Skessuhorn - 17.06.2014, Blaðsíða 14

14 - Norð ur áls mót ið
Full búð af nýjum
og glæsilegum
gjafavörum
Þjóðbraut 1- Akranesi - sími 431 3333 – modelgt@internet.is
Velkomin á Akranes!
Norðurálsmótið er nú haldið í
þrítugasta sinn hér á Akranesi
en fyrsta mótið var árið 1985 og
þá kepptu þrjú lið á mótinu; ÍA,
Breiðablik og Stjarnan. Síðan
hefur þátttakendum og félögum
sem taka þátt fjölgað en okkur telst
til að á Norðurálsmótinu 2014
séu yfir 1200 keppendur úr 26
félögum.
Akranes hefur margt upp á að
bjóða fyrir fjölskyldufólk. Okk­
ur Skagamönnum finnst gaman að
taka á móti gestum og gerum ým­
islegt til að dvölin í tengslum við
Norðurálsmótið verði sem eftir­
minnilegust fyrir bæði börn og
fullorðna. Leikjaland er í boði á
laugardeginum og kostar ekkert í
leiktækin. Á föstudag og laugardag
er frítt í sund fyrir alla.
Á Akranesi er úrval verslana en
við vorum einmitt að gefa út versl­
unarkort í tilefni af 150 ára versl­
unarafmæli bæjarins og er það
einnig prentað á einni síðu hér í
blaðinu.
Á þjóðhátíðardaginn 17. júní
vígðum við nýtt Akratorg sem
stendur í hjarta gamla bæjar­
ins. Þar er eitt þekktasta kenni­
leiti Akraness, styttan af sjómann­
inum eftir Martein Guðmunds­
son. Rétt við torgið verður hald­
inn matar­ og antikmarkaður laug­
ardaginn 21. júní. Markaðurinn
er við Suðurgötu 57, á fyrstu hæð
og verður opið á milli klukkan 13
og 17. Á markaðinum kennir ým­
issa grasa og má þar finna hum­
ar, nautakjöt beint frá bónda, ópill­
aða íslenska rækju, upprúllaðar
pönnukökur og lífrænar vörur eins
og hnetur, olíur og sósur. Einnig
heimalagaðan rjómaís og úrval ar­
abískra rétta, svo eitthvað sé nefnt.
Einnig antikmuni sem eru aðallega
frá sjöunda og áttunda áratugnum.
Á þriðju hæðinni á Suðurgötunni
verður síðan ,,pop­up“ kaffihús en
útsýnið af þriðju hæðinni er afar
skemmtilegt.
Í kjallaranum á Skólabraut 37
var nýlega opnuð Róbótasýning og
er hún opin frá fimmtudögum til
sunnudags kl. 13 til 17. Sýningar­
gripirnir eru í einkaeigu og hefur
eigandinn, Björgvin Björgvinsson,
safnað um 500 róbótum sem eru
allt frá árinu 1950. Þar skammt frá
er Bjarni Þór listmálari með vinnu­
stofu og sölusýningu.
Við hvetjum ykkur líka til að
skoða dagskrána í Bíóhöllinni,
kíkja á vitana á Breiðinni, eiga
góða stund á Byggðasafninu í
Görðum eða við leik í Garðalundi
eða á Langasandi. Svo verður hald­
ið siglingarmót þessa helgi þann­
ig að það verður líf og fjör á hafn­
arsvæðinu.
Ég vona að þið komið til með að
eiga góða daga hér á Akranesi.
Regína Ásvaldsdóttir bæjarstjóri.
Árið 1985 heyrði til sparktíðinda á
Skaganum, en þá var fyrsta knatt­
spyrnumótið fyrir unga fótbol­
tastráka haldið þar; „Skagamótið“
svokallaða. Á þessum tíma var
aðeins eitt annað mót haldið í
þessum aldursflokki; Tommamótið
í Vestmannaeyjum, sem í dag nefn­
ist Shellmótið. Skagamótið var
þó til að byrja með heldur smærra
í sniðum. Auk ÍA voru boðuð til
leiks Breiðabliki og Stjörnunni,
sem bæði hafa sent lið til þátttöku
allar götur síðan.
Mótið haldið á grafar-
bakkanum
Árið eftir var lagt á ráðin um
stærra mót. Stofnað hafði verið
foreldrafélag yngri knattspyrnu­
manna á Akranesi, auk þess sem
sérstök mótstjórn var skipuð
ásamt undirbúningsnefndum.
Annað Skagamótið var svo haldið
á grafarbakkanum, eða á túni við
Garðagrund fyrir neðan kirkju­
garðinn. Má með sanni segja að
aðstaða til fótboltaiðkunar hafi
batnað til muna síðan þá. Í dag er
knattspyrnusvæðið á Akranesi eitt
hið glæsilegasta á landinu og státar
af góðum aðalvelli og fótboltahöll
með gervigrasi, auk stórs æfinga­
svæðis fyrir fjölda smærri valla.
Foreldrarnir vinna
þýðingarmikið starf
Haustið 1987 hélt foreldrafélagið
sérstaka uppskeruhátíð fyrir for­
eldra þar sem góðu starfi var
fagnað. Hátíðin var haldin í Golf­
skálanum og þótti heppnast afar
vel. Ákveðið var að halda starfinu
áfram og byggja Skagamótið enn
frekar upp. Á þessum tíma var
þjálfun yngri flokka ekki launað
starf heldur áhugamál og sjálf­
boðavinna. Eftir þetta færðist
skipulag mótsins meira yfir til ÍA
en foreldrar héldu áfram að vinna
sjálfboðavinnu. Eins og Haraldur
Ingólfsson framkvæmdastjóri
KFÍA segir í viðtali í blaðinu. „Það
er mjög mikilvægt fyrir okkur að
foreldrar séu reiðubúnir að taka
þátt en án þeirra væri ekki hægt að
halda svona mót.“
Ýmis nöfn í áranna rás
Mótið árið 1986 var fyrsta mótið
sem hafði sérstakan styrktaraðila.
Vífilfell gerðist styrktaraðili og
studdi fyrirtækið mótið næstu árin
og nefndist það þá HiC­mótið,
Fantamótið o.s.frv. Þetta ár voru
einnig nýir búningar teknir í
notkun en áður höfðu menn þurft
að skiptast á búningum þar sem
fáir búningar voru fyrir hendi.
Almennar Tryggingar styrktu
framtakið og auglýstu á nýju
búningunum. Á þessu móti var
fyrsta foreldraveislan haldin þar
sem boðið var upp á kökuhlaðborð
og hefur sá siður haldist. Í ár eins
og síðustu ár verður foreldrakaffi
á laugardagskvöldinu. Einnig var
árið 1986 boðið upp á sérstakan
dansleik fyrir foreldra og gesti.
Stærð mótsins hefur stigvax­
ið og í dag etja kappi samtals 144
lið frá 26 félögum. Norðurálsmót­
ið er því sannarlega enn af stóru
viðburðunum í knattspyrnulífi ís­
lenskra ungmenna og á vafalaust
aðeins eftir að stækka og dafna á
komandi árum.
Dagskrá Norðurálsmótsins 2014
Föstudagur 20. júní:
08:30 - 11:00 Mæting á gististaði
10:30 - 11:00 Fararstjórafundur
í Íþróttamiðstöð
11:00 Mæting í skrúðgöngu
hjá bæjarskrifstofunum (á móti
Krónunni).
11:15 - 11:45 Skrúðganga að
Akraneshöll
12:00 - 12:30 Mótssetning í
Akraneshöll
13:00- 19:00 Keppni 1. mótsdags.
17:30 - 20:00 Kvöldverður
(tímasetning breytileg)
22:30 - 23:00 Fararstjórafundur
í Íþróttamiðstöð
Laugardagur 21.júní:
07:45 - 09:30 Morgunverður
09:00 - 13:00 Keppni 2. móts­
dags fyrri hluti
11:30 - 13:30 Hádegismatur
(tímasetning breytileg)
13:00 - 17:00 Keppni 2.
mótsdags seinni hluti
10:00 - 18:00 Leikjaland Alltaf
Gaman opið
17:00 - 19:30 Kvöldverður
(tímasetning breytileg)
19:30 - 20:30 Kvöldskemmtun í
Akraneshöll
21:30 - 22:00 Fararstjórafundur
í Íþróttamiðstöð
21:30 - 23:00 Foreldrakaffi
í boði foreldra KFÍA í matsal
Íþróttamiðstöðvar, og myndasala
Sunnudagur 22.júní:
07:45 - 09:30 Morgunverður
09:00 - 11:00 Keppni 3. móts­
dagsins, síðasta umferð allra deilda
11:00 - 12:15 Grillveisla við
Norðurálsvöllinn (tímasetning
breytileg)
09:00 - 12:00 Tæma skólastofur
12:30 - 13:30 Verðlaunaafhend­
ing og mótsslit í Akraneshöll.
Forsaga Norðurálsmótsins
Fjölnismarkmaður reynir hér að forða marki. Svipmynd frá mótinu 2011.
Ljósm. G. Bjarki Halldórsson.