Þjóðlíf - 01.05.1986, Blaðsíða 87

Talar
andstæðingana
íhel!
Helgi Hjörvar er tvímæla-
laust meðal fremstu
ræðuskörunga þjóðarinn-
ar - íyngri flokki. Hann
vann jáann 5. mars síð-
astliðinn titilinn Ræðumaður kvöldsins í
Mælsku- og rökræðukeppni framhalds-
skólanna á íslandi. í þessari keppni
geta allir framhaldsskólar á landinu tek-
ið þátt, og hún var haldin annað árið í
röð í Háskólabíói fyrirfullu húsi fyrr-
nefndan dag. Þar kepptu lið Mennta-
skólans við Hamrahlíð og Menntaskól-
ans í Reykjavík til úrslita. Síðarnefnda
liðið vann - en Helgi hlaut ofannefnd-
an titil fyrir frammistöðu sína í liði MH.
Athygli vakti, að í Iiði MH-inga voru
tvær stúlkur af fjórum keppendum.
Helgi sagði MH-inga hafa lagt metnað
sinn í að skipa liðið að jöfnu piltum og
stúlkum, „þótt íslendingar álíti flestir að
enginn geti talað ábyrgðarfullt nema
æsa sig djúpum rómi,“ sagði hann. Af
þeim fjórum liðum, sem MH-ingar
kepptu við, þ.e. 16 manns, var aðeins
eitt skipað einni stúlku! Liðið þótti taka
áhættu með þessari skipan - en nú
ætti sá ótti að vera horfinn með öllu.
Áfram nú, stelpur.
Helgi segist lítið hafa gert af því að
tala opinberlega fyrr en í vetur, en þá
hafi líka mikill tími farið í þetta. Hann
sótti eitt sinn ræðunámskeið hjá Baldri
Óskarssyni, fyrir „ævalöngu síðan",
þannig að lærdómur hans í ræðu-
mennskunni hlýtur að koma að innan.
Og ræða kvöldsins? Um hvað fjallaði
hún? „Ég man þetta ekki svo greini-
lega, en ég talaði með geimferðum,
eins og mér var uppálagt að gera,“
segir Helgi. „Ég talaði eitthvað um það,
að maðurinn yrði að halda áfram á
þróunarbrautinni, og til þess væru
geimferðir vitaskuld nauðsynlegar.
Einnig minntist ég á að við þyrftum að
finna eitthvað í stað hinna þverrandi
auðlinda okkar, og til þess væru
geimferðir nauðsynlegar. Síðan minnt-
ist ég eitthvað á geimvarnaráætlunina í
þessu sambandi."
Áhugamálin? Ræðumennska? Ætlar
Helgi að leggja hana fyrir sig? Hann
hlær að spurningunum. „Nei, ætli það.
Ég stefni bara að mínu stúdentsprófi og
hef síðan hug á því að fara utan í
blaðamennskunám. Ennþáerallt
óráðið."
Helgi lýkur þriðja árs prófum frá
Hamrahlíðinni í vor og stefnir á stú-
dentsprófið að ári. Áhugamál hans eru:
pólitík, bækur, leikhús, „og svo bara
lífið og tilveran," segir þessi ungi ræðu-
skörungur. Ekki ræðumennska!
Helgi Hjörvar: Ræðuskörungur
framhaldsskólanna á íslandi.