Frjáls verslun - 01.09.2008, Qupperneq 43

F R J Á L S V E R S L U N • 8 . T B L . 2 0 0 8 43
setið fyrir svörum
Er fall krónunnar og hluta-
bréfa að undanförnu versta
krísa sem þú hefur upplifað
sem stjórnandi?
Nei. Enda erum við í iðnaði sem
er ekki eins háður hagsveiflum
og margir aðrir.
Hvaða lærdóm getum við
dregið af þessari krísu?
Að gæði teknanna (e. quality of
earnings) eru jafnmikilvæg og
tekjurnar.
Hvað hefur staðið upp úr hjá
fyrirtæki þínu á árinu?
Össur hefur vakið gríðarlega
athygli fyrir vörur sínar í gegnum
það frábæra íþróttafólk sem
notar þær um allan heim.
Telur þú að krónan sé búin
að vera sem gjaldmiðill
Íslendinga?
Fyrir Össur er krónan búin að
vera fyrir löngu, enda höfum við
ekki notað krónuna sem aðal-
gjaldmiðil frá árinu 2002. Við
höfum reynt að skrá félagið í
erlendum gjaldmiðli í sex ár án
árangurs.
Ert þú hlynnt(ur) því að
Ísland gangi í Evrópusam-
bandið ef það er eina leiðin
til að taka upp evru?
Já.
Hefur þú trú á að hin alþjóð-
lega lánsfjárkreppa leysist á
næstu mánuðum?
Ég hef trú á að lánsfjárkreppan
muni leysast á fyrsta ársfjórð-
ungi 2009. Löng bið mun þó
hugsanlega verða eftir þeirri
uppgangstíð á fjármálamörk-
uðum sem verið hefur á síðustu
árum.
Ef þú ættir að gefa Geir H.
Haarde forsætisráðherra
eitt gott ráð, hvaða ráð yrði
það?
Lækka vexti, auka gjaldeyrisforð-
ann og óska eftir aðildarvið-
ræðum við Evrópusambandið.
JóN SIGuRðSSON, FORSTJóRI ÖSSuRAR:
Gæði teknanna eru
jafnmikilvæg og tekjurnar
Jón Sigurðsson, forstjóri Össurar.
„Fyrir Össur er krónan
búin að vera fyrir löngu,
enda höfum við ekki notað
krónuna sem aðalgjaldmiðil
frá árinu 2002.“
FV0808X.indd 43 10/28/08 2:27:34 PM