Læknablaðið - 15.02.2013, Blaðsíða 44

11 li 1 ■ 1 ■
rn&m m V SÍÍpfliB^
Íberíuför
í Öldungadeild LÍ hefur verið hefð fyrir því að fara í tvær
ferðir, innanlands og utan á ári hverju. Dagana 26. maí til 9.
júní 2012 ferðaðist 39 manna hópur á vegum deildarinnar um
norðurhluta Iberíuskagans. Fararstjóri var Kristinn R. Ólafs-
son. Ferðin hófst í Oporto í Portúgal en lauk í Barselóna. Fjöldi
fallegra og sögufrægra staða var skoðaður. Almenn ánægja
var með ferðina. Myndina tók Hjörleifur Guttormsson 1. júní
en þá var hópurinn staddur fyrir utan Guggenheimsafnið í
borginni Bilbao. Fánaberinn er fararstjórinn.
Ég og Vilmundur landlæknir
Að loknu prófi úr læknadeild í júní 1954
fór ég á fund Vilmundar Jónssonar land-
læknis til að forvitnast um starf í héraði,
en hálfs árs vinnuskylda í héraði fylgdi
kandídatsári. Vilmundur var ræðinn og
þægilegur í viðmóti. Hann sagði mér að
héraðslæknirinn á Hvammstanga væri
að fara í námsfrí í hálft ár og gæti ég
farið þangað ef okkur Brynjúlfi Dagssyni
semdi. En að þeim tíma loknum ætti ég að
fara norður á Strandir í Arnes því að þar
vantaði lækni. Eg, með þrjú börn, eins árs
tvíburadrengi og þriggja ára dreng, taldi
öll tormerki á því. Þá sagði Vilmundur:
„Þá tölum við ekki um þetta frekar." Síðan
fór hann að tala um daginn og veginn og
læknanámið. Eftir hálftíma dvöl kvaddi
hann mig með virktum. Eg hringdi til
Brynjúlfs Dagssonar á Hvammstanga
og náðum við samkomulagi um að ég
starfaði fyrir hann í hálft ár. Ég fór til
Vilmundar og sagði honum tíðindin.
Hans fyrstu viðbrögð voru: „Svo farið þér
í Arnes." Ég sagði honum að ég hefði ekki
gefið ádrátt um það. Þá sagði Vilmundur
orðrétt: „Þér eruð dirty character, Hörð-
ur." Þóttist ég sjá að hann hefði notið þess
að segja þessa setningu. Síðan ræddum
við saman um ýmis dægurmál í hér um
bil 30 mínútur þar til hann sleit samtalinu
og kvaddi mig.
I febrúarbyrjun 1956 fékk ég veitingu
fyrir Hvammstangahéraði. Ég var sam-
viskan uppmáluð og sendi landlæknis-
embættinu mánaðarlega skýrslu um sótt-
arfar og sjúkdóma. Ég hafði eyðublaðið
í töskunni og strikaði við, á réttum stað,
hvert tilfelli sem ég sá. Nú liðu fáir mán-
uðir. Þá kom bréf frá Vilmundi landlækni:
„Herra héraðslæknir, undanfarna mánuði
Hörður
Þorleifsson
hafið þér sent embættinu mánaðarlega
skýrslu um sóttarfar og sjúkdóma
áritað eins og hafnarverkamenn rita á
tunnubotna við út- og uppskipun vara.
Vinsamlega sendið embættinu eftirleiðis
skýrslurnar áritaðar með serkneskum
tölustöfum." Fannst mér ég sjá fyrir mér
glettnissvip hans er hann reit bréfið.
Síðar heimsótti Vilmundur mig á
Hvammstanga ásamt Grétari Fells, ritara
sínum, og lá vel á þeim. Landlæknisemb-
ættið var nú ekki fjölmennara þá.

Jldungadeild
Læknafélags íslands
Stjórn Öldungadeildar:
Sigurður E. Þorvaldsson formaður, Jón Hilmar
Alfreðsson ritari, Tryggvi Ásmundsson gjaldkeri,
Bjarni Hannesson, Guðmundur Oddsson
öldungaráð
Hörður Þorleifsson, Jóhann Gunnar
Þorbergsson, Höskuldur Baldursson, Kristín
Guttormsson, Leifur Jónsson, Þáll Ásmundsson
Umsjón síðu: Páll Ásmundsson
Vefsíða:
http://innri.lis.is/oldungadeild-li
104 LÆKNAblaðið 2013/99