Frjáls verslun - 01.01.2014, Blaðsíða 92

92 FRJÁLS VERSLUN 1. 2014
Þekkingarspurning 1
A og B eru jafngömul. A leggur 1.000 kr. fyrir á mánuði frá 25
ára aldri. B leggur fyrir 2.000 kr. á mánuði frá 50 ára aldri á
samskonar sparnaðarreikning með föstum árlegum vöxtum.
Hvort þeirra telur þú að muni eiga hærri fjárupphæð á 75 ára
afmæli sínu, eða mun upphæðin vera jafnhá?
a) A
b) B
c) Upphæðin er jafnhá
d) Ekki er hægt að segja til um það út frá gefnum forsendum
Þekkingarspurning 2
Hvort er yfirleitt áhættusamara að fjárfesta í mörgum fyrirtækjum
eða í einu fyrirtæki eða er áhættan svipuð?
a) Það er yfirleitt áhættusamara að fjárfesta í mörgum fyrirtækjum
b) Það er yfirleitt áhættusamara að fjárfesta í einu fyrirtæki
c) Áhættan er yfirleitt svipuð
d) Ekki er hægt að segja til um það út frá gefnum forsendum
Þekkingarspurning 3
Þú leggur 1.000 krónur inn á verðtryggðan reikning sem ber 1%
vexti, verðbólgan er 4% og fjármagnstekjuskattur er 20%. Að
einu ári liðnu, gætirðu keypt jafnmikið, meira eða minna en þú
gætir keypt fyrir þá í dag?
a) Meira en í dag
b) Jafnmikið og í dag
c) Minna en í dag
d) Ekki er hægt að segja til um það út frá gefnum forsendum
Svörin koma hér á eftir. Til þess að vera með þekkinguna á
hreinu þarftu að svara öllum spurningunum rétt. Þótt þú svarir
ekki öllum rétt þarf það ekki að þýða að þú eigir í vandræðum,
en ef öll svörin eru röng þarftu kannski að hugsa þinn gang og
auka þekkingu þína á fjármálum.Til þess að fá heildarmynd á
fjármálalæsi þitt þyrfti líka að kanna viðhorf þín og hegðun.
Svör:
1. a) Fyrir tilstilli vaxtavaxta sem A safnar yfir lengri tíma á hann hærri upphæð.
2. b) Það er yfirleitt áhættusamar að fjárfesta í einu fyrirtæki.
3. b) Jafnmikið og í dag.
Taktu prófið
Prófið er einungis til gamans gert og er ætlað að vekja þig til umhugsunar. Fjármálalæsi
snýst ekki einungis um þekkingu heldur einnig viðhorf og hegðun. Frekari upplýsingar
um fjármálalæsi má finna á heimasíðu Stofnunar um fjármálalæsi: www.fe.is.
Spurningarnar eru fengnar úr rannsókn Stofnunar um fjármálalæsi og sálfræðisviðs
við skiptadeildar Háskólans í Reykjavík sem gerð var 2011 fyrir Íbúðalánasjóð, efnahags-
og viðskiptaráðuneytið og Arion banka. Nánari upplýsingar um skýrsluna er hægt að
nálgast á vef Stofnunar um fjármálalæsi: www.fé.is.
Ert þú fjármálalæs?
TexTi: BreKi Karlsson.
fjÁrMÁl