Skessuhorn - 17.06.2014, Blaðsíða 19

Norð ur áls mót ið - 19
Ókeypis heimsendingaþjónusta!
Opið alla daga ársins
Smiðjuvellir 32 - 300 Akranes - Sími 431 5090 - Fax 431 5091 - www.apvest.is
Allt á meiddið!
Plástur - Sárabindi
Teygjubindi - o.m.fl.

Afgreiðslut
ímar:
Virka daga
9–18
Laugardaga
10–14
Sunnudaga
12–14
„Ég er bjartsýnn að við byrjum stigasöfnun“
Þórður Þórðarson er tekinn við þjálfun Skagakvenna tímabundið
„Staðan hjá Skagakonum í Pepsí­
deildinni í dag kemur ekki á óvart.
Það var vitað fyrirfram að þetta
yrði mjög erfitt. Bilið milli deilda
er mjög stórt og líka á milli liða í
efri og neðri hluta Pepsídeildar­
innar. Þannig hefur þetta verið í
mörg ár og er þannig líka núna.
Það eru 4­5 lið mun sterkari en hin
liðin í deildinni. Ég er samt bjart­
sýnn á framhaldið og hef fulla trú á
því að við förum að safna stigum,“
segir Þórður Þórðarson sem ný­
tekinn er við þjálfun kvennaliðs ÍA
í knattspyrnunni sem leikur núna
í sumar í efstu deild eftir margra
ára hlé. Þórður tekur við þjálfun
liðsins af Magneu Guðlaugsdóttur
um stundarsakir, af persónulegum
ástæðum hjá Magneu sem sinnir
nú veiku barni. „Ég vona að þetta
verði ekki langur tími hjá mér
með kvennaliðið, algjörlega vegna
þess að hugurinn er hjá fjölskyldu
Magneu og ég vona að batinn
komi fljótlega,“ segir Þórður, sem
reyndar er nátengdur henni því
Magnea er gift Stefáni Þór bróður
Þórðar.
Gott að fá tíma fyrir
næsta leik
Skagakonur eru enn án stiga í
Pepsídeildinni eftir fimm um­
ferðir en hafa engu að síður spilað
ágætlega á köflum í þeim leikjum
sem búnir eru. „Þær spiluðu
góðan leik á móti Þór/KA í síðustu
umferð og voru óheppnar að ná
ekki einhverju út úr þeim leik.
Ég hef trú á að þetta sé að koma
hjá þeim,“ segir Þórður en næsti
leikur í deildinni verður gegn
Aftureldingu, sem líka er án stiga,
í Mosfellsbæ þriðjudagskvöldið
24. júní. „Við verðum og ætlum
okkur að vinna þann leik. Það er
forsendan fyrir því að við byrjum
í stigasöfnun. Ég var einmitt mjög
ánægður með að landsleikjahléið
skyldi koma núna í deildarkeppn­
inni. Það var gott að fá 10­12 daga
til að undirbúa liðið fyrir næsta
leik, byrja þannig með liðið,“ segir
Þórður.
Vörubílstjóri með
þjálfuninni
Núna er nákvæmlega ár síðan
Þórður hætti þjálfun karlaliðs ÍA
og hann starfar eins og hann hefur
lengst af gert sem bílstjóri hjá
ÞÞÞ, en þangað hefur hann kyn til.
Vinnudagurinn er oft langur, frá
sjö á morgnana til sex á kvöldin og
jafnvel lengur. Þórður segir að það
sé alveg hægt að samræma vinn­
una og þjálfunina. „Við sinnum
þessari þjónustu sem við höfum
gert í marga áratugi. Það er bara
gaman og líka að hafa fótboltann
með. Í þessu fyrirtæki hefur alltaf
verið tekið tillit til fótboltans alveg
frá því að afi var í þessu um miðja
síðustu öldina, síðan komu Teitur
og pabbi um tíma, svo Óli og við
afkomendurnir hverjir af öðrum.
Það eru margir sem tengjast
fótboltanum í fjölskyldunni,“ segir
Þórður Þórðarson, en sonur hans
Þórður Þorsteinn skoraði einmitt
sitt fyrsta deildarmark fyrir Skaga­
menn á dögunum og að sjálfsögðu
vinnur hann líka hjá ÞÞÞ.
þá
Þórður Þórðarson.
Barátta í leik ÍA og Þór/KA í síðustu umferð Pepsídeildarinnar.
Þórður Þórðarson lengst til vinstri í leik með ÍA gegn Þrótti haustið 2005, þeim
síðasta sem hann lék með ÍA. Næst honum í mynd nr. 4 er Gunnlaugur Jónsson
núverandi þjálfari karlaliðs ÍA. Ljósm. Hilmar.