2014.
Dómnefnd er skipuð þremur fagaðilum og tveimur sérfræðingum bankans.
Sótt er um styrkina rafrænt á vef bankans, landsbankinn.is.
Samfélagssjóður Landsbankans hefur það hlutverk að veita styrki til verðugra
verkefna. Árlega eru veittar fimm tegundir styrkja: Afreksstyrkir, námsstyrkir,
umhverfisstyrkir, samfélagsstyrkir og nýsköpunarstyrkir.
Nánari upplýsingar á landsbankinn.is
Landsbankinn styður góðar hugmyndir í
atvinnurekstri og veitir allt að 10 milljónir
króna í nýsköpunarstyrki árið 2014.
HEILBRIGÐISMÁL Þróun kjaradeilu ríkisins og
Læknafélags Íslands og Skurðlæknafélags Íslands
hefur orðið þess valdandi að læknar hyggjast
ganga ákveðið fram í verkfallsaðgerðum sínum.
Þeir munu sinna alvarlegustu tilfellum sem koma
upp en þar draga þeir línuna, segja heimildir
Fréttablaðsins innan Landspítalans.
Ekkert bendir til annars en verkfall lækna hefjist
á mánudag, enda hefur næsti fundur í kjaradeilu
þeirra ekki verið boðaður fyrr en að kvöldi sama
dags.
Vegna verkfallsins hafa starfsmenn Landspít-
alans unnið hörðum höndum að viðbúnaði, en um
nýjan raunveruleika lækna og heilbrigðisstofnana
er að ræða þar sem læknar hafa aldrei áður nýtt
verkfallsrétt sinn. Félögin tvö deila verkfallsað-
gerðum niður á stofnanirnar. Helsti viðbúnaður-
inn felst í að gera svokallaðan undanþágulista,
sem snýr að því að í húsi séu læknar á hverjum
tíma til að sinna bráðatilfellum.
Samkvæmt upplýsingum Fréttablaðsins innan
Landspítalans mun starfsemin raskast verulega.
Á mánudaginn eru það rannsóknasvið og kvenna-
og barnasvið þar sem lögð verða niður störf; á
öðrum sviðum verður starfað áfram en þó undir
miklum áhrifum frá verkfallinu, þar sem starf-
semi eins sviðs snertir óumflýjanlega önnur, t.d.
rannsóknasviðs.
Allar verkfallsaðgerðir sem skipulagðar eru
næstu vikurnar hafa þessi ruðningsáhrif.
Skurðlæknafélagið hefur sínar aðgerðir 4. nóvem-
ber með allsherjarverkfalli.
- shá
Læknar ætla að ganga ákveðið fram í verkfallsaðgerðum á mánudaginn:
Starfsemin riðlast öll í verkfalli
LSH Verkfall á kvenna- og barnasviði auk heilsugæslu mun
auka álag á bráðadeildir. FRÉTTABLAÐIÐ/PJETUR
HEILBRIGÐISMÁL Nýr líffæravef-
ur var formlega opnaður í gær hjá
Embætti landlæknis. Fram til þessa
hafa þeir sem vilja gefa líffæri ef
reynir á þurft að fylla út sérstakt
líffæragjafakort og ganga með það
á sér. Að öðru leyti hafa upplýsingar
um líffæragjafa hvergi verið skráð-
ar og því engar tölulegar upplýsing-
ar til um fjölda þeirra.
Hægt er að komast inn á vefinn
í gegnum hnapp á heimasíðu Emb-
ættis landlæknis. Á vefsvæðinu er
að finna margvíslegar upplýsingar
tengdar líffæragjöf, auk þess sem
fólk getur opnað sérstakt svæði og
með Íslykli eða rafrænu skilríki
komið til skila afstöðu sinni til líf-
færagjafar.
Skipti fólk um skoðun þá er hægt
að breyta vali sínu á sama vefsvæði.
- vh
Fólk getur skráð óskir sínar um líffæragjöf:
Líffæravefur opnar
VEFURINN OPNAÐUR Kristján Þór Júlíusson opnar vefinn. Geir Gunnlaugsson
landlæknir og Jórlaug Heimisdóttir fylgjast með. FRÉTTABLAÐIÐ/GVA