Þjóðlíf - 01.08.1987, Blaðsíða 40

I N N L E N T
• Gunnar Þorsteinsson, Rupert Johnston og meðlimir Krossins biðja fyrir
þeim erfrelsast.
Markmíðið er að vinna sáfir
Rokkmúsíkin í hávegum höfö
ÞAÐ ER DANSAÐ, hoppað, klappað og sungið hástöfum. Popphljóm-
sveit á palli spilar taktfasta, grípandi tónlist af mikilli innlifun. Fólkið
teygir hendur til himins og syngur með lokuð augun. Þau fi'la músíkina í
botn.
Við erum ekki stödd á Lýsuhóli á Snæfellsnesi, Valaskjálfi á Egils-
stöðum eða á Aratungu í Árnessýslu né heldur á balli í Reykjavík.
Samkomur Krossins að Auðbrekku 2 í Kópavogi fara fram með mikilli
innlifun safnaðarmeðlima. Tónlistin dunar og söfnuðurinn syngur með
og sveigir sig og teygir. Viðlögin eru sungin aftur og aftur - og enn aftur.
Eftir að búið er að endurtaka hvert lag nokkrum sinnum ákalla menn
Guð hástöfum. „Hallelúja. Hallelúja, dýrð sé Drottni, Jesús ég elska
þig!“ hrópa þeir sem tala á íslensku en hinir tala tungum eins og andinn
býður þeim. Söfnuðurinn er Hvítasunnusöfnuður og var stofnaður
þann 12. ágúst 1979. ForstöðumaðurinnheitirGunnarÞorsteinssonog
hann kynntist kristilegu starfi í Bandaríkjunum en hafði þá lengi tekið
þátt í kristilegu starfi hér heima.
Þau kalla tónlistina sína gospel og hafa samband við tvo ameríska
söfnuði, Christ Gospel Churces og Jimmy Swaggart Ministries.
„Reyndar eigum við mikið samneyti við Færeyinga," segir Gunnar,
„því þar er söfnuður sem er sprottinn úr starfi Krossins. Einnig er
starfandi söfnuður á Nýja Sjálandi, sem á ættir að rekja til okkar og við
höfum samband við hann. Tónlistin sem við flytjum er ekkert fremur
frá Bandaríkjunum en frá Hvítasunnusöfnuðinum. Þú verður að at-
huga að rokkmúsík rekur ættir sínar frá kristnu starfi frá aldamótum og
rokkkóngar eins og Elvis Presley fá músík sína frá kristnum söfnuðum.
Við tökum svo þetta upp hjá okkur, við flytjum nútímatónlist."
Stundið þið trúboð?
„Við stundum trúboð, beint og óbeint. Með tali, tónlist og daglegu
h'fi. Við erum opið bréf, þekkt og lesið af öllum mönnum. Það er
markmið kristilegs starfs að vinna sálir og við gerum það mest í mann-
legum samskiptum. Við höfum reyndar ekki verið nógu dugleg að
stunda beint trúboð en erum nú að bæta úr því. Við erum að hefja
götutrúboð, förum í sjúkrahús og fangelsi og erum að vinna að sjón-
varpsþáttum.“
Stefnið þið að því að stofna eigin sjónvarps- eða útvarpsstöð?
„Nei. Að vísu er ungur maður í Krossinum með kristilegt trúboð í
útvarpi, en það er á hans ábyrgð og ekki rekið af okkur. En við höfum
hugsað okkur dagskrárgerð, bæði í útvarpi og sjónvarpi. Við erum með
hljóðver hérna og erum með 24 erlenda tæknimenn sem eru að aðstoða
okkur við gerð sjónvarpsþáttarins sem verður byrjað að senda út á Stöð
2 í haust. Það verður bamaefni, söngur, vitnisburður og prédikanir."
Guðmundur Þorsteinsson segir að stofnendur og meðlimir Krossins
ANDRUMSLOFTIÐ magnast á samkomunni og hitinn er óskaplegur.
Það er fullt hús og hér eru ekki eingöngu íslendingar á ferð. Á sam-
komunni eru staddir 13 bandaríkjamenn frá Jimmy Swaggart Minis-
tries. í hópnum eru söngkonur, sjónvarpstæknimenn sem eru að taka
upp samkomuna, prédikari og leiðtogi hópsins.
Erlendu söngkonumar taka við af hinum íslensku og enn er sungið,
klappað og stappað. Leiðtogi ameríska hópsins flytur innilegt ávarp:
„You have a beautiful country and I love your Icelandic weather.
Brother Thorsteinsson is doing a wonderful job here and he is so
wonderful" - er inntak ávarpsins. Að loknum fallegum einsöng er
aðalpredikun dagsins flutt.
Rupert Johnston kann sitt fag. Leikhæfileikar hans leyna sér ekki.
Innihald ræðunnar er einfalt, stíllinn sá sami og í söngnum. Einfaldari
biblíusögu um göngu Israelsmanna í eyðimörkinni og ferðina yfir
Rauðahafið er líkt við göngu safnaðarins sjálfs, einföld og áhrifamikil
líking við nútímann (biblíusögur sem blaðakona las í bamaskóla voru
mun flóknari og torskildari en útgáfa prédikarans). Stöðugar endur-
tekningar og upphrópanir eru undirstrikaðar af stórbrotnu látbragði og
magnaðri raddbeitingu prédikara Johnstons.
Undir Iok samkomunnar gerist kraftaverk.
Nokkrar ungar sálir frelsast og söfnuðurinn fagnar þeim og biður
fyrir þeim.
•Tungutal er algengt á stundum sem þessum.
séu í flestu sammála hugmyndafræði þjóðkirkjunnar, kenningamar séu
að mestu hinar sömu.
„Krossinn er ekki stofnaður til höfuðs þjóðkirkjunni," segir hann, „við
erum ekki á móti henni. Munurinn er sá að við stundum kristilegt starf
öðru vísi en hún. Samkomurnar hjá okkur eru öðru vísi en messurnar.
Það er meiri almenn þátttaka safnaðarins, líflegri söngvar og kröftugri
boðun. í boðuninni reynum við að gera fólki Ijóst að það getur ekki
lifað farsælu lífi í synd. Það þarf að snúa baki við syndugu lífemi, fá
fyrirgefningu og lifa í daglegu samfélagi við Drottinn Jesú Krist. Við
leggju alla áherslu á að lifa í trúnni dags daglega."
40