Þjóðlíf - 01.12.1985, Blaðsíða 16

niilVllM.Ui í IsLENSKRI
OÓKAÉTCÁFII
Fjöldi nýrra íslenskra skáld-
verka og fjöldi vandaðra
þýddra úrvalsverka. Þetta
segir Eyjólfur Sigurðsson,
formaður Félags bókaútgef-
enda, að einkenni bókamarkaðinn í ár.
Hann bætir því jafnframt við, að svo
virðist sem ævisögur verði minna áber-
andi á markaðnum nú en undanfarin ár.
Fjöldi útgefinna titla á , jólavertíðinni"
í ár er að sögn Eyjólfs á milli 300 og 350,
en það er svipað og í fyrra. Raunar varð
veruleg fækkun á útgefnum bókum í
fyrra frá árinu áður, en árið 1983 voru
útgefnar bækur um 500. Það reyndist
meira en markaðurinn tók við og hafði í
för með sér mikið auglýsingastríð og
fjárhagsvanda bókaútgáfunnar. Útgef-
endur hafa lært af þessu, enda grand-
skoða íslenskir bókaneytendur mark-
aðinn fyrir jólin og fjölmiðlar eru óspar-
ir á að segja fréttir af bókaútgáfu þegar
líða fer að jólum. Stórfelldur auglýsinga-
kostnaður ætti því að vera óþarfur.
Ævisögur og
spennusögur í efstu
scetuni
Félag íslenskra bókaútgefenda hefur
í fórum sínum lista yfir 20 söluhæstu
bækur síðasta árs. Þar eru ævisögur,
samtalsbækur og spennusögur nær
allsráðandi. Það er athyglisvert að á
þann lista komst aðeins eitt frumsamið
íslenskt skáldverk, en það var bók
Áma Bergmann, Með kveðju frá Dublin.
Það sem e.t.v. er óvenjulegt við árið í
fyrra, er að þýdd öndvegisverk fengu
mjög góðar viðtökur lesenda. Nafn rós-
arinnar eftir Eco, Jólaóratorían eftir Gör-
an Tunström og Glæpur og refsing eftir
Dostojevsky háðu harða keppni um
hylli lesenda við gamla kunningja eins
og Alistair McLean, Innes, Bagley og
Theresu Charles.
Fróðlegt verður að fylgjast með því
hvaða viðtökur íslenskir höfundar fá nú
hjá lesendum með reynsluna frá í fyrra í
huga. En eins og Eyjólfur Sigurðsson
bendir á, eru fjölmorg ný skáldverk á
boðstólum fyrir þessi jól, bæði eftir
yngri og eldri höfunda.
Mál og menning gefur út Gulleyjuna
eftir Einar Kárason, sem heldur þar
með áfram þeirri sögu reykvísks
braggahverfis, sem hófst fyrir tveim
árum með bókinni Þar sem Djöflaeyjan
rís. Sigurður A. Magnússon heldur
áfram með uppvaxtarsögu sína, fjórða
bindi hennar er komið út og nefnist
Skilningstréð. Sóla, Sóla nefnist ný
skáldsaga eftir Guðlaug Arason, sem
gerist bæði í fjarlægri fortíð og í nútím-
anum, og eftir Véstein Lúðvíksson kem-
ur nýstárlegt verk, Oktavía, sem er ekki
eiginleg skáldsaga heldur fjöldi stuttra
dæmisagna, þar sem merkiskonan Okt-
avía er sífellt í sviðsljósinu og miðlar
lífsfílósófíu sinni. Þessar bækur koma
allar út hjá Máli og menningu.
Guðbergur Bergsson er fyrirferð-
armikill í ár. Frá honum kemur sagan
Leitin að landinu fagra, sem Mál og
menning gefur út, þar sem fjallað er um
leit mannsins að sæluríkinu, útópíunni.
Þá hefur ein af gömlum persónum Guð-
bergs, Hermann Másson, tekið sig til og
skrifað bók um froskmann nokkum og
afdrifaríkar ástir hans og hafmeyjar,
sem hann hittir í undirdjúpunum. Það er
Forlagið sem gefur þessa bók út og
þaðan kemur sömuleiðis bók eftir Stef-
aníu Þorgrímsdóttur, Nótt í lífi Klöru
Sig., sem er önnur skáldsaga höfund-
arins.
Guðmundur Daníelsson, sem nú má
heita Nestor þeirra rithöfunda sem fást
við skáldsagnagerð, sendir frá sér
skáldsöguna Tólftónafuglinn, sem ísa-
fold gefur út.
Frá hendi Péturs Gunnarssonar kem-
ur út fjórða og síðasta bókin um piltinn
Andra, sem lesendur skildu síðast við í
stúdentaóeirðum í París. Pétur gefur
bók sína út sjálfur. Sama gera Hafliði
Vilhelmsson, sem nú gefur út skáld-
söguna Beygur, og Þórarinn Eldjám
með smásagnasafn sitt, Margsaga.
Smásagnahöfundar hafa raunar ekki
látið sitt eftir liggja fremur en skáld-
sagnahöfundamir. Almenna bókafé-
lagið gefur út safn smásagna eftir Krist-
ján Karlsson, Komið til meginlandsins
frá nokkrum úteyjum. Þetta er fyrsta
smásagnasafn höfundarins, sem er í
hópi kunnustu bókmenntafræðinga
þjóðarinnar, auk þess að vera í fremstu
röð ljóðskálda. Vigdís Grímsdóttir
sendir frá sér smásagnabók öðm sinni,
en hún vakti mikla athygli fyrir fyrstu
bók sína, Tiu myndir úr lífi þinu, sem út
kom fyrir tveim árum. Frjálst framtak
gefur bókina út.
Fjörkippur í útgáfu
þýddra skáldverka
Eftir margra ára ládeyðu virðist vera
að færast fjörkippur í útgáfu þýddra
16 ÞJÓÐLÍF