Læknablaðið - 15.04.2003, Blaðsíða 79

NÁMSKEIÐ / STYRKIR
Námskeið um stefnumiðaða árangurs-
stjórnun (Balanced Scorecard - BSC)
í heilbrigðiskerfinu
laugardaginn 5. apríl nk. kl. 9:00-12:00 í sal Læknafélaganna,
Hlíðasmára 8, 4. hæð, Kópavogi
Á síðustu árum hafa kröfur um sparnað í heilbrigðiskerfinu og kröfur um sífellt meiri og betri þjónustu samfara
aukinni tæknigetu og kunnáttu leitt til tíðari hagsmunaárekstra milli stjórnenda og lækna. Stjórnendur í heilbrigðis-
kerfinu einblína á niðurskurð kostnaðar og framleiðni á sama tíma og læknar gera hvað þeir geta til að fylgja eftir
Hippókratesareiðnum með þeim ráðum sem tiltæk eru hverju sinni. Stjórnendur verða að leysa úr þessum mis-
munandi sjónarmiðum á sama tíma og þeir þurfa að takast á við það að þjóðin er að eldast, sívaxandi eftirspurn
eftir þjónustunni, auknar kröfur sem gerðar eru til þjónustunnar og stjórnvöld krefjast auðveldara aðgengis og
lægri kostnaðar.
Til aó takast á við þessi margvíslegu og að því er virðist oft og tíðum ósamrýmanlegu verkefni hefur hugmynda-
fræðin um stefnumiðaða árangursstjórnun rutt sér rúms á síðustu árum. Samkvæmt tímaritinu Harvard Business
Review er hugmyndin um BSC ein af 75 áhrifamestu hugmyndum á 20. öld. Á síðustu misserum hefur aðferða-
fræðin verið tekin í notkun hjá opinberum stofnunum með góðum árangri og má nú segja að vaxtarbroddinn sé
þar að finna.
En hvað er stefnumiðuð árangursstjórnun - Balanced Scorecard? í stuttu máli má segja að BSC sé hugmynda-
fræði og tæki til að útfæra stefnu, miðla henni og fylgjast með hvernig gengur að framfylgja stefnunni. Nánar má
segja að BSC sé stefnumiðað stjórntæki fyrir alla skipuiagsheildina; samskiptatæki til að miðla stefnu til allra
starfsmanna; aðferð til að finna jafnvægi milli fjárhagslegra og ófjárhagslegra mælikvarða; leið til að samhæfa
bjargir skipulagsheildar í daglegum verkefnum, fjárhagslegar sem líkamlegar, við framtíðarsýnina.
Námskeiðið er ætlað þeim sem vilja kynna sér aðferðafræðina og vera þannig betur færir um að tileinka sér ný
vinnubrögð þegar BSC verður innleitt á vinnustaðinn.
Námskeiðið er á vegum Læknafélags íslands og Læknafélags Reykjavíkur. Leiðbeinandi er Gunnar Ármannsson
framkvæmdastjóri læknafélaganna og MBA í stjórnun.
Novo Nordisk sjóðurinn
auglýsir eftir umsóknum um rannsóknarstyrki sem Rannsóknaráð Norðurlanda veitir til
grunnrannsókna og klínískra rannsókna á sviði innkirtlafræði
Árleg úthlutun úr sjóðnum fer fram í byrjun september 2003. Gert er ráð fyrir að um 12 milljónir danskra króna séu
til úthlutunar.
Umsóknareyðublöð og leiðbeiningar verða á heimasíðu sjóðsins www.novonordiskfonden.dk frá 10. mars 2003.
Umsóknir fara fram á netinu og eiga að berast rafrænt til sjóðsins í síðasta lagi 30. apríl 2003, kl. 16.00.
Ef sótt er um styrk hjá Nordisk Forsknings Komité í kringum umsóknarfrestinn 30. apríl 2003, er ekki hægt að
sækja um styrk fyrir það sama hjá Læge- og Naturvidenskabelig Komité á almanaksárinu.
Novo Nordisk Fonden Sími: +45 44 43 90 31
Brogárdsvej 70 Fax: +45 44 43 90 98
Postboks 71 nnfond@novo.dk
2820 Gentofte
Danmark
Þessi auglýsing er endurbirt þar sem villur voru í útgáfunni sem birtist í marsblaðinu. Hér hafa þær verið leiðréttar
og er beðist velvirðingar á mistökunum.
Læknablaðið 2003/89 363