Fréttatíminn - 13.06.2014, Page 49

Joseph Drouhin Laforet Pinot Noir
Gerð: Rauðvín
Uppruni: Frakkland, 2011
Styrkleiki: 12,5%
Verð: kr. 2.649
Þetta er svona vín sem er gott að byrja
Búrgúnd smökkunina á. Það tilheyrir
ódýrasta flokknum sem eingöngu
eru kennd við Bourgogne
héraðið sjálft. Það er moldað
með miðlungs tannín,
leður og kirsuber. Gott
með léttari kjötréttum og
ljósu kjöti.
Joseph Drouhin Côte de Beaune
Gerð: Rauðvín
Uppruni: Frakkland, 2011
Styrkleiki: 13%
Verð: kr. 4.497
Vín sem tilheyrir miðflokknum sam-
kvæmt gæðastöðlum Búrgúnd,
kennt við Côte d’Beaune. Örlítið
brennt í nefi, súlfúrinn kemur
í gegn. Það er sýruríkt með
töluverðum tannínum, vel
uppbyggt og skilar vel sínu
flókna bragði með skógar-
botni og hindberjum. Hefði
hugsanlega gott af því að
eldast aðeins. Það er hægt
að drekka þetta vín með
rauðu kjöti en það stein-
liggur með smá sætu, kakói
og súkkulaði.
Joseph Drouhin Beaune Clos
des Mouches
Gerð: Rauðvín
Uppruni: Frakkland, 2011
Styrkleiki: 13%
Verð: kr. 8.998
Stóri bróðir Côte de Beaune
og það finnst. Býður upp
á allt það sem einkennir
frábær Pinot Noir frá
Búrgúnd. Gott jafn-
vægi, lyktin er örlítið
reykt . Kirsuber og
lakkrís sem enda á
mildri vanillu. Verður
ekki betra nema þú
geymir vínið í nokkur
ár, þá verður það enn
betra. Þetta er vín til
að njóta íjafnvel með
smá ostbita.
Corton Grand Cru Le Rognet et
Corton
Gerð: Rauðvín
Uppruni: Frakkland, 2010
Verð: kr. 9.233 (sérpöntun)
Hér er annað stórvín á ferð frá Corton
í Côte d’Beaune. Gott berjabragð með
bláberjum og sólberjum. Langt gott
eftirbragð og þurrkaðir ávextir.
Eilítið sultað en þó sýruríkt með
mildu tanníni. Jafnvægið dansar
á línunni. Um að gera að bera
þetta vín fram aðeins kælt
eða við 17 gráður. Gott með
bragðmiklu kjöti og ostum. Þetta
vín mun batna með árunum og
geymast vel inn í næsta áratug.
Nokkur
góð frá
Búrgúnd
Helgin 13.-15. júní 2014 matur & vín 49
Hér eru 4 hvítvín
og 4 rauðvín
frá Búrgúnd í
smökkun. Reynt
var að hafa vínin
í mismunandi
verð- og gæða-
flokkum til að
gefa betri mynd
af úrvalinu.
Mersault Francois d’Allaines
Gerð: Hvítvín
Uppruni: Frakkland, 2010
Styrkleiki: 13%
Verð: kr. 5.199 (til reynslu)
Hér er á ferðinni frábært vín
frá Mersault þorpinu, þekkt
fyrir góð Chardonnay.
Gult á lit með góðan skýr-
leika. Græn epli og smá
grösugum keim. Létt eikað
með smá smjörkeim og
meðalfyllingu. Vín í góðu
jafnvægi. Þetta vín mun
batna með aldrinum og
hentar vel með öllum fiski.
Domaine Laroche Chablis Vaudevey
Gerð: Hvítvín
Uppruni: Frakkland, 2012
Styrkleiki: 12,5%
Verð: kr. 4.298
Þetta er vín frá Chablis hérð-
aðinu í Búrgúnd. Ljósgult og
gras í nefi. Ávöxturinn
er epli og sýran er
töluverð en nær þó að
halda ágætis jafnvægi.
Maður finnur líka fyrir smá
seltu í bragðinu sem er
ansi áhugavert. Chablis
getur verið hinn fullkomni
fordrykkur og það á við
um þetta vín. Líka gott
með fiski og ljósu kjöti.
Joseph Drouhin Chablis Les Clos
Gerð: Hvítvín
Uppruni: Frakkland, 2011
Styrkleiki: 13%
Verð: kr. 7.998
Flott vín hér á ferð. Það er allt
að gerast í þessari flösku.
Lyktin er afar sérstök nánast
eins og af gúmmíi. Uppbygg-
ingin á víninu er frábær og
eftirbragðið langt. Það er
eikað með hunangskeim og
ávöxturinn er sítrus. Þetta
vín kallar á skeldýr, helst
ostrur ef hægt er að nálgast
þær.
Francois d'Allaines Pou-
illy-Fuisse
Gerð: Hvítvín
Uppruni: Frakkland, 2012
Styrkleiki: 12,5%
Verð: kr. 3.995
Pouilly-Fuisse kemur frá
Mâconnais héraðinu í
suður Búrgúnd og er þekkt
fyrir frábær Chardonnay.
Þú færð heilmikið fyrir
peningana í þessu víni. Það
er þykkt og tiltölulega
mikið með eplum og smá
sítrus. Eikað og með smá
ómissandi vanillu. Gott með
fiskréttum, helst með hol-
landaise sósu eða álíka.