Skessuhorn - 17.06.2014, Blaðsíða 32

32 ÞRIÐJUDAGUR 17. JÚNÍ 2014
Sumarlesari
vikunnar
Í Borgarbyggð eru reknar nokkr­
ar smærri og svæðisbundnar veit­
ur sem yfirleitt eru í eigu íbúanna
sjálfra. Þar á meðal er Hitaveita
Stafholtstungna sem hefur ver­
ið starfrækt í 24 ár og kaupir vatn
í Laugalandi við Varmaland. Hita­
veitan er nú að endurnýja lagn­
ir á tæplega sexhundruð metrum
af u.þ.b. 28 kílómetrum sem eru í
hennar eigu. Verið er að breyta úr
plasti yfir í stál. Kemur þetta eink­
um til af því, að sögn hitaveitu­
stjórans Brynjólfs Guðmundssonar
í Hlöðutúni, að í upphafi var veit­
an ekki rétt hönnuð því lagnir voru
úr óþarflega þunnu efni, sem hefn­
ir sín.
Hitaveita Stafholtstungna þótti
þarfaþing á sínum tíma og þyk­
ir enn og vilja eigendur hennar,
bændur á 14 lögbýlum, halda áfram
að reka veituna þótt stundum hafi
verið hart í ári. Nokkuð hefur verið
um bilanir á lögnum en undanfar­
in ár hefur verið unnið að endur­
nýjun veitulagna eftir því sem fjár­
magn leyfir. Brynjólfur segir að það
sé að koma í hausinn á mönnum að
sparað hafi verið í upphafi varðandi
lagnaefni og veitan hönnuð með
lítilli veggþykkt á rörum. „Það var
verið að spara peninga með því að
kaupa lagnaefni með þynnri veggj­
um og þar sem reynslan var ekki til
staðar, hafa menn líklega talið að
þetta væri í lagi. Það hentar frekar
þar sem vatnið er ekki eins heitt og
hér. Hitaveita Stafholtstungna er
að kaupa vatn sem er 95 gráðu heitt
og rörin þurfa að þola það hitastig
og þrýsting. Með þessum lagfær­
ingum núna vonumst við til að geta
að mestu komið í veg fyrir bilan­
ir á þessum kafla því því þær koma
niður á öllum neytendum veitunn­
ar. Við erum að skipta út plast­
rörum í stál á tæplega sexhundr­
uð metra kafla frá dæluskúrnum og
áleiðis upp á Stafholtsveggjaháls­
inn. Þar tengist stálrörið við pexrör
sem endurnýjað var fyrir nokkrum
árum, þegar þeim var skipt út fyr­
ir gömlu plaströrin. Það voru alls­
staðar plaströr í veitunni og því
erum við að breyta smátt og smátt.
Það er líka mikið betri einangrun í
þessum rörum sem kemur notend­
um til góða.“
Aðspurður sagði Brynjólfur að
framkvæmdirnar tækju verulega í
budduna hjá ekki stærra fyrirtæki,
en hjá þessu yrði ekki komist. Ekki
væru allar framkvæmdir búnar, næst
lægi fyrir að fara í lögnina sem ligg­
ur í áttina að Stafholti, líklega verð­
ur byrjað á því verki í sumar.
bgk
Boga Kristín Thorlacius hefur um
nokkurra ára skeið rekið fyrirtæki
sitt Blómalindina í Búðardal. Starf­
semin var í litlu húsi rétt við versl­
un Samkaupa á staðnum. Nú hef­
ur Boga látið áralangan draum sinn
rætast um að breyta til, stækka við
sig og gera alveg nýja hluti. Ný og
breytt Blómalind var opnuð núna í
byrjun mánaðarins. Í nýju aðstöð­
unni hefur verið nóg að gera við að
breyta og bæta. Boga hefur byggt
upp aðstöðuna sjálf, nýtt allt sem
til hefur fallið í innréttingar. Krist­
inn Thorlacius faðir hennar hjálp­
aði til þar sem hennar geta þraut
eins og að koma fyrir borðplöt­
um og stilla tækin. Eiginmaður­
inn Hjörtur Sveinsson lagði einn­
ig gjörva hönd á plóg. Allt kemur
þetta skemmtilega út, óvenjulegt
og öðruvísi. Einnig er kaffihús og
matsala á staðnum, súpa dagsins,
kaffi og með því, nýbakaðar vöfflur
og tertur. Ekki má gleyma gjafavör­
unni, blómunum og skreytingum
en Boga er lærður blómaskreytir.
Vantaði fleiri kaffihús
í Búðardal
„Mér fannst vanta fleiri kaffihús hér
í Búðardal auk Leifsbúðar, nota­
legt umhverfi þar sem hægt væri
að setjast niður með góðan kaffi­
bolla og eitthvað að borða ef vill
og ég sótti af því tilefni námskeið
hjá Kaffitári, til að geta boðið upp á
gott kaffi,“ segir Boga brosandi um
ástæður breytinganna. „Einnig var
gamla húsnæði Blómalindarinn­
ar löngu sprungið svo þar var engu
nýju hægt að bæta við. Þegar þetta
húsnæði losnaði ákvað ég að slá til.
Ég hef verið að breyta og koma
mér fyrir núna síðla vetrar og nú
er þetta að mestu tilbúið, allavega
nóg til þess að geta opnað. Ég er
með veitingaleyfi tvö eins og kall­
að er, fyrir kaffihús og má því hafa
opið til klukkan 23 á kvöldin. Get
selt kaffi og áfenga drykki, meðlæti,
súpur og brauð. Ég er náttúrlega
blómaskreytir að menntun og hef
gaman að skreytingum. Með þessu
er ég að láta áralangan draum ræt­
ast þar sem ég tvinna saman skreyt­
ingar og kaffihús þannig að fyrst
og fremst er um að ræða upplifun
af íslenskri náttúru á margan hátt.
Meðal annars hvernig rétturinn er
skreyttur hverju sinni. Salatdiskur
er sem dæmi einnig orðinn skreyt­
ing ef raðað er á hann eftir kúnstar­
innar reglum þar sem ég er að not­
ast við það hráefni sem er í boði
hverju sinni. Einn daginn gæti súpa
dagsins innihaldið nýjan silung úr
Ljárskógarvötnum, Dalahvönn eða
Erpsstaðarjóma. Það gerist varla
meira spennandi og allt með heima­
bökuðu brauði. Svo verður haust­
ið gefandi tími; berin, sveppirnir,
haustlitirnir og uppskeran. Það er
bara að nota hugmyndaflugið.“
Allt mögulegt búð
„Kannski má segja að þetta sé svona
allt mögulegt búð,“ segir Boga og
heldur áfram. „Allt sem ég nota
í matreiðsluna er rekjanlegt. Ég
kaupi hráefni héðan úr Dölunum,
Reykhólum og Borgarfirði. Ég er
með íslenska vöruhönnun til sölu
í bland við erlenda, hvort sem er
í gjafavöru, fatnaði eða öðru. Er
kannski með vörur á boðstólnum
sem sést ekki á öllum stöðum. Mér
finnst það heillandi. Svo eru það
auðvitað blómin, bæði lifandi og
ekki.“
Vill lifa af þessu
Boga hefur unnið á heimilinu á
Fellsenda en dreymir um að breyt­
ing verði á því. „Mig langar til að
reyna að hafa fulla atvinnu af þess­
um rekstri og hef ýmislegt á prjón­
unum til að svo geti orðið. Yfir vet­
urinn þegar færri ferðamenn eru
hef ég hugsað mér að halda hér
námskeið og taka á móti hópum,
allt að fjörutíu manns í einu. Ég
get þá boðið upp á súpu og brauð
og jafnvel kennt blómaskreytingar
sem er mín sérgrein eða hvað ann­
að sem mér dettur í hug. Svo býð
ég hér upp á þvottaaðstöðu fyrir
gesti og gangandi. Sú þjónusta er
ný hér um slóðir. Tíminn leiðir í
ljós hvernig það gengur.“ Aðspurð
hvað verði um gamla húsnæði
Blómalindarinnar, segir Boga það
vera til sölu. „Húsið er lítið, það
er hægt að taka það bara og flytja
í burtu. Ef einhver er áhugasam­
ur má sá hinn sami bara hafa sam­
band,“ segir Boga Kristín Thorla­
cius sem þarf að sinna vöfflubakstri.
Hópur mættur á svæði sem pantaði
sjö bolla af „latte“ og jafnmargar
vöfflur með. bgk
Þegar blaðamaður Skessuhorns var
á ferð í Baulunni í Borgarfirði fyrir
skömmu bar þar að erlendan ferða­
mann. Hann spurði hvort þetta
væri Baulan eða „The Baula.“ Hon­
um var tjáð að það væri nú kannski
samnefnt fjall sem bæri þennan tit­
il. Kom þá í ljós að ferðamaður­
inn hafði ekkert fjall í huga. Hon­
um hafði nefnilega verið sagt, suð­
ur í Reykjavík, að besti ís á landinu
væri til sölu í Baulunni. „Ég er mik­
ill áhugamaður um ís og ákvað því
að stoppa hér til að sannreyna hvort
rétt væri farið með,“ sagði ferða­
maðurinn um leið og hann snar­
aði sér inn til að kaupa ísinn. Eft­
ir að hafa fengið afhendan góðan ís,
án dýfu, og smakkað á, horfði hann
undirleitur á blaðamann smá stund
á meðan ísinn bráðnaði í munni og
kvað svo upp dóminn. „Ég held að
þetta sé satt. Besti ís á Íslandi er
seldur í Baulunni.“ bgk.
Næstu vikurnar mun Skessu­
horn, líkt og síðasta sumar, birta
mynd af sumarlesara vikunnar
og svör viðkomandi við nokkr­
um spurningum. Börn þessi
heimsækja Bókasafn Akraness
yfir sumartímann. Starfsfólk
safnsins hefur veg og vanda að
vinnslu þessa efnis.
Nafn: Viðar Sigurþórsson
Aldur: 7 ára að verða 8 ára
Hvenær lestu? Á kvöldin
Áttu uppáhaldsbók? Veit ekki
Áttu einhvern uppáhalds höf-
und? Nei
Hvaða bók lastu síðast?
TX­10
Viltu mæla með einhverri bók
fyrir aðra krakka að lesa? Nei
Í hvaða skóla ertu?
Grundaskóla
Áttu einhver önnur áhuga-
mál? Leika, fótbolti og badmin­
ton.
Ný og breytt Blómalind í Búðardal
Boga Kristín Thorlacius við afgreiðslu-
borðið sem er sannarlega öðruvísi en
gengur og gerist.
Í Blómalindinni fæst ýmislegt sem ekki sést á hverju horni.
Baulan í Borgarfirði þar sem ferðamenn koma frá Reykjavík til að smakka besta
ís landsins.
Segir besta ís landsins
vera í Baulunni
Framkvæmdir við hitaveitu Stafholts-
tungna.
Hitaveita Stafholtstungna
í framkvæmdum
Brynjólfur Guðmundsson hitaveitustjóri, Ólafur R. Guðjónsson suðumaður og
Grétar Reynisson tækjamaður.