Frjáls verslun - 01.04.2015, Side 96

96 FRJÁLS VERSLUN 4 tbl. 2015
V
ið sem vinnum á
viðskiptasviði Kaup­
hall arinnar höfum
umsjón með viðskipta­
kerfinu sem við bjóðum upp
á og erum í samskiptum við
kauphallaraðila, sem eru okkar
helstu fjármálastofnanir og þeirra
miðlarar. Allt tölfræðiefni kemur
frá okkur; við búum til fjöldann
allan af yfirlitum og einnig höfum
við umsjón með vísitölum. Þá
vinnum við náið með skráning­
arsviði Kauphallarinnar við að
kynna markaðinn. Ég hef verið
dugleg að kynna mér nýsköpun­
arumhverfið og heimsótt fjölmörg
fyrirtæki þar sem við erum að
kynna kauphöllina og hennar
hlutverk í efnahagslífinu. Maður
fær að vera með puttana í mörg­
um verkefnum, það er kosturinn
við að vinna á litla Íslandi vs.
erlendis í stærri fyrirtækjum, fjöl­
breytnin verður meiri. Við í kaup­
höllinni fáum því að njóta þess
besta; að vera hluti af stóru,
alþjóðlegu fyrirtæki sem Nasdaq
er en vinna á litlum markaði sem
Ísland er.“
Kristrún Kristjánsdóttir er með
BS­próf í hagfræði frá Háskóla
Íslands og MBA­próf með áherslu
á fjármál og alþjóðaviðskipti frá
Pace University á Manhattan í
New York.
„Þegar ég var í námi í New
York fékk ég vinnu með skól an­
um hjá American Stock Ex­
change sem var kauphöll fyrir
lítil og meðalstór fyrirtæki. Eftir
út skrift réðu þeir mig í fullt starf
í greiningardeild og vann ég
þar í sjö ár eða þangað til ég
flutti heim til Íslands. Ég réð mig
síðan í Kauphöll Íslands og hef
því eingöngu unnið í kauphöllum
frá því ég útskrifaðist.“
Kristrún er gift Gunnari Fjalari
Helgasyni, framkvæmdastjóra
hjá Símanum, og eiga þau þrjú
börn; Daníel Darra, 14 ára,
Oliver Orra, 10 ára, og Söru Sól,
níu ára.
Þegar Kristrún er spurð um
áhugamál nefnir hún fyrst hlaup.
„Ég er í hlaupahópi í Mosfellsbæ
sem heitir Mosóskokk og hleyp
með þeim tvisvar til þrisvar í
viku. Ég reyni að stunda ein­
hverja líkamsrækt fjórum til fimm
sinnum í viku. Ég er búin að taka
þátt í tveimur maraþonum og
hver veit nema maður taki fleiri
seinna.
Við hjónin höfum mikinn áhuga
á matargerð og mér finnst fátt
skemmtilegra en að fá fólk í mat.
Við lifum mikið fyrir að fara á
góða veitingastaði erlendis og
prófa eitthvað spennandi. Svo
er auðvitað gaman að bralla
eitthvað skemmtilegt með fjöl ­
skyldunni, fara á skíði, sund og
ferðalög, bæði innanlands og
utan. Strákarnir mínir eru báðir
að æfa fótbolta og hafa sumrin
farið mikið í að elta þá um landið
á fótboltamót. Dóttirin er hins
vegar í ballett.“
Fjölskyldan fór til London yfir
hvítasunnuhelgina og svo verður
farið til Ítalíu síðar í sumar. „Við
fljúgum til Mílanó og eyðum einni
viku í Toscana. Við ætlum svo að
keyra um Ítalíu og fara til Feneyja
og jafnvel Rómar. Krakkana
lang ar síðan ofboðslega til að
sjá skakka turninn í Pisa. Ég held
að við hlökkum mest til að borða
góðan ítalskan mat!“
TexTi: Svava JónSdóTTir / Mynd: Geir ólafSSon
Kristrún Kristjánsdóttir, sérfræðingur á viðskiptasviði Nasdaq á Íslandi.
Nafn: Kristrún Kristjánsdóttir.
Starf: Sérfræðingur á viðskipta­
sviði Nasdaq á Íslandi.
Fæðingarstaður: Hafnarfjörður,
25. maí 1971.
Foreldrar: Kristján Tryggvason og
Jóna Hafsteinsdóttir.
Maki: Gunnar Fjalar Helgason.
Börn: Daníel Darri, 14 ára, Oliver
Orri, 10 ára, Sara Sól, 9 ára.
Menntun: BS í hagfræði frá HÍ og
MBA frá Pace University.
Kristrún KristJÁnsDóttir
– sérfræðingur á viðskiptasviði Nasdaq á Íslandi
fólk
„Við hjónin höfum mikinn áhuga á matargerð og mér finnst fátt skemmtilegra en að fá fólk í mat.
Við lifum mikið fyrir að fara á góða veitingastaði erlendis og prófa eitthvað spennandi. Svo er
auðvitað gaman að bralla eitthvað skemmtilegt með fjölskyldunni.“