Skessuhorn - 17.06.2014, Blaðsíða 8

8 ÞRIÐJUDAGUR 17. JÚNÍ 2014
Minnkandi
atvinnuleysi
LANDIÐ: Skráð atvinnuleysi í maí
var 3,6% á landinu öllu, en að með­
altali voru 6.293 atvinnulausir í mán­
uðinum og fækkaði atvinnulausum
um 508 að meðaltali frá apríl eða um
0,5 prósentustig milli mánaða. At­
vinnulausum fækkaði að meðaltali
um 216 á höfuðborgarsvæðinu og var
3,9% í maí en var 3,2% á landsbyggð­
inni en þar fækkaði atvinnulausum
um 292 frá apríl. Á Vesturlandi fækk­
að atvinnulausum hlutfallslega minna
en annars staðar en búast má við enn
frekari fækkun atvinnulausra á svæð­
inu í þessu mánuði vegna nýbyrjaðrar
hvalvertíðar. Atvinnuleysi minnkaði
að jafnaði um 0,7% á landsbyggðinni
í maímánuði. –þá
Reglugerð um
rækjuveiðar
SNÆFELLSNES: Sjávarútvegs­
ráðherra hefur gefið út reglugerð
um veiðar á rækjustofninum á mið­
unum við Snæfellsnes. Á tímabilinu
frá og með 15. maí til og með 1.
júlí hvers árs, er skipum sem eru
105 brúttólestir að stærð eða minni,
og hafa aflamark til veiða á rækju­
stofninum á miðum við Snæfells­
nes, heimilt að stunda rækjuveiðar á
Breiðafirði, sunnan 65°10´N og utan
línu, sem dregin er réttvísandi norð­
ur frá Krossnesvita. Afli sem fenginn
er við þessar veiðar reiknast til afla­
marks í rækju á miðunum við Snæ­
fellsnes. Í reglugerðinni er nánar sagt
frá mörkum þess svæðis sem leyfilegt
er að stunda veiðarnar. Þá er einnig
fjallað um að skylt er að nota seiða­
skilju við veiðarnar með allt að 22
mm bili milli rimla. Reglugerðin
öðlast gildi strax og kemur til fram­
kvæmda 1. september 2014. Nánar
má lesa um hinar nýju reglur á vef
ráðuneytis atvinnumála. –mm
Aflatölur fyrir
Vesturland
7. - 13. júní.
Tölur (í kílóum) frá
Fiskistofu:
Akranes 23 bátar.
Heildarlöndun: 26.184 kg.
Mestur afli: Máni AK: 3.460 kg í
tveimur löndunum.
Arnarstapi 15 bátar.
Heildarlöndun: 24.258 kg.
Mestur afli: Hítará SH: 2.392 kg í
þremur löndunum.
Grundarfjörður 33 bátar.
Heildarlöndun: 30.576 kg.
Mestur afli: Birta SH: 2.719 kg í
tveimur löndunum.
Ólafsvík 33 bátar.
Heildarlöndun: 93.286 kg.
Mestur afli: Ólafur Bjarnason SH:
14.026 kg í tveimur löndunum.
Rif 36 bátar.
Heildarlöndun: 308.757 kg.
Mestur afli: Tjaldur SH: 73.586 kg
í einni löndun.
Stykkishólmur 31 bátur.
Heildarlöndun: 92.365 kg.
Mestur afli: Birta Dís SH: 8.062 kg
í fjórum löndunum.
Topp fimm landanir á tímabilinu:
1. Tjaldur SH – RIF:
73.586 kg. 11. júní
2. Rifnes SH – RIF:
55.289 kg. 10. júní
3. Örvar SH – RIF:
46.648 kg. 10. júní
4. Magnús SH – RIF:
16.822 kg. 11. júní
5. Magnús SH – RIF:
11.406 kg. 10. júní. mþh
Söngvitar á
Jónsmessu
AKRANES: Í tilefni af Jóns­
messu verða tvennir tónleikar
haldnir í Akranesvita næstkom­
andi laugardagskvöld. Viðburð­
urinn kallast Söngvitar og stend­
ur til að tónleikar verði haldnir
í og við vita um landið allt. „Ís­
lenska vitafélagið ­ félag um ís­
lenska strandmenningu hvetur
alla tónlistarmenn til að finna sér
vita til að spila í eða við, laugar­
dagskvöldið 21. júní. Sjálf Jóns­
messunótt er á mánudegi og því
var ákveðið að tónleikarnir hefjist
á miðnætti laugardagsins,“ seg­
ir í fréttatilkynningu frá Íslenska
vitafélaginu. Hljómsveitin Fam­
ina Futura mun hefja tónleika
sína í Akranesvita kl. 20. Hljóm­
sveitin flytur frumsamda, melód­
íska tónlist í ætti við popp / folk
/ country. Síðar um kvöldið, eða
klukkan 23.59 hefjast hinir eigin­
legu Söngvita tónleikar þar sem
Patrycja Szałkowicz­Żak sér um
tónlistarflutning. Þetta er í fyrsta
sinn sem slíkir tónleikar fara fram
hér á landi og vonast vitafélagið
til þess að framhald verði á tón­
leikahaldi í vitum landsins. Frítt
verður á báða tónleikana í Akra­
nesvita og eru allir velkomnir á
meðan húsrúm leyfir.
–grþ
Fréttir frá FSN
SNÆFELLSNES: Fjölbrauta­
skóli Snæfellinga tók til starfa
haustið 2004 og hefur því lokið
sínu tíunda starfsári. Eins og ný­
verið var greint frá í Skessuhorni
útskrifuðust 23 nemendur frá
skólanum í vor og fjöldi útskrif­
aðra nemenda er þá kominn yfir
240. Á næstu haustönn er hug­
myndin að minnast þessara tíma­
móta með margvíslegum hætti.
„Eitt af því sem boðið verður
upp á í september er að bæði ein­
staklingar sem og hópar komi í
heimsókn á skólatíma og fylg­
ist með og fái kynningu á skóla­
starfinu. Þeir sem vilja þekkjast
þetta boð eru beðnir um að hafa
samband við skólann og við finn­
um heppilegan tíma fyrir heim­
sókn. Snemma í október verð­
ur síðan boðið til fagnaðar þar
sem velunnarar skólans, fyrrver­
andi og núverandi nemendur og
starfsfólk kemur saman til þess að
minnast þessara tímamóta,“ segir
í tilkynningu frá FSN.
„Ein þeirra hugmynda sem skóla­
stefna FSN byggir á er verkefna­
miðað nám, leiðsagnarmat og
nýting upplýsingatækni í víðum
skilningi. Skólinn er með fram­
haldsdeild á Patreksfirði ætl­
uð nemendum af sunnanverðum
Vestfjörðum og hefur hún ver­
ið starfrækt síðan 2008. Einnig
er boðið upp á dreif­ og fjarnám
frá Fjölbrautaskóla Snæfellinga í
samvinnu við tíu framhaldsskóla
sem auglýsa undir merkjum Fjar­
menntaskólans. Það er ekki að­
eins að kennsluhættir skólans séu
fjölbreyttir heldur er nemenda­
hópurinn líka mjög fjölbreytt­
ur. Við útskrift nú í maí flutti ný­
stúdent ræðu þar sem hann m.a.
lýsti upplifun sinni af því að vera
fjarnemandi frá FSN, búandi
í Reykjanesbæ. Við útskriftina
hitti þessi nemandi í fyrsta skipti
marga af þeim kennurum sem
hann hefur numið hjá. FSN er
framsækinn framhaldsskóli og við
sem þar störfum erum full bjart­
sýni á framhaldið þar sem við
teljum okkur finna að við njót­
um velvildar og stuðnings frá því
samfélagi sem við störfum í.“
–mm
Mikil mildi var að ökumaður
mjólkurbíls slasaðist ekki þegar
bíllinn og áfastur tengivagn ultu
fullir af mjólk. Óhappið varð í
Steðjabrekkunni á Borgarfjarðar­
braut neðst í Flókadal sl. laugar­
dagskvöld. Töluverð umferð var
um veginn þegar óhappið varð
og má því telja mildi að ekki urðu
slys á fólki. Um tuttugu þúsund
lítrar af mjólk voru í bílnum og
vagninum og rann um helmingur
mjólkurinnar út. Óhappið vildi
þannig til að vegkantur gaf sig
undan tengivagninum sem slóst
við það til á veginum og dró bíl­
inn með sér útaf þannig að bæði
tækin ultu. Greiðlega gekk að
koma tækjunum upp á veg og á
aðra bíla. Farið var með þá mjólk
til Selfoss sem ekki lak út.
mm/ Ljósm. Pétur Davíðsson.
Í ár eru þrettán sveitarfélög eða
svæði tilnefnd til náttúru­ og um­
hverfisverðlauna Norðurlandaráðs.
Verðlaunin eru tileinkuð norrænu
sveitarfélagi eða samfélagi sem
lagt hefur sig fram um að draga
úr neikvæðum umhverfisáhrifum.
Dómnefndin hefur nú kunngjört
ákvörðun sína um hvaða svæði hún
tilnefnir til verðlaunanna að þessu
sinni. Sveitarfélögin fimm á Snæ­
fellsnesi eru á meðal fjögurra svæða
á Íslandi sem tilnefnd eru en sam­
tals eru þrettán svæða á Norður­
löndunum tilnefnd. Hin svæðin hér
á landi eru Sólheimar, Reykjavík og
Skaftholt í Skeiða­ og Gnúpverja­
hreppi. Endanlega ákvörðun um
vinningshafann verður gerð opin­
ber 29. október nk. á fundi Norð­
urlandaráðs í Stokkhólmi. mm
Í síðustu viku voru flokkar vinnu­
skólans á Akranesi á fullu við að slá
opin svæði í bænum, fegra hann og
snyrta. Greinilegt er að gróskumik­
ið vor og það sem af er sumri verð­
ur til þess að verkefnin eru ennþá
stærri í sniðum hjá unglingunum
í vinnuskólanum. Grasvöxturinn
óvenjulega mikill eins og sjá mátti
þegar verið var að hirða af torgun­
um við Flatahverfið, skammt frá
verslun Samkaupa. Í þessari viku er
svo fyrir höndum mikið verk við að
hirða grasið, áframhaldandi sláttur
og snyrting t.d. á Safnasvæðinu þar
sem fjölmargir gestir Norðuráls­
mótsins koma til með að staðsetja
vagna sína og slá upp tjöldum.
þá
Miðvikudaginn 11. júní síðastliðin
voru rétt 20 ár síðan fyrsta sveitar­
félagið með nafninu Borgarbyggð
var stofnað. Það varð til við sam­
einingu sveitarfélaganna Borg­
arnesbæjar, Hraunhrepps, Staf­
holtstungnahrepps og Norðurár­
dalshrepps í júní 1994. Árið 1998
var aftur sameinað þegar þáver­
andi Borgarbyggð, Borgarhrepp­
ur, Álftaneshreppur og Þverárhlíð­
arhreppur sameinuðust undir heiti
Borgarbyggðar. Sama ár sameinuð­
ust sveitarfélögin Andakílshreppur,
Lundarreykjadalshreppur, Reyk­
holtsdalshreppur og Hálsahreppur
í eitt sveitarfélag sem fékk nafnið
Borgarfjarðarsveit. Árið 2006 varð
til sú Borgarbyggð sem nú er, en þá
sameinuðust Borgarbyggð, Borgar­
fjarðarsveit, Hvítársíðuhreppur og
Kolbeinsstaðahreppur í eitt sveitar­
félag. Allt héraðið norðan Skarðs­
heiðar hefur verið eitt sveitarfélag
síðan, utan Skorradalshrepps, en
íbúar þar hafa staðið þéttan vörð
um sjálfstæði hreppsins.
mm/borgarbyggd.is
Eins og sjá má kemur mikið gras af torgunum þetta árið.
Torgin slegin og bærinn snyrtur
Sveitarfélögin á Snæfellsnesi tilnefnd
til verðlauna Norðurlandaráðs
Mjólkurbíll með tengivagni
valt í Steðjabrekkunni
Tuttugu ár frá stofnun fyrstu
Borgarbyggðar