Frjáls verslun - 01.09.2008, Page 117

F R J Á L S V E R S L U N • 8 . T B L . 2 0 0 8 117
Hulda Gunnlaugsdóttir er hjúkrunarfræðingur. Allan sinn starfsferil hefur hún unnið á sjúkrastofnunum og komið þar að öllum verkum, þó öðrum en þeim að vinna í eldhúsi og þvottahúsi. Verðandi forstjóri Landspítalans
byrjaði að vinna við heilbrigðismál árið 1974 – við skúringar.
„Ég þekki sjúkrahús út og inn,“ segir Hulda með bros á vör á
skrifstofu sinni hjá Aker háskólasjúkrahúsi í Ósló. Hún hefur verið
þar forstjóri frá árinu 2005. Áður hafði hún gegnt mörgum stjórn-
arstöðum á norskum sjúkrahúsum og var sviðsstjóri á handlæknis-
og skurðsviði Ullevål-háskólasjúkrahússins þegar hún var beðin að
taka við stjórn Aker.
krísusjúkrahúsið Aker
Áður en Hulda kom tók við stjórn á Aker voru orðin „Aker“ og
„krísa“ samtvinnuð í fréttum norskra fjölmiðla. Aker var sjúkrahús
í krísu. Það var skrifað um „krísuna á Aker“ sem sjálfsagðan þátt
í daglegu lífi fólks í höfuðborg Noregs. Allir kenndu öllum um
hvernig komið var. Sagt var að læknarnir létu ekki að stjórn; útgjöld
fóru fram úr öllum heimildum, forstjórar komu og fóru – þangað til
Hulda kom. Þá lauk deilunum.
Við spyrjum því Huldu hvort hún sjái líkindi með þessum lýs-
ingum af Aker-sjúkrahúsinu þá og Landspítalanum nú.
„Það getur vel verið að vandinn sé sá sami,“ segir Hulda. „Ég hef
hins vegar ekki trú á að allir séu svo lélegir í að stjórna fjármálum að
endar nái ekki saman. Ég er viss um að LHS er stappfullt af hæfu
fólki í öllum deildum. En það er eitthvað að og ég vil kynnast því
sjálf hvað það er. Ég er viss um að það er hægt að reka sjúkrahúsið á
hagkvæmari hátt en nú er og veita meiri þjónustu.“
S t j ó r n u n
nú HVílir
Allt á Huldu
Hulda Gunnlaugsdóttir segir að
margt sé líkt með stöðu LHS og
Aker-háskólasjúkrahússins sem
hún hefur stjórnað síðustu ár.
FV0808X.indd 117 10/28/08 2:49:14 PM