Frjáls verslun - 01.09.2008, Side 40

40 F R J Á L S V E R S L U N • 8 . T B L . 2 0 0 8
Er fall krónunnar og hluta-
bréfa að undanförnu versta
krísa sem þú hefur upplifað
sem stjórnandi?
Ég hélt ég hefði séð og reynt allt
sem stjórnandi þegar IT-krísan
gekk yfir. Mér sýnist hún vera
barnaleikur miðað við það sem
við erum að takast á við núna.
Það er svo margt undir þar sem
fjármálageirinn er stoð fyrirtækja
og heimila.
Hvaða lærdóm getum við
dregið af þessari krísu?
Kaupréttarsamningar og hlut-
deild starfsmanna í tekjum fyr-
irtækja sem skapa ofurlaun er
módel sem fær menn til að taka
of mikla áhættu. Einnig verðum
við að tryggja að eftirlitsstofnanir
séu til staðar og virki.
Hvað hefur staðið upp úr
hjá fyrirtæki þínu á árinu?
Áhugi og vinsældir Apple vara
þrátt fyrir erfiða tíma. Frábært
og samheldið starfsfólk sem
hefur sýnt mikla samstöðu og á
það við starfsemi okkar á öllum
Norðurlöndunum.
Telur þú að krónan sé búin
að vera sem gjaldmiðill
Íslendinga?
Já, krónan hefur misst traust
sem gjaldmiðill og það mun
hafa áhrif á rekstur íslenskra
fyrirtækja og heimila á næstu
misserum.
Ert þú hlynnt því að Íslandi
gangi í Evrópusambandið ef
það er eina leiðin til að taka
upp evru?
Já, mér þykir miður að rík-
isstjórnin hefur þráast við svo
lengi. Ég er sannfærð um að
staða okkar væri betri ef við
værum komin af stað með við-
ræður.
Hefur þú trú á að hin alþjóð-
lega lánsfjárkreppa leysist á
næstu mánuðum?
Lánsfjárkreppan gengur yfir
eins og aðrar kreppur en það
mun taka okkur allt næsta ár
að vinna okkur út úr þessu. Ég
vona að minnsta kosti að það
taki ekki lengri tíma. Ísland býr
yfir miklum auðlindum sem við
þurfum að nýta vel.
Ef þú ættir að gefa Geir H.
Haarde forsætisráðherra eitt
gott ráð, hvaða ráð yrði það?
Axla sína ábyrgð, vera
óhræddur við að taka ákvarð-
anir og ekki hika við að skipta
um leikmenn.
SIGRÍðuR OLGEIRSdóTTIR,
FORSTJóRI HuMAc:
Ég hélt ég hefði
séð og reynt allt
Sigríður Olgeirsdóttir, forstjóri Humac.
„Lánsfjárkreppan gengur yfir
eins og aðrar kreppur en það
mun taka okkur allt næsta ár
að vinna okkur út úr þessu.“
FV0808X.indd 40 10/28/08 2:26:15 PM