Fréttatíminn - 13.06.2014, Síða 20

www.volkswagen.is
Meistari í
sparsemi
Volkswagen up!
Volkswagen Take up! kostar
1.990.000 kr.
Samkvæmt könnun breska bílablaðsins
Autoexpress er enginn bíll ódýrari í rekstri
en Volkswagen up! Með Volkswagen up!
hafa jafnframt verið sett ný viðmið í hönnun
því hann er einstaklega nettur að utan en
afar rúmgóður að innan.
HEKLA · Laugavegi 170-174 · Reykjavík · Sími 590 5000 · hekla.is
Umboðsmenn: Höldur Akureyri · Bílasala Selfoss · Bílás Akranesi · HEKLA Reykjanesbæ · Heklusalurinn Ísafirði
Komdu og reynsluaktu Volkswagen up!
Eyðsla frá 4,1 l/100 km
A
uk
ab
ún
að
ur
á
m
yn
d:
S
am
lit
h
an
df
ön
g,
só
lþ
ak
, þ
ok
ul
jó
s,
lis
ta
r á
h
ur
ðu
m
, k
ró
m
á
sp
eg
lu
m
.
og ég lærði mjög mikið. Ég fann
hins vegar að mér fannst mig vanta
menntun og það varð úr að ég fór
til Bretlands þar sem ég nam leik-
list við The Drama Studio London.
Mest lærði ég samt af samstarfs-
fólki mínu og auðvitað áhorfendun-
um en án þeirra væri lítill tilgang-
ur með þessari listgrein.“
Leitar í sálinni
Þegar ég spyr Theódór hvað það
sé sem leiklistin gefi honum segist
hann eiga erfitt með að koma því
í orð og tekur fram: „Ég held að
ég hafi aldrei verið spurður að
þessu áður. En ég held að þetta
sé eins og með aðrar listgreinar,
þetta er eitthvað sem er í manni.
Sumir verða málarar, aðrir tón-
listarmenn. Ég á mjög erfitt með
að hugsa mér að vinna við eitt-
hvað annað. Líf án þess að leika
yrði að minnsta kosti mjög erfitt
til að byrja með. Leiklistin býr
innra með manni og kannski
hjálpar hún manni að losna frá
sjálfum sér. Svo er það auðvitað
þannig að allar persónurnar sækir
maður hingað,“ segir Theódór og
leggur aðra höndina á hjartastað.
„Ég leita í sálinni og athuga hvort
ég finn ekki eitthvað sem ég get
notað. Þegar ég byrja að vinna fer
ég fyrst þangað, móta persónuna
út frá sjálfum mér og síðan þróast
þetta áfram. Þetta er ástríða sem
hefur vaxið með mér. Þó ég hafi
numið bakaraiðn þá blundaði þetta
alltaf í mér og þróaðist áfram með
þátttöku í áhugaleikhópum.“
Hlutverk Theódórs í leikhúsi
eru orðin allt að 160 talsins og
kvikmyndahlutverkin tæplega 20,
fyrir utan stuttmyndir. Hann hefur
leikið í kvikmyndum Baltasars
Kormáks; Hafinu, Mýrinni og
Djúpinu, en frammistaða hans sem
illmennisins í Mýrinni vakti mikla
athygli. „Já, þar lék ég algjöran
brjálæðing,“ segir Theódór rólega
með hógværð í röddinni. „Okkur
Baltasar hefur alltaf gengið vel að
vinna saman.“ Hann lék í Englum
alheimsins undir leikstjórn Frið-
riks Þórs Friðrikssonar og Reykja-
vík-Rotterdam Óskars Jónassonar,
og nýjasta kvikmyndin er Vonar-
stræti þar sem hann leikur föður
leikskólakennarans og vændis-
konunnar Eikar. Athygli vekur að
flest kvikmyndahlutverk Theódórs
flokkast sem aukahlutverk en við-
vera hans á skjánum er engu að
síður með þeim eftirminnilegri.
Hlutverk hans í Vonarstræti er
til að mynda ekki stórt en afar
áhrifamikið. Fáir íslenskir leikarar
hafa leikið jafn mikið í bíómyndum
meðfram leikhúsinu en Theódór
segir það allt hafa gengi upp í góðu
samstarfi.
Uppsögnin óvænta
Borgarleikhúsið var mikið í frétt-
unum í vor, fyrst eftir að Magnús
Geir Þórðarson lét af störfum,
síðan var það eftirvæntingin eftir
því hver tæki við, og svo loks
fréttir af því að Kristín Eysteins-
dóttir væri nýr Borgarleikhús-
stjóri. Hún var nýtekin við þegar
tilkynnt var um uppsagnirnar
umdeildu og var Theódór mjög
brugðið þegar honum var sagt
upp eftir samfellt starf hjá Borgar-
leikhúsinu frá stofnun þess.
„Þetta hafði líka mikil áhrif á fjöl-
skyldulífið og hafði mikil áhrif á
konuna mína sem vinnur í Borgar-
leikhúsinu. Nánast frá upphafi
hefur hún stjórnað forsalnum,
veitingasölunni og miðasölunni,
en nú sér hún eingöngu um miða-
söluna. Auðvitað hafði þetta áhrif
á hana. Dætur mínar tóku þetta
líka mjög nærri sér og voru mjög
reiðar.“ Fótunum hafði skyndilega
verið kippt undan Theódóri og
vanlíðan hans og höfnunartilfinn-
ing var yfirþyrmandi. Í kjölfar
mikillar gagnrýni í samfélaginu
dró Kristín uppsögnina til baka
en Theódór var hikandi að koma
aftur til starfa eftir það mikla áfall
sem hann varð fyrir.
„Ég sá fyrir mér að þetta myndi
sitja í mér og koma niður á starf-
inu. Ég var hreinlega ekki viss um
hvort ég myndi ráða við að vinna
aftur niðri í leikhúsi. Ég hugsaði
með mér að það væri betra fyrir
alla aðila, ekki bara mig heldur
líka leikhúsið. Kristín var síðan í
miklu sambandi við mig og vissi
að mér leið mjög illa. Það fór síðan
þannig að samkvæmt læknisráði
var sótt um fyrir mig um dvöl á
Heilsustofnuninni í Hveragerði.
Ég hafði lokað mig af því ég vildi
ekki tala við fólk um uppsögnina.
Á Heilsustofnuninni var þetta
öðruvísi. Þar vissu flestir hver ég
var en enginn spurði hvort þetta
væri ekki erfitt fyrir mig. Það
þurfti ekkert að spyrja að því. Það
er svo misjafnt sem hrjáir þá sem
sækja þarna aðstoð og lækningu
og maður gengur ekki upp að
fólki og spyr: „Hvað er að þér?“
Starfsfólkið þarna er algjörlega
yndislegt og auðvitað ræddi ég
mál mín við það.“
Theódór segist nokkuð viss
um að hann hefði leitað sér and-
legrar hjálpar hvort sem upp-
sögnin hefði verið dregin til baka
eður ei. „Ég þurfti sannarlega á
þessu að halda. Áður átti ég erfitt
með að fara niður í leikhús og ef
ég fór þangað til að hitta Kristínu
læddist ég meðfram veggjum. Ég
átti erfitt með að hitta fólk, þrátt
fyrir að hafa fengið svona mikil og
sterk viðbrögð frá samstarfsfólki
mínu. Ég hafði ekki kjark til að
hitta mitt nánasta samstarfsfólk
því ég vissi að ég myndi brotna
niður. Eftir á að hyggja finnst
mér ég hafa farið rétt að þessu
og að sú ákvörðun að leita mér
aðstoðar hafi gert gæfumuninn
til að ég næði aftur áttum. Síðan
þá hef ég farið niður í leikhús,
séð aftur leiksýningar sem ég var
áður búin að sjá og fara baksviðs
að hitta samstarfsfólkið. Það hafa
allir faðmað mann og tekið vel
á móti mér. Nú bið ég Kristínu
ekki lengur að hitta mig klukkan
fjögur eða fimm þegar fáir eru
á ferli heldur hitti ég hana bara
klukkan 11 á morgnana,“ segir
hann nokkuð stoltur af þessum
framförum, eðlilega. „Það var
mikill léttir að komast yfir þennan
þröskuld og nú erum við Kristín
að ræða saman um hvaða hlutverk
munu standa mér til boða.“
Hann tekur fram að hann hafi
ákveðinn skilning á því að nýir
leikhússtjórar velji sér samstarfs-
fólk. „Leikhúsið þarf alltaf að
vera á hreyfingu og auðvitað þarf
reglulega að skipta út fólki og fá
annað inn, en mér finnst að taka
verði tillit til þess hvar fólk er á
æviskeiðinu.“
Hélt að þetta væri gabb
Það var sannarlega mikið rót á lífi
Theódórs þegar hann var útnefnd-
ur heiðurslistamaður Kópavogs
og var hann í fyrstu vantrúaður
þegar honum var tilkynnt um það.
„Arna Schram, menningarfulltrúi
Kópavogsbæjar, hringdi í mig. Í
fyrstu náði ég ekki nafninu hennar
og hélt síðan að þetta væri eins-
konar aprílgabb. Samtalið þróaðist
síðan út í að ég áttaði mig á því
að þetta var alls ekkert gabb og
fannst þetta algjörlega frábærar
fréttir. Mér fannst þetta gríðar-
legur heiður þegar ég áttaði mig
á því hvað var að gerast. Þetta jók
sjálfstraust mitt og ég fann gleði í
hjartanu. Mér fannst þetta líka frá-
bærar fréttir fyrir konuna mína og
dætur mínar sem standa með mér í
gegn um súrt og sætt. Ég neita því
ekki að þessi viðurkenning hefði
ekki getað komið á betri tíma.“
Fer í reynslubankann
Þá blasir enn eitt kvikmyndahlut-
verkið við en brátt hefjast tökur
á kvikmyndinni Hrútar þar sem
Theódór og Sigurður Sigurjóns-
son fara með aðalhlutverk, hlut-
verk tveggja bræðra. Leikstjóri er
Grímur Hákonarson sem er þekkt-
ur fyrir heimildamyndir og stutt-
myndir á borð við Bræðrabyltu
en þetta er fyrsta leikna myndin
hans í fullri lengd. „Myndin verður
tekin upp í Bárðardal og gerist
í bændasamfélaginu. Í upphafi
myndarinnar talast bræðurnir
ekki við. Þeir búa á býli foreldra
sinna en í sitt hvoru húsinu og hafa
vanið hundinn við að fara á milli
með skilaboð. Þegar upp kemur
riða í sveitinni dregur heldur betur
til tíðinda. Þessi mynd getur á
köflum verið sprenghlægileg en
það er líka mikið drama. Strax
í upphafi minnti hún mig á verk
Cohen-bræðra.“
Upptökur hefjast í ágúst og
kemur Theódór sterkur til leiks.
„Ég þarf að nýta þá reynslu sem ég
hef öðlast. Ég vissi aldrei hvernig
tilfinning það er að vera skyndi-
lega sagt upp í starfi sem skiptir
mann öllu. Ég er auðvitað ekkert
einsdæmi. Í kjölfar Hrunsins var
mörgum sagt upp mjög harkalega
og óvænt. Nú bý ég að því að vita
hvernig tilfinning það er og set það
í reynslubankann. Ég held að það
efli mig og kannski kem ég til baka
miklu betri leikari en ég var áður.“
Erla Hlynsdóttir
erla@frettatiminn.is
Theódór Júlíusson er menntaður í leiklist hjá The Drama Studio í London. Hann hefur leikið í allt að 160 leikverkum og tæplega
20 kvikmyndum, að stuttmyndum frátöldum. Ljósmynd/Hari
20 viðtal Helgin 13.-15. júní 2014