Fréttatíminn - 12.06.2015, Blaðsíða 66
TónlisT AfmælisTónleikAr HAlldórs GylfAsonAr
Leikarinn Halldór Gylfason hefur samið tónlist síðan hann var ungur maður í menntaskóla. Hann
var meðlimur í hljómsveitinni Geirfuglarnir um árabil og á ógrynni af lögum sem hann hefur
samið í gegnum tíðina. Fimmtudaginn 18. júní ætlar Halldór að halda tónleika í sínu eigin nafni í
fyrsta sinn í aldarfjórðung á KEX Hostel. Hann var búinn að ákveða það að gera þetta í kringum
45 ára afmælið, en hann á afmæli um helgina. Hann hlakkar til tónleikanna, en kvíðir þeim líka.
É g gerði talsvert af því í menntaskóla að koma fram sem trúbador og var að bræða
það með mér að verða tónlistarmað-
ur,“ segir Halldór Gylfason leikari.
„Einu sinni var ég pantaður til að
spila í MH, af frænda mínum sem
var þar. Hann ætlaði að borga mér
vodkaflösku fyrir,“ segir hann. „Það
var einhver busahátíð og það hlust-
aði enginn á mig, og ég var púaður
niður. Sá sem stóð mest fyrir því var
Benedikt Erlingsson sem þá var í
námi í MH,“ segir Halldór. „Þetta
féll greinilega ekki í góðan jarðveg
þarna og var mjög súr reynsla. Ég
náði að flytja tvö lög áður en ég var
púaður niður og Óli frændi skuldar
mér ennþá flöskuna,“ segir Halldór.
„Eftir þetta fór ég í hljómsveitastúss.
Var í hljómsveitinni Sirkus Babalú
í MS og fór svo í leiklistarskólann
og á þeim tíma voru Geirfuglarnir
stofnaðir.“
Halldór segist hafa samið lög
stöðugt alla tíð en hann hefur lítið
skrásett fyrir utan það sem hefur
komið út á plötum með Geirfugl-
unum. „Ég man bara allt sem ég
hef samið,“ segir Halldór. „Ég man
lög sem ég samdi tvítugur. Svo hef
ég samið fyrir Geirfuglana og fyrir
Þróttarana og fyrir hin og þessi leik-
rit og skemmtanir sem ég hef verið
með eða verið í,“ segir hann en Hall-
dór er mikill Þróttari. „Þar á meðal
eru ógeðslega mörg léleg lög inn á
milli,“ segir hann. „Ég er búinn að
taka saman í kringum tuttugu lög
sem ég ætla að flytja á þessum tón-
leikum. Ég er bara með vini mína
með mér í hljómsveitinni og planið
er að hafa þetta eins einfalt eins og
hægt er,“ segir Halldór. „Svo koma
nokkrir gestir og taka lagið, sem
eru líka vinir mínir. Elsta lagið er
svona 27 ára gamalt. Ég skipti þessu
upp í nokkrar „kategoríur“ þegar ég
var að velja þetta. Ein kategorían
heitir Rugl, önnur nýlegt rugl og allt
þar á milli,“ segir Halldór.
„Annars á þetta bara að vera gam-
an og ég hlakka til, en kvíði alveg
ótrúlega mikið fyrir líka. Ég er með
upphitunaratriði sem er hann Kári
Viðarsson, leikari frá Rifi, sem er
bróðursonur minn, og hann byrjar
klukkan 21 og ég kem á eftir. Þrótt-
ur á bikarleik við ÍBV þetta kvöld
og verður gaman að fá Þróttara á
tónleikana strax á eftir leiknum,“
segir Halldór Gylfason, leikari og
tónlistarmaður.
Hannes Friðbjarnarson
hannes@frettatiminn.is
Halldór Gylfason heldur sína fyrstu tónleika í 25 ár á KEX Hostel í næstu viku. Ljósmynd/Hari
Var púaður niður í MH
66 dægurmál Helgin 12.-14. júní 2015
ALICANTE, BENIDORM flug f rá
18.999 kr.
SALZBURG flug f rá
14.999 kr.
LYON flug f rá
12.999 kr.
AMSTERDAM flug f rá
12.999 kr.
KATRÍNARTÚNI 12 WOWAIR.IS WOWAIR@WOWAIR.IS
Gerðu verðsamanburð,
það borgar s ig!
KAUPMANNAHÖFN flug f rá
9.999 kr.
j anúar 2016
september - nóvember 2015
september - október 2015
jún í - jú l í 2015
september - október 2015
*999 kr. bókunargjald leggst ofan á hverja bókun og töskugjald er ekki innifalið
nema annað sé tekið fram.
*
*
*
*
*
ÞÚ
GETUR
FLOGIÐ!