Fréttatíminn - 12.06.2015, Blaðsíða 54

54 matur & vín Helgin 12.-14. júní 2015
Höskuldur Daði Magnússon
Teitur Jónasson
ritstjorn@frettatiminn.is
É g kem til Íslands til þess að kaupa fisk og veiða fisk,“ segir Mario Rotllant og brosir. „Reyndar hefur fjölskylda mín keypt þorsk af Íslend-
ingum frá árinu 1853 og ég hef komið hingað
tvisvar til fjórum sinnum á ári frá 1981 og ég
lít á Ísland sem mitt annað land,“ bætir hann
við. Mario er frá Spáni, nánar tiltekið Barce-
lona. Þar vasast hann í hinum ýmsu viðskipt-
um en það er augljóst að vín eru hans ástríða.
„Ég stofnaði Roda Vínhúsið í Rioja 1987 af því
að á þeim tíma var ég í innflutningi á ýmsum
vörum frá Frakklandi og sá gæðamuninn
á vínum frá Bordeaux annars vegar og frá
Rioja hins vegar.“ Ég vildi ná sömu gæðum í
heimalandinu mínu. Ég vildi líka byggja upp
vínhús frá grunni með það að markmiði að
framleiða gæðavín fyrir Rioja-samfélagið og
sýna heiminum hversu megnug Rioja-vínin
geta verið.“
Þetta gekk ekki þrautalaust fyrir sig hjá
Mario og meðeigendum hans. Þeir töpuðu
fullt af peningum fyrstu árin á bröltinu
og fyrsta Roda-vínið, þar sem gæðin voru
ásættanleg, var Roda ‘92 en það kom ekki á
markað fyrr en ‘96 og því greinilega þolin-
mæðisverk að koma á fót Vínhúsi. Vínum
Roda var hins vegar feikivel tekið þegar
þau komu loks á markað og Roda er nú með
virtustu vínhúsum Rioja og Spánar og vín
þeirra, Cirsion, er eitt af eftirsóttustu vínum
héraðsins. Það er því augljóst að gæðin skipta
öllu máli fyrir Mario.
„Við útbjuggum sérstakt kort af Rioja-
svæðinu og fundum á endanum 17 vínekrur
á bestu svæðum Rioja sem hentuðu okkar
kröfum. Við sérveljum svo á hverju ári
eftir þrúgunum hvaða vín kemur frá hvaða
vínekru. Ef þrúgan hefur léttari rauðan kar-
akter þá gerum við hefðbundið Roda, ef þau
hafa hins vegar dökkan karakter gerum við
Roda I vín. Síðan kemur það stundum fyrir á
hinum og þessum svæðum að þrúgan hefur
alveg sérstakan karakter þar sem tannínin
hafa hreinlega náð að þroskast í berinu og
þá framleiðum við Cirsion-vínið sem er alveg
einstakt,“ segir Mario.
Vínið Selá
Mario er með veiðidellu á efsta stigi. Hann
þekkir Ísland betur en flestir og hefur ferðast
um landið þvert og endilangt í þau 35 ár sem
hann hefur vanið komur sínar hingað. „Ég
veiði bæði í ám og vötnum en ég sleppi fiskn-
um alltaf aftur ef ég get enda er bráðin ekki
það sem skiptir mig máli heldur orkan og
friðsældin sem ég fæ út úr veiðunum,“ segir
Mario. Aðspurður segir hann uppáhalds ána
sína vera Selá sem rennur út í Vopnafjörð.
Reyndar er áin í svo miklu uppáhaldi hjá
honum að hann nefndi nýjasta vínið sitt eftir
henni, Roda Sela. Upphaf Selár-vínsins má
rekja til fjármálakreppunnar. Fyrir krepp-
una seldi Roda-vínhúsið allar umframþrúgur
sem ekki voru nýttar í hefðbundnu Roda-
vínin. Ekki svo að skilja að eitthvað amaði
að þrúgunum, þær eru í hæsta gæðaflokki,
en þar sem framleiðslan á toppvínunum er
takmörkuð var aðeins allra bestu þrúgunum
hleypt í gegn sem segir sitthvað um gæði
vína þessa fágæta vínhúss. Í miðri kreppunni
árið 2008 fannst Mario og félögum þeir ekki
fá nægilega gott verð fyrir umframþrúgurnar
og ákváðu því að hefja framleiðslu á Selár-
víninu.
Ribera Del Duero
,Árið 2011 ákváðu Mario og félagar að
skunda til hins frábæra vínhéraðs Ribera Del
Duero sem liggur skammt sunnan Rioja-
héraðsins. Þar framleiða þeir vínin Corimbo
og Corimbo I sem byggja á sömu hugmynda-
fræði og Roda-vínin. „Það á að vera hægt að
drekka öll vínin okkar ung en þau eiga líka
að batna með aldrinum. Corimbo-vínin eru
engin undantekning þar á. Við viljum hafa
góðan karakter í vínunum en um leið að þau
séu auðdrukkin. Okkar vín gera ekki árás
á bragðlaukana og við leggjum áherslu á
silkimjúk tannín og alls ekki yfirgnæfandi
eikarbragð. Ég vil fyrst og fremst að Íslend-
Mario Rotllant er spænskur viðskiptajöfur og
vínbóndi sem leggur mikið upp úr gæðum
vína sinna og fer aðrar leiðir en margir við
framleiðslu þeirra. Hann stefnir á að öll hans
vín fáist hér á landi innan skamms.
Víngerjunin fer fram í stórum eikartunnum og vínin eru svo geymd í mislangan tíma á minni eikartunnum eftir því hvaða vín um ræðir.
Spænskur
vínbóndi
nefnir vínið sitt
eftir íslenskri
laxveiðiá