Þjóðlíf - 01.05.1986, Qupperneq 20

Caren Pfleger hannaði þennan
óvenjulega og glæsilega búning
fyrir sumarið 1986, en hér eru
afrísk áhrif greinileg.
Fatnaður frá Jill Sanders f nýlendu-
stílnum.
Nýlendudragt frá Chanel.
Kvikmyndin OutofAfrica hef-
ur einnig afgerandi áhrif á sum-
artískuna, jafnt meðal stóru tísk-
uhúsanna sem annarra minni
spámanna og -kvenna. Hér er
reynt að endurvekja klæðnað
kvenna á öðrum og þriðja áratug
aldarinnar í Afríku, þ.e. hvítra
kvenna, eins og þann sem Kar-
en Blixen klæddist á búgarði sín-
um í Afríku. ítalski tískuhönnuð-
urinn Milena Canonero hannaði
búninga í kvikmyndina og var út-
nefnd til Óskarsverðlauna fyrir
hönnun sína, en verðlaunin hlaut
að þessu sinni hönnuður bún-
inga f kvikmyndina Ram. Tísku-
húsin fóru þegar af stað og nú
gefur að líta frá þeim klæðnað úr
khaki- og bómullarefnum: stutt-
buxur, pils, stutterma blússur og
hatta. Rómantískur en þó um
leið svolítið harður stíll, ætlaður
fólki sem vill gefa þá ímynd að
það láti sér fátt fyrir brjósti
brenna.
Fatnaður Afríkubúa sjálfra
kemur lítt við sögu í kvikmynd-
inni, en tískuhönnuðir hafa
margir hverjir komið með fatnað,
sem er undir merkjanlegum
áhrifum af litagleði Afríkubúa.
Bandaríski hönnuðurinn Willie
Smith gengur lengra í þessum
efnum en nokkur annar, en hann
blandar saman nýlendufatnaði
hvítra manna í Afríku og því sem
Afríkubúar klæddust sjálfir.
Þannig klæðir hann fyrirsætur
sínar t.d. í khaki-jakka en innan-
undir bera þær litskrúðugan
brjóstahaldara og stuttpils sem
vafið er um lendarnar. Þannig
klæddust afrískar konur, segir
hann, og úr varð miklu skemmti-
legri klæðnaður en sá er þær
hvítu klæddust. Ef til vill eigum
við eftir að sjá á götum Reykja-
víkur í sumar klæðnað, þar sem
hugvit afrískra kvenna á öðrum
og þriðja áratug aldarinnar kem-
ur við sögu?
20 ÞJÓÐLÍF