Frjáls verslun - 01.08.2011, Qupperneq 82

82 FRJÁLS VERSLUN 8.- 9. TBL. 2011
Tómas Már Sigurðsson, forstjóri Alcoa Ísland:
tækifæri glatast vegna haftanna
1. Hver verða forgangs verk ­
efni fyrirtækis þíns næstu
mánuði?
Fyrst og fremst að bregðast við
samdrætti í tekjum í ljósi þess
að hrávörumarkaðir hafa verið
að falla og við teljum okkur ekki
búin að sjá fyrir endann á því.
Önnur forgangsverkefni snúa
að því að ræsa nýjan búnað í
spennistöð Fjarðaáls en eins
og kunnugt er sprakk hluti af
henni í loft upp á aðventunni
í fyrra. Í kjölfarið munum við
fara að auka straum og þar með
framleiðslu bæði í kerskálum
og steypuskála fyrirtækisins.
Einnig erum við að innleiða
nýjan kjarasamning þar sem Stór ­
iðjuskóla Fjarðaáls er ýtt úr vör.
2. Hvernig metur þú endur­
reisn atvinnulífsins eftir hrun?
Hún gengur allt of hægt, sérstak­
lega þar sem sjávarútvegi hefur
verið haldið í helgreipum óvissu
og öll verkefni tengd orku frek ­
um iðnaði hafa verið á ís. Þetta
eru grunnatvinnuvegir þjóð ­
arinnar og það þarf að hlúa að
þeim á tímum sem þessum svo
við fáum aukna fjárfestingu
inn í atvinnulífið. Síðan hafa
stjórnvöld sett einhvers konar
met í skattlagningu þannig að
fyrirtæki í öðrum greinum halda
einnig að sér höndum.
3. Hversu mikið vantar upp á
að skuldavandi fyrirtækja sé
leystur?
Ég held að úrræðin séu fyrir
hendi. Munurinn á því hversu
langt bankarnir eru komnir á
veg með að leysa þessi mál er
svo mikill að ég held að vanda ­
málið sé fyrst og fremst stjórn ­
unarlegs eðlis.
4. Hvaða árangur ert þú
ánægðastur með hjá fyrir­
tæki þínu á þessu ári?
Þrjú atriði standa upp úr: Við ­
brögð við eldsvoðanum sem
varð í lok síðasta árs og hvernig
starfsmenn lögðust allir á eitt
við að finna leiðir til að bregðast
við þeim tekjumissi sem fyrir ­
tækið varð fyrir; aukning í
fram leiðslu á verðmætari vöru,
vír og melmi; og góð samvinna
og niðurstaða við gerð á nýjum
kjara samningi.
5. Finnst þér gæta tortryggni
í garð atvinnulífs og stórfyrir ­
tækja eftir hrunið?
Fyrst eftir hrunið, já, enda
gengu margir á lagið og úthúð ­
uðu atvinnulífinu við hvert
tækifæri. Þetta hefur breyst
mikið. Í dag finn ég miklu
frekar fyrir almennum skilningi
á mikilvægi þess að fyrir tækj ­
unum gangi vel, geti ráðið til
sín starfsfólk og vaxið. Öðruvísi
náum við ekki tökum á skuld um
þjóðarskútunnar og heimilanna.
6. Hversu skaðleg eru gjald ­
eyrishöftin að þínu mati?
Það er margt skaðlegt við gjald ­
eyrishöft. Í fyrsta lagi er gengi
krónunnar trúlega rangt skráð
þannig að samkeppnis hæfni
atvinnulífsins er sennilega
verri en þyrfti að vera. Svo geta
stjórn völd leyft sér að einangrast
frá aðhaldi markaðarins og
fram fylgja slakri efnahagsstefnu
lengur en æskilegt er. Höftin
fæla líka frá fjárfestingu bæði
innlendra og erlendra aðila
sem vita ekki hvaða aðgerða
stjórnvöld eiga eftir að grípa til,
þannig að erfitt er að meta arð ­
semi þess að fjárfesta í íslensku
atvinnulífi í dag.
Þessara áhrifa gætir nú hér
í auknum mæli og þau skýra
eflaust að hluta hversu hægt
geng ur að snúa samdrætti í
hagvöxt. Það er hins vegar erfitt
að henda nákvæmlega reiður
á skaðsemi þeirra í krónum og
aurum, sérstaklega vegna þess
að í því felst mat á virði einhvers
sem ekki er orðið að veruleika.
Tækifæra sem ekki voru nýtt
en hefði verið hægt að nýta í
um hverfi án hafta. Mínar mestu
áhyggjur af höftunum tengjast
þessu, þ.e. þeim vaxtarsprotum
sem nú ættu að vera að koma
upp úr jörðinni og skapa Ís lend ­
ingum verðmæti eftir fimm eða
tíu ár. Þessir sprotar verða þeim
mun færri og veikari sem höftin
vara lengur.
7. Hvaða styrkleika sérð þú
í íslensku viðskiptalífi um
þessar mundir?
Við eigum auðlindir til lands og
sjávar. Svo eigum við nokkuð
sterka innviði í ferðaþjónustu.
Hlúum að þessum stoðum nú
þegar við þurfum að auka tekjur
þjóðarbúsins.
Tómas Már Sigurðsson, forstjóri Alcoa Ísland og formaður Viðskiptaráðs.
„Endurreisnin gengur allt of hægt,
sérstaklega þar sem sjávarútvegi
hefur verið haldið í helgreipum
óvissu og öll verkefni tengd orku-
frekum iðnaði hafa verið á ís.“