Þjóðlíf - 01.02.1991, Blaðsíða 5
ATSKÁK
— Eru styttri skákir það sem
koma skal? Venjuleg kappskák
tekur yfirleitt 3-6 tíma og ein-
staka skákir verða mun lengri.
Nú á tímum hraða og spennu
þykir sumum þetta fullmikil ró-
legheit og hinn alltumlykjandi
miðill sjónvarpið lítur ekki við
svo silalegu sporti. Það var með
þetta í huga sem sú ákvörðun
var tekin hjá Alþjóðlega skáksa-
mbandinu, FIDE, að hvetja til út-
breiðslu nýs keppnisforms sem
á íslensku hefur verið kallað at-
skák....
18-19
K.K. SEGIR
SÖGUR
Undanfarna mánuði hefur mað-
ur sem kallar sig K.K., en það
stendur fyrir Kristján Kristjáns-
son, verið töluvert áberandi í
tónlistarflóru Reykjavíkur. K.K.
er blúsari að atvinnu en tónlist-
arkennari að mennt. Til að fræð-
ast örlítið meira um manninn fór
tíðindamaður Þjóðlífs á stúfana
og hitti K.K....
44-45
tölvugagnabönkum fyrir almenning. Um
1500 notendur eru að íslenska
gangaflutningsnetinu sem Póstur og sími
rekur ............................. 50
NÁTTÚRA/VÍSINDI
Standandi vandræði og spanskflugan .. 54
Traust er að hafa tólin tvenn...... 55
Kjötát og krabbamein .............. 55
Megrun dregur úr háum blóðþrýstingi 56
Ný lyf gegn æxlisvexti............. 56
Ferðamáti framtíðar fyrir hjólreiða-
menn............................... 56
Magnýl örvar gróður ............... 57
ýmislegt
Smáfréttir erlent fólk............. 26
Smáfréttir úr heimi viðskipta ..... 52
Krossgátan ........................ 62
Næsti forsætisráðherra —
og baráttan um ímyndina
íslensku stjórnmálaflokkarnir eru að breytast. Umhverfi þeirra hefur á fáum árum tekið
stakkaskiptum. Þannig skiptir miklu í komandi kosningum að flokkarnir tala í öðru
samhengi en fyrir síðustu kosningar. Frá þeim tíma hefur heimurinn breyst; heims-
kommúnisminn er úr sögunni, sem m.a. hefur þær afleiðingar að „vinstrið" hefur verið
að hugsa upp á nýtt. Fyrir Sjálfstæðisflokkinn þýðir hrun kommúnismans m.a. að hann
á með tímanum erfiðara með að sannfæra kjósendur um að hann þurfi að halda áfram
að vera brjóstvörn gegn haettulegri hugmyndafræði, hugmyndafræði sem ekki er til.
Samtímis hafa orðið miklar breytingar innanlands sem hafa áhrif á alla flokka;
Sambandsveldið —kaupfélagaveldið er hrunið, gerjun meðal frjálslyndra vinstri
manna leiddi til uppstokkunar í síðustu borgarstjórnarkosningum. Og landamæri
flokkanna eru orðin mun óljósari en áður. Núverandi ríkisstjórn hefur stigið margvísleg
spor í frjálsræðisátt á viðskiptasviðinu og ímyndir flokkanna allra hafa breyst mikið.
Allir íslensku stjórnmálaflokkarnir hafa aðra „ímynd“ en fyrir síðustu kosningar. Reynd-
ar standa þeir allir einnig í „ímyndarkreppu" af einhverjum toga.
I stórum dráttum eru íslensku stjórnmálaflokkarnir sammála um meginmarkmið;
meiri velsæld þjóðar með góöri reisn, -markaðsþjóðfélag með félagslegu öryggisneti
og ríkjandi mannúð og mildi. Þeir deila á hinn bóginn um hraða á vegferðinni og um
leiðir. Hins vegar er ekki síður ágreiningur um hraðann og leiðirnar innan flokkanna en
á milli þeirra. Þetta á m.a. við um álmálið, nálgunina við Evrópu o.s.frv. Helst að
Kvennalistinn standi gegn hugmyndum í þessa veru. Allir eru hins vegar sammála um
að feta leiðina af öryggi og gætni.
Síðustu árin hefur borið nokkuð á blokkaskiptingu í íslenskum stjórnmálum. Annars
vegar fer Framsóknarflokkur með Alþýðuflokki og Alþýðubandalagi og hins vegar
Sjálfstæðisflokkur. Aðrir flokkar svífa þar á milli. Og aðal átökin um fylgi fara fram á milli
þessara tveggja fylkinga. Á bakvið eru auðvitaö miklir hagsmunir launafólks og
atvinnurekenda og auðsjáanlegur blæbrigðamunur í pólitískum áherslum. Líklegt
verður að telja að kosningabaráttan muni fara fram á milli þessara fylkinga.
Breytingarnar sem hér var minnst á í upphafi hafa ýtt undir þá þróun að tekist er í
auknum mæli á um „ímyndir" stjórnmálaflokka og leiðtoga þeirra. Skoðanakönnunin
sem Félagsvísindastofnun Háskóla (slands gerði fyrir Þjóðlíf um forsætisráðherraefni
segir einmitt til um styrk ímyndar hinna ýmsu stjórnmálaleiðtoga.
Til að stjórnmálamaður nái þeim árangri að fá á sig ímynd þjóðarleiðtoga meðal
kjósenda þarf hann að hafa sannað sig með margvíslegum hætti. Hann þarf að ná aldri
og reynslu, hafa jafnvel lent í harkalegum mótbyr og áföllum, —og tala þannig að
venjulegt fólk skilji, —hann þarf að vera sammannlegur, og afla sér trausts utan eigin
flokks sem innan.
Meðal stjórnmálamanna sem líklegir eru til að hafa náð þessum árangri fyrr á árum
eru ÓlafurThors, Bjarni Benediktsson, Lúðvík Jósepsson, Ólafur Jóhannesson, Gylfi
Þ. Gíslason og GunnarThoroddsen. Og meðal stjórnmálamanna sem standa í atinu í
dag er Steingrímur Hermannsson einn með þessa stöðu eins og sjá má í skoðana-
könnun Þjóðlífs. Hann einn hefur sterka ímynd þjóðarleiðtoga meöal kjósenda. Davið
Oddson kemur næstur honum, töluvert fyrir neðan, —en er samt sá eini sem virðist
einhvern tíma geta ógnað stöðu Steingríms.
Frá þessum sjónarhóli gæti kosningabaráttan sem nú er hafin orðið barátta um
ímyndir. í því Ijósi skiptir miklu hver verður formaður Sjálfstæðisflokksins. Hins vegar
virðist einboðið að ímynd ríkisstjórnarflokkanna verði ímynd Steingríms Hermanns-
sonar. Óskar Guðmundsson.
Útgefandi: Þjóðlíf h.f. Vallarstræti 4, box 1752, 121 Reykjavík, sími 621880. Stjórn: Kristinn Karlsson,
Svanur Kristjánsson, Ásgeir Sigurgestsson, Hrannar Björn, Jóhann Antonsson, Margrét S. Björnsdóttir,
Hallgrímur Guðmundsson, Guðmundur ólafsson, Halldór Grönvold og Helgi Hjörvar. Framkvæmda-
stjóri: Garðar Vilhjálmsson. Ritstjóri Þjóðlífs: Óskar Guðmundsson. Setn o.fl.: María Sigurðardóttir.
Próförk.: Sigurlaug Gunnarsdóttir. Fréttaritarar: Einar Heimisson (Freiburg) Guðni Th. Jóhannesson,
Guðmundur Jónsson (London), Bjarni Þorsteinsson (Danmörku), Guðrún Helga Sigurðardóttir (Finn-
landi), Guðbjörg Linda Rafnsdóttir (Lundi), Jón Ásgeir Sigurðsson (New Haven), Þorfinnur Ómarsson
(París). Forsíða,hönnun: Erlingur Páll Ingvarsson. Skrifstofa m.m.: Pétur Björnsson. Bókhald: Jón
Jóhannesson. Auglýsingastjóri: Þórir Gunnarsson. Prentvinnsla: Prentstofa G. Benediktssonar Kópa-
vogi. Áskriftasími: 621880. Framkvæmdastjóri 623280. Auglýsingasímar: 26450 og 28149. Ritstjóri:
28230.
ÞJÓÐLÍF 5