Þjóðlíf - 01.02.1988, Page 13

INNLENT
Ólafur Garðarsson, Jón Páll Vignisson og Ingvi Þór Thoroddsen vígreifir með „Makk-
ann“ í Tölvubæ við Skipholt en þar er hið nýstofnana fyrirtæki þeirra, íkon til húsa.
(Mynd Björn Haraldsson)
Hugbúnciður
Fundu upp forrit
Nokkrir ungir menn hafa hannað
hugbúnað sem selst vel. Stofnuðu
fyrirtœki á dögunum.
Nokkrir ungir menn hafa á
síðustu mánuðum búið til forrit
og hugbúnaðarkerfí, m.a. lausa-
Qáruppboðskerfi fyrir borgarfó-
getaembættið sem gengið hafa
mjög vel á markaðnum og hefur
fyrirtæki þeirra vaxið og dafnað
á örskömmum tíma.
Til að byrja með stofnuðu þeir Ólafur
Garðarsson, Jón Páll Vignisson og Þorvaldur
Geirsson fyrirtækið Eðalforrit, sem eins og
nafnið gefur til kynna, hannaði forrit en þeir
piltar eru allir forfallnir tölvuáhugamenn á
þrítugsaldri. Síðan er liðið á annað ár og nú
nýverið var starfsemi aukin með stofnun nýs
fyrirtækis, íkon hf. sem er hlutafélag með
þátttöku Eðalforrita.
Eiríkur Ingólfsson stjórnarformaður íkons
sagði í samtali við Þjóðlíf að grundvöllur
þessa nýja fyrirtækis væri það frumkvöð-
ulsstarf sem Eðalforrit ættu að baki. Sérhæfð
forrit þeirra hefðu gert meira en tryggja
þeim fastan sess meðal hugúnaðarframleið-
enda. „Fasteigna- og lausafjáruppboðskerf-
in sem borgarfógeti og bæjarfógetaembættin
víðsvegar um landið nota. Sömuleiðis verk-
takabókhaldskerfi sem m.a. Saga film notar,
og lyfjaframleiðslukerfi sem t.d. Reykjavík-
ur Apótek notar, auk launakerfisins sem
Eðalforrit var að setja á markað, hafa tryggt
okkur talsvert góða samkeppnisaðstöðu á
markaðnum", sagði Eiríkur.
Meðal verkefna hins nýja fyrirtækis, auk
námskeiða og forritaþjónustu, er að leigja
afnot af Apple Machintosh tölvum en um tíu
manns komast að í einu . Ólafur Garðarsson
einn hluthafanna kvaðst telja fulla þörf fyrir
þessa þjónustu t.d. fyrir námsmenn sem ekki
komast í tölvu í heimahúsi og þurfa takmark-
að að vinna við tölvur. Á staðnum væri einn-
ig góðnr leiserprentari til frjálsra afnota en
tíminn á að kosta um 300 krónur.
Námskeiðin hefjast í byrjun mars og kváð-
ust þeir félagar búast við að fyrstu hóparnir
kæmu frá fyrirtækjum sem áður hafa skipt
við Eðalforrit. „Þetta framtak boðar algjör-
lega nýja tíma í tölvuvinnslu hér á landi",
sagði Olafur Garðarsson að lokum.
Tómas Tómasson. Reykjavík.
Stúdentapólitík
Lýsandi fordæmi
Félag vinstri manna og umbóta-
sinnar í Háskóla íslands samein-
ast
Þau tíðindi urðu í febrúarmán-
uði að félag umbótasinna í Há-
skóla íslands og Félag vinstri
manna við sama skóla sameinuð-
ust eftir nokkurra ára samkeppni
um fylgi vinstri stúdenta og hóf-
samra „allt til hægri við hægri“
sagði Runólfur Ágústsson fram-
kvæmdastjóri Stúdentaráðs í
samtali við Þjóðlíf um þennan
áfanga.
Vinstri menn og umbótasinnar hafa starf-
að saman um nokkra hríð í meirihluta í Stú-
dentaráði og unað því samstarfi mjög vel.
Áður en til þess kom höfðu umbótasinnar
eiginlega klofnað um hríð 1986, þar sem
sumir vildu halda áfram samstarfi við Vinstri
menn en aðrir mynda samstarf við Vöku.
Upp úr þessum ágreiningi var stofnað stú-
dentafélagið Stígandi, þ.e. þeir umbótasinn-
ar sem mynduðu meirihluta með Vöku. Sá
meirihluti féll í fyrra, og Stígandi hvarf af
spjöldum háskólasögunnar, enda voru gár-
ungamir farnir að kalla félagið „Lekandi“.
Núverandi samstarf er því tæplega árs-
gamalt og myndar meirihlutinn stjórn SHÍ
sem í sitja Omar Geirsson formaður, Úlfar
Bergþórsson, Skúli H. Skúlason, Þóra Jóns-
dóttir, Kristján Sigtryggsson og Ágúst Ómar
Ágústsson.
Stúdentaráð hefur fyrst og fremst rekið
öfluga lánapólitík og sjá menn fram á áfram-
haldandi slag hér eftir sem hingað til. Auk
þess hafa húsnæðismál skipað rúm í háskóla-
pólitíkinni, í byggingu eru 90 íbúðir við
Hjónagarða og stendur nú yfir mikið fjáröfl-
unarátak vegna þeirra. Stúdentar þurfa að
bjarga 40 milljónum króna í byggingasjóð-
inn. „Við reiknuðum með aðstoð frá borg-
inni en við afgreiðslu fjárhagsáætlunar á
dögunum var okkur úthlutað 500 þúsund
krónum, meðan Hvítasunnusöfnuðurinn
fékk heila milljón. Það er sorglegt til þess að
vita að borgaryfirvöld skuli ekki gera sér-
grein fyrir að Reykjavík er háskólaborg",
segir Runólfur Ágústsson. „Borgin hafði
áður við byggingaframkvæmdir stúdenta
skilað myndarlegu framlagi, en að þessu
sinni var því ekki að heilsa“.
„Sameining okkar mun styrkja umbóta-
sinnuð og vinstri öfl í háskólanum en um leið
erum við að senda skilaboð út í þjóðfélagið.
Erum við ekki lýsandi fordæmi fyrir alla
vinstri og miðflokkanna, sem ná sáralitlum
árangri vegna þess að þeir kunna ekki að
vinna sarnan," sagði framkvæmdastjóri Stú-
dentaráðs að lokum.
Óskar Guðmundsson.
13