Frjáls verslun - 01.09.2008, Side 28

28 F R J Á L S V E R S L U N • 8 . T B L . 2 0 0 8
D A G B Ó K I N
Febrúar 2008:
Upp með rúllustiganum
Tímaritið Vísbending bætti um betur við
myndlíkinguna um stigann og lyftuna í
Frjálsri verslun. Vísbending sagði að þvert
á móti hefðu allir fjárfestir staðið kyrrir og
farið sjálfkrafa upp með rúllustiga. Öll fyr-
irtæki hefðu hækkað á hlutabréfamarkaði
vegna útlánabólunnar, óháð því hvað þau
væru að gera. Upp með rúllustiga og síðan
beint fram af hengifluginu þegar upp á
toppinn var komið.
Febrúar 2008:
Ein breyta í formúlunni
Þegar útlánabólan sprakk og láns-
fjárkreppan fór af stað kom í ljós að
það hafði bara verið ein breyta í form-
úlunni í verðmyndun á hlutabréfum
og húsnæði; ódýrt lánsfé. Það hélt
verðinu uppi. Bankar höfðu ausið fé í
fólk og fyrirtæki og allt byggðist á að
fjárfestingar yrðu greiddar síðar og þá
„endurfjármagnaðar“ með nýju lánsfé.
Febrúar 2008:
Er botninum náð?
Árið byrjaði illa á hlutabréfamörkuðum og
hríðlækkaði verð hlutabréfa fyrstu vikurnar.
Þegar komið var fram í febrúar fór úrvals-
vísitalan niður fyrir 5.000 stiga múrinn og
nálgaðist hratt þann punkt sem hún hafði
verið í árið 2005. „Er botninum náð?“
spurðu allir. Margir svöruðu því að svo hlyti
að vera.
Febrúar 2008:
Niður með lyftunni
Frjáls verslun sagði frá því að svo hröð
væri niðursveiflan á hlutabréfamörk-
uðum vegna lausafjárkreppunnar að
fjárfestir hefði orðað það svo á ráð-
stefnu að þetta væri eins og að ganga
upp stigann í nokkur ár upp á tólftu
hæð – en taka svo lyftuna niður.
FV0808X.indd 28 10/28/08 2:16:12 PM