Frjáls verslun - 01.08.2014, Page 22

22 FRJÁLS VERSLUN 8-9 tbl. 2014
kemur að þessum erlendu efnisveitum
liggur í augum uppi að bregðast við með
því að beina kröftum okkar enn frekar að
inn lendri dagskrárgerð, því dagskrárefni
sem ekki er hægt að nálgast á þessum
erlendu veitum, og það teljum við okkur
vera að gera nú þegar og ætlum okkur að
gera í enn frekara mæli. Það er því alveg
óhætt að fullyrða að þörfin fyrir öflugt
ríkissjónvarp sem sinnir hlutverki sínu sem
skyldi með því að bjóða upp á vandaða og
fjölbreytta íslenska dagskrá hefur aldrei
verið meiri en eftir tilkomu hinna erlendu
efnisveitna.
Eru frekari breytingar á döfinni?
Ef spurt er um enn frekari breytingar á
sjónvarpsmarkaði þá er svarið klárlega
já. Þessi hraða þróun, sem mætti jafnvel
kalla byltingu, er í raun nýhafin. Framboð
og útbreiðsla risavaxinna efnisveitna,
rekinna af fjölmiðlarisum heimsins, mun
halda áfram og lítur út fyrir að næsti áfangi
tengist einkum nettengdum sjón varps ­
tækjum og að hægt verði að nálgast með
auðveldari hætti erlent sjónvarpsefni í
gegnum þau. Og þá er líka viðbúið að hin
gömlu landamæri, afmörkun efnis innan
ákveðinna markaðssvæða – svokölluð
„geoblokkun“ – heyri brátt sögunni til
og við taki tími óvissu sem endi með að
heimurinn verði eitt stórt markaðssvæði.
Við slíkar kringumstæður eykst svo
hættan á fákeppni verulega, að risarnir í
dreifingu efnis skapi sér það sterka stöðu
að hinir smærri verði undir. Af því kann
svo að skapast hætta á minni fjölbreytni,
að efni ætlað smærri markhópum eða
markaðssvæðum fari halloka, sem væri eins
og gefur að skilja óheppileg þróun fyrir
íslenska kvikmynda­ og dagskrárgerð og í
raun íslenska menningu almennt.
En bjarta hliðin á þessu er þó að við þessa
þróun verður RÚV að skerpa á megin ­
hlutverki sínu og beina kröftum enn frekar
að íslenskri framleiðslu og það fyrir hvern
þann miðil og hvern þann vettvang sem
áhorfendur framtíðarinnar velja sér.
Skarphéðinn Guðmundsson,
dagskrárstjóri RÚV.
Bjarta hliðin á þessu er þó að við þessa þróun verður RÚV að
skerpa á meginhlutverki sínu og beina kröftum enn frekar að
íslenskri framleiðslu og það fyrir hvern þann miðil og hvern þann
vettvang sem áhorfendur framtíðarinnar velja sér.
Hefur innkoma Netflix á íslenskan
sjónvarpsmarkað breytt einhverju?
Netflix hefur ekki formlega komið inn á
íslenskan sjónvarpsmarkað en hefur samt
sem áður umtalsverða markaðshlutdeild
hjá íslenskum heimilum eða allt að 20%
og er því orðið töluverður hluti af mark ­
aðnum. Með tilkomu efnisveitna eins og
Netflix hefur samkeppnin harðnað veru ­
lega á markaðnum – enda Netflix verðlagt
langt undir því sem innlendir að ilar geta
keppt við á grundvelli stærðar hagkvæmni.
Hvernig hafið þið á Stöð 2 brugðist við?
365 miðlar hafa fylgst náið með þróun
Netflix og annarra ólöglegra efnisveitna
sem og ólöglegs niðurhals og brugðist
við því á margvíslegan hátt. Eitt af því
sem við keppumst við er að sýna vinsælt
erlent efni nálægt frumsýningardögum
í Banda ríkjunum og Evrópu og þurfa
því áskrifendur ekki að bíða lengi eftir
að sjá uppáhaldsþættina sína á löglegan
hátt með íslenskum texta. Þá höfum við
fundið að okkar áskrifendur vilja innlent
efni í auknum mæli og síðastliðið ár
höf um við eflt innlenda framleiðslu til
muna, bæði með kaupum á leiknu efni
frá framleiðslufyrirtækjum sem og eigin
framleiðslu á margskonar efni til að höfða
til sem flestra markhópa. Jafnframt hefur
Stöð 3 gegnt lykilhlutverki í að bjóða
áhuga vert efni til ungra fjölskyldna.

Eru frekari breyingar á döfinni?
Nýjasta tólið okkar til að bregðast við
auk inni samkeppni og kröfu um bætt
aðgengi að efni er Stöð 2 Maraþon en það
er vara undir Frelsi á myndlyklum Símans
og Vodafone þar sem áskrifendur okkar
geta nálgast heilar þáttaraðir af vinsælum
þáttum svo sem Game of Thrones og
The Killing. Við stefnum á að efla þetta
framboð á næstu misserum og geta þá
áskrifendur okkar horft á uppá halds þætt ­
ina sína þegar þeim hentar og í sumum
tilfellum áður en þeir eru frumsýndir í
línulegri dagskrá.
Sævar Freyr Þráinsson, forstjóri 365:
Samkeppnin harðnað verulega
365 miðlar hafa fylgst náið með þróun Netflix og annarra ólög­
legra efnisveitna sem og ólöglegs niðurhals og brugðist við því á
margvíslegan hátt.
Sævar Freyr Þrárinsson, forstjóri 365.
in Port Gain
out
300 stærstu
fyrirtækin
í einu númeri
– er svarið
Netflix