Frjáls verslun - 01.09.2008, Page 30

30 F R J Á L S V E R S L U N • 8 . T B L . 2 0 0 8
D A G B Ó K I N
Apríl 2008:
Króna eða evra?
Þetta var spurning sem allir spurðu.
Málið er einfalt, sögðu menn; þegar
lánsfjármarkaðir heimsins hiksta
vegna sprunginnar útlánabólu setur
það íslenska banka í meiri vanda en
ella vegna krónunnar. Allir voru sam-
mála um að bankarnir væru orðnir
yfirgnæfandi í hagkerfinu og að það
nötraði vegna þess hve bankakerfið
hvíldi á litlu myntkerfi og gengi krón-
unnar þyldi í raun ekki mikið áhlaup.
Svarið væri innganga í ESB og upp-
taka á evru. Umræða sem var alls
ekki ný af nálinni – heldur margra ára
þrætuepli. Gengisfall krónunnar kom
hins vegar af miklu meiri þunga við
lántakendur en áður vegna stórauk-
inna lánveitinga í erlendri mynt.
Apríl 2008:
Er Davíð efnahagsvandi?
Þannig var spurt í leiðara Frjálsrar verslunar eftir
yfirlýsingar nokkurra hagfræðiprófessora um að
Davíð Oddsson seðlabankastjóri væri sjálfstæður
efnahagsvandi vegna þess að bankinn sæist
ekki fyrir í hækkun stýrivaxta. Í leiðaranum sagði:
„Auðvitað er krónan sjálf aðalsökudólgurinn í því
hvernig komið er fyrir krónunni. Krónan er búin að
vera og það kostar of miklar fórnir að hafa hana
áfram og verja hana. Ef hægt er að kenna Davíð
um eitthvað eitt, þá er það að hafa ekki hafið
undirbúning fyrir nýjan gjaldmiðil meðan hann var
forsætisráðherra og efnahagsástandið var stöð-
ugt. Þá væri vandinn minni núna.“
FV0808X.indd 30 10/28/08 2:16:53 PM