Skessuhorn - 17.06.2014, Blaðsíða 24

24 - Norð ur áls mót ið
Söluumboð • Nýir bílar • Notaðir bílar
Smiðjuvöllum 17 • Akranesi • 431 2622 • www.bilas.is
Erum með til sölu
gott úrval ferðavagna
Húsbílar • Hjólhýsi
Fellihýsi • Tjaldvagnar

Aðal ferðatíminn er framundan
Verið velkomin og skoðið
úrvalið

Óskum eftir ferðavögnum á skrá
Ferðavagnar
Lítið inn á heimasíðuna okkar www.bilas.is
Hjá Bílás
Knaus sport 450 árg. 2005, sólarsella, sjónvarp ofl.
Tilboð 1.950.000. Rnr. 119601.
Hobby 560 cfe premium. Nýtt hús.
Tilboð 5.390.000. Rnr. 123500.
Palomino colt, árg. 2008, fortjald.
Tilboð 1.290.000. Rnr. 123302.
Ford Transit hobby T600 árg. 2006, ek. 32 þús.,
sólarsella, marcisa ofl., gott eintak.
Verð 6.750.000. Rnr. 118758.
MERCEDES BENZ ML 350 bluetec 4matic. árg. 2012, ek. 12 þús. dísel, ssk.
Einn eigandi, flottur bíll. Verð 13.490.000. Rnr. 991028
S
K
E
S
S
U
H
O
R
N
2
01
4
Ánægður hvernig við brugðumst við mótlætinu
„Við gáfum það út fyrir mót að
stefnan væri sett upp í efstu deild
að nýju og það hefur ekkert breyst.
Eins og staðan er núna í deildinni
erum við í þokkalegum málum. Ég
er mjög ánægður með hvernig við
brugðumst við mótlætinu eftir þrjú
töp í röð, tvo tapleiki í deildinni
og einn í bikar. Núna höfum við
unnið tvo leiki í röð gegn liðum
sem byrjuðu mjög vel í mótinu og
komnir í hóp efstu liða. Í þremur
sigurleikjum höfum við haldið
hreinu, ekki fengið á okkur mark
og það er ég ekki síst ánægður
með,“ sagði Gunnlaugur Jónsson
þjálfari 1. deildarliðs ÍA í spjalli
við Skessuhorn fyrir helgi, en
Skagamenn lögðu síðan Tindastól
fyrir norðan um helgina og bættu
enn stöðu sína í deildinni.
Verðugt verkefni á
Norðurálsmóti
Gunnlaugur segir að keppnin í 1.
deildinni hafi farið skemmtilega
af stað og ýmislegt komið á óvart.
„Deildin er enn jafnari en ég
bjóst við. Það eru fleiri lið sem
hafa gert sig gildandi og vilja vera
með í toppbaráttunni. Mótherjar
okkar um mótshelgina stóru,
Leiknismenn úr Breiðholtinu sem
byrjuðu svo vel að þeir fengu ekki
á sig mark í fyrstu fimm leikjunum.
Svoleiðis byrjun held ég að sé
fáheyrð. Það verður einmitt mjög
verðugt verkefni hjá okkur að fá
Leiknismenn í heimsókn hérna
á Akranesvöll í næstu umferð nk.
sunnudag. Það verður held ég
ágætis innlegg í þá miklu knatt­
spyrnuhátíð sem Norðurálsmótið
er. Þá verða fjölmargir á svæðinu
og vonandi flykkist fólk á völlinn.“

Skýrist upp úr miðju
sumri
Gunnlaugur segir að í raun hafi
1. deildarkeppnin þróast þannig í
byrjun að mörg lið geti blandað sér
í baráttuna og m.a. hafi það komið
á óvart að Grindvíkingar sem unnu
ÍA tvisvar sinnum í sömu vikunni
séu nú í neðri hluta deildarinnar.
„Í raun held á að það verði ekki
fyrr en um og upp úr miðju sumri
sem það fer að skýrast hvaða lið
verða virkilega að berjast um tvö
efstu sætin sem gefa rétt í efstu
deildina næsta ár. Vonandi verðum
við Skagamenn þar á meðal. Við
ætlum okkur það en samt er þetta
sama klisjan sem gildir, að það
verður bara að hugsa um næsta
leik. Ég held við getum verið
þokkalega ánægðir Skagamenn
með útkomuna til þessa. Við erum
með blandað lið, þótt við séum
með gamla jaxla innan um er hluti
að liðinu ungur og á eftir öðlast
meiri reynslu. Ég er ánægður með
öftustu vörnina sem er að mestu
leyti ný og varnarleikinn hjá liðinu
og Árni Snær sem er núna að fá
sitt tækifæri sem aðalmarkvörður
er að standa sig vel,“ segir Gunn­
laugur.
Þjálfararnir gamlir sam-
starfsmenn
Gunnlaugur var eins og margir
vita einn af máttarstólpum Skagal­
iðsins hér á árum áður. Byrjaði að
spila með liðinu um miðjan síðasta
áratug liðinnar aldar á því tímabili
þegar ÍA varð Íslandsmeistari sex
ár í röð. Svo skemmtilega vill til að
Gunnlaugur og Þórður Þórðarson
fyrrverandi þjálfari karlaliðs ÍA
og núverandi þjálfari ÍA liðsins í
Pepsídeild kvenna spiluðu saman
í nokkur ár með ÍA liðinu. Þeirra
samstarf á vellinum var einkum
náið eftir að Þórður kom til baka
aftur til ÍA, eftir nokkurra ára fjár­
veru þar á meðal í atvinnumennsku
erlendis. Það var á árunum 2003 til
2005. Gunnlaugur var þá í hjarta
varnarinnar ásamt Reyni Leós­
syni og Þórður í markinu. „Okkar
samstarf var frábært en vissulega
gekk á ýmsu og við þrír vorum
ekki alltaf sammála um hlutina en
varnarleikurinn öll þessi þrjú ár
var mjög góður enda fengum við
á okkur fæst eða næstfæst mörk á
okkur öll þessi þrjú ár í deildinni,“
sagði Gunnlaugur að endingu.
þá
Gunnlaugur Jónsson er þokkalega ánægður með gengi Skagamanna
Gunnlaugur Jónsson þjálfari ÍA liðsins í 1. deild karla.