Frjáls verslun - 01.04.2015, Blaðsíða 93

FRJÁLS VERSLUN 4 tbl. 2015 93
H
já Samskipum starfar
afar samhentur og
kraft mikill hópur
fólks; starfsmenn
Sam skipa erlendis eru um 1.300
en um 500 starfa hér á Íslandi.
Breiddin í starfsmannahópnum
er mikil og hjá okkur starfar
þverskurður íslensks þjóðfélags.
Mannauðsmál varða allan lífhring
starfsmannsins í starfi,“ segir
Bára Mjöll Ágústsdóttir, mann­
auðsstjóri Samskipa.
Hún segir að mannauðsstjóri
tryggi samræmd vinnubrögð í
mannauðsmálum fyrirtækisins
og sé innri ráðgjafi starfsmanna
og stjórnenda um allt er varðar
mannauðsmál fyrirtækja.
„Starfið er afar fjölbreytt og
engir tveir dagar eru eins. Í
starfi mínu sem mannauðsstjóri
veiti ég ráðgjöf til stjórnenda,
hef yfirumsjón með ráðningum,
skipulegg móttöku nýliða,
skipulegg frammistöðusamtöl
og frammistöðumat. Starfið
felst jafnframt í því að skilgreina
fræðsluþörf og endurmenntun
starfsmanna og tryggja að þeir
fái þjálfun og fræðslu við hæfi.
Mikilvægt er að starfsmenn
okkar hafi öll þau réttindi sem
tilskilin eru til að sinna starfi
sínu og fylgj um við því eftir að
starfsmenn hafi og viðhaldi rétt-
indum sínum. Mannauðsstjóri
sér til þess að reglulega séu
gerðar viðhorfskannanir hjá
starfsmönnum til að fylgjast
með hvernig fyrirtækið stendur
sig í mannauðsmálum. Einnig
ber ég ábyrgð á launaáætlana­
gerð fyrirtækisins og fylgi því
eftir að áætlanir standist. Mann­
auðsstjóri sinnir upplýsingagjöf
til starfsmanna um starfstengd
málefni. Einnig ber ég ábyrgð
á húsnæðismálum og rekstri
húsnæðis, rekstri mötuneytis
og skipulagningu starfsstöðva
starfs manna.“
Bára Mjöll er með BS­próf í
viðskiptafræði og MBA­próf með
áherslu á stjórnun og mann­
auðs stjórnun. Hún er gift Helga
Baldvinssyni, sérfræðingi hjá
Arion banka, og eiga hjónin
þrjú börn; soninn Darra Frey, 29
ára, og dæturnar Elfu Rós, 21
árs, og Birtu Hlín, 20 ára. „Birta
Hlín og Elfa Rós búa enn heima
og er alltaf líf og fjör í kringum
heimasæturnar tvær.“ Darri Freyr
á soninn Alexander Snæ, þriggja
ára, með unnustu sinni, Berglindi
Ólafsdóttur.
Bára Mjöll segir að heitt jóga
sé aðaláhugamálið. „Mér finnst
dásamlegt að fara í heitt jóga
og stefni á að fara einhvern tíma
í jógabúðir á Balí eða Taílandi.
Mér finnst einnig afar gaman
að elda góðan mat. Við eigum
sumarbústað í Úthlíð og þang­
að fer öll fjölskyldan oft og á
gæðatíma saman. Þar er stutt að
skella sér á golfvöllinn ef maður
vill; ég á golfsett sem ég pússa á
hverju vori og fer mögulega einn
golfhring. Ég hef líka gaman af
að lesa bækur um stjórnun og
einnig finnst mér góðir krimmar
ómissandi.“
Hjónin fara til Krítar í sumar.
„Við ætlum að komast í lang­
þráða sól. Það er alveg kominn
tími á það. Við ætlum að njóta
alls þess sem eyjan hefur upp á
að bjóða.“
„Mér finnst dásamlegt að fara í heitt jóga og stefni á að fara einhvern tíma í jógabúðir á Balí eða
Taílandi. Mér finnst einnig afar gaman að elda góðan mat. Við eigum sumarbústað í Úthlíð og
þang að fer öll fjölskyldan oft og á gæðatíma saman.“
TexTi: Svava JónSdóTTir / Mynd: Geir ólafSSon
Bára Mjöll Ágústsdóttir, mannauðsstjóri Samskipa.
Nafn: Bára Mjöll Ágústsdóttir.
Starf: Mannauðsstjóri Samskipa.
Fæðingarstaður: Reykjavík, 20
nóvember 1963.
Foreldrar: Margrét Ingvadóttir og
Ágúst Valgeirsson.
Maki: Helgi Baldvinsson.
Börn: Darri Freyr, 29 ára, Elfa Rós,
21 árs, og Birta Hlín, 20 ára.
Menntun: BS­próf í viðskiptafræði
og MBA­próf með áherslu á stjórn­
un og mannauðsstjórnun.
bÁra MJÖll ÁgústsDóttir
– mannauðsstjóri Samskipa
fólk