Frjáls verslun - 01.04.2015, Blaðsíða 12

12 FRJÁLS VERSLUN 4 tbl. 2015
„Okkar markhópur er
fjölskyldufólk. Hingað
kemur ungt fólk með
börn.“
Viðtalkaupmaðurinn
„Við leggjum áherslu á mikið
magn og úrval og það getur
verið þröng á þingi í verslun­
inni. Mörg vörumeki eru í eigu
keðjunn ar en við seljum líka
öll önnur þekkt vörumerki. Ef
varan selst ekki er hún sett á
tilboð og verðið lækkað, jafnvel
mjög mikið, frekar en að safna
birgðum,“ segir Sigurður Pálmi.
Þetta eru allt aðferðir sem nýtt­
ar eru um allan heim og eru að
ryðja sér til rúms á Íslandi. Sumir
segja að þetta hafi slæm áhrif á
fjölbreytni og eyði smátt og smátt
öllum sérkennum: Allar búðir
verði eins, sama hvert komið er
í heimunum. Og að þetta bjóði
heim hættunni á fákeppni.
Sigurður Pálmi svarar á móti
að breytingar í verslun séu ekki
nýjar. Fyrirkomulag verslunar
hafi verið að breytast á öllum
tímum. Þannig sé „kaupmaðurinn
á horninu“ horfinn en nýjar
sérversl anir komnar í staðinn og
njóti vinsælda.
„Ég hef þá trú að það komi
alltaf upp ný tækifæri ef viðskipti
eru frjáls,“ segir Sigurður Pálmi.
Óvissa tengd gjaldeyris­
höftunum
Þetta leiðir talið að þeim takmörk­
unum sem eru á viðskipum á
Íslandi. Gjaldeyrishöftin snerta
ekki innflutning beinlínis. Þau
hafi hins vegar áhrif á erlendar
fjárfestingar og ekki síst viðhorf
erlendra fjárfesta til Íslands. Sig­
urður Pálmi þekkir þetta og segir
að breskir meðeigendur hans
spyrji um höftin og um hvað gerist
þegar og ef þeim verður aflétt.
„Höftin valda óvissu, ekki síst
vegna þess sem gæti gerst
þegar þau eru úr sögunni. Það
hefur áhrif á verðlag, getur leitt
af sér verðbólgu um tíma og það
verður einhver dýfa í kaupmætti
ef gengið fellur tímabundið.
Þetta er áhyggjuefni og erlendir
meðeigendur vita vel af þessari
stöðu,“ segir Sigurður Pálmi.
„Ég sé ekkert að því að beita
sköttum til að draga úr ásókn
í að skipta krónum í erlendan
gjaldmiðil en enginn veit hver
niðurstaðan verður og það er
bagalegt,“ segir hann ennfremur.
Tvöfaldir tollar
Það er líka ýmislegt annað í
viðskiptaumhverfinu sem íþyngir
versluninni. Megnið af íþrótta­
vörum í heiminum er framleitt í
Austurlöndum fjær. Svo er og
um vörur hjá Sports Direct, sem
fær vöruna fyrst flutta með tolli
inn í Evrópusambandið og svo er
aftur tollur inn til Íslands. Þarna
myndi aðild að ESB augljóslega
einfalda málið.
„Í þessu ESB­máli væri að mínu
viti rétt að ljúka samningum, sjá
hvað kemur út úr þeim og láta
fólkið segja sitt álit. Það er gáfu­
legri leið en sú sem ríkis stjórnin
hefur valið, sem er að taka
ákvörðunarvaldið um eitt stærsta
mál Íslandssögunnar úr höndum
fólksins,“ segir Sigurður Pálmi.
Það má líka hugsa sér
niðurfellingu á tollum. „Tollar eru
settir á til að vernda innlenda
framleiðslu. Núna er nær enginn
fataiðnaður eftir á Íslandi og
þau föt sem hér eru framleidd
eru sérvara, t.d. tískuhönnun og
fatnaður úr íslenskum afurðum,
sem ekki er framleidd í verulegu
magni. Jafnvel lopapeysur eru
prjónaðar í Kína. Tollarnir þjóna
því ekki sínum upphaflega til -
gangi og hækka bara vöruverð
til almennings,“ segir Sigurður
Pálmi.
En þrátt fyrir ýmsar athuga­
semdir gengur verslunin vel og
Sigurður vill ekki útiloka að hann
færi út kvíarnar á Íslandi. Hvar
og hvenær það verður veit þó
enginn en Sigurður er sífellt að
skoða hvar tækifærin leynast á
markaðnum.
„Afi skoðaði veltu á fermetra, veltuhraða, jafnvægið á milli sölu og fastakostnaðar og að binda
ekki of mikið fjármagn í birgðum. Launakostnaður má ekki fara úr böndum og heldur ekki vera
svo lágur að mikilvæg verk í fyrirtækinu séu ekki unnin.“
Við gerum vel
við bílinn á meðan
þú ferðast
bilahotel.is
P2 P1
P3
Kom
ur
Flugstöð
Brottfarir
Fáðu bílinn tandurhreinan og í toppstandi þegar þú kemur heim úr ferðalagi.
Leggðu bílnum hvar sem er í skammtímastæði brottfararmegin (P1) og settu
lykla ásamt verkbeiðni í sjálfsafgreiðslustöð Bílahótels í brottfararsal.
Auk þrifa og geymslu er hægt að láta skoða bílinn og inna nauðsynlegar
viðgerðir af hendi. Hagstæðast er að panta þjónustuna fyrirfram á bilahotel.is
þar sem jafnframt er að finna nánari leiðbeiningar.
Bókaðu bílinn núna á bilahotel.is
PI
PA
R\
TB
W
A
•
S
ÍA
•
1
52
55
6