Frjáls verslun - 01.09.2008, Side 119

F R J Á L S V E R S L U N • 8 . T B L . 2 0 0 8 119
S t j ó r n u n
Starfsáætlun til margra ára
Lykilatriðin í stjórn Huldu á Aker eru því starfsáætlun til
margra ára og skilningur stjórnmálamanna og ráðuneyt-
ismanna á að slík áætlun verður að taka til lengri tíma en
eins fjárlagaárs í einu.
„Við höfum haldið fast við okkar starfsáætlun. Hún er
raunhæf og vel unnin og við höfum áunnið okkur trúnað
ráðuneytis og stjórnmálamanna,“ segir Hulda.
Hún leggur áætlunina á borðið – þetta er fremur þunnur
bæklingur í A4 broti – og bendir á ártalið 2010.
„Við verðum búin að ná öllum markmiðum okkar, sem
áttu að nást fyrir lok 2010, þegar á haustmánuðum 2009
og fáum að njóta þess. Það er hagræðing í rekstri sem gerir
okkur kleift að ná þessum markmiðum á skemmri tíma en
vonir stóðu til. Við meðhöndlum fleiri sjúklinga með betri
árangri og notum meiri fjármuni til rannsókna og þróunar.
Í dag notum við 1,5 % – 40 milljonir norskra króna – af
fjárlögum sjúkrahússins til rannsókna,“ segir Hulda.
á skólabekk
En eru þetta þá sömu ráð og Hulda ætlar að leggja fyrir
starfsfólk og stjórn Landspítala þegar hún kemur þangað
20. Október?
„Ég er búin að lesa skýrslur, en verð að tala við fólk,“
segir Hulda. „Næst er að kynnast rekstrinum sjálfum af
eigin raun. Ég ætla mér þrjá mánuði í að setja mig inn í
mál. Ég þarf að setjast á skólabekk. Ég þekki norska stjórn-
sýslu en ekki íslenska. Ég geri mér því grein fyrir að ég þarf
að spyrja margra spurninga sem forstjóri með starfsreynslu
á Íslandi myndi ekki spyrja. En á móti kem ég ef til vill með
kunnáttu og reynslu héðan.“
Opinber hlutafélög
Hulda talar um trúnað milli sjúkrahúss og fjárveitinga-
valds. Að sjúkrahús verði að vinna eftir starfsáætlun til
lengri tíma en eins fjárlagaárs. Fjárveitingavaldið verður að
virða þennan tímamun. Ein forsenda þess að þetta sé hægt
er að breyta rekstrarformi sjúkrahúsanna – að breyta sjúkra-
húsum úr stofnunum í fyrirtæki.
Í Noregi voru sjúkrahúsin í landinu tekin af sveitarfélög-
unum – eða af fylkjunum sem eru stjórnsýslustig milli ríkis
og sveitarfélaga – og sett undir ríkið árið 2002. Jafnframt
var rekstrinum breytt í opinber heilsufélög – helseforetag.
Það eru félög sem starfa eftir sömu lögum og opinber
hlutafélög.
Um leið var komið upp svæðisbundnu skipulagi þar
sem heilbrigðisráðuneyti var efst sem eigandi héraðsheilsu-
félaga – regionale helseforetag. Þau eru nú fjögur. Héraðs-
heilsufélögin eiga síðan einstök heilsufélög sem nú reka
sjúkrahúsin.
Forstjóri heilsufélags
Aker háskólasjúkrahúsið er slíkt heilsufélag – eitt af fjórtán
sem heyra undir Suðaustur-héraðsheilsufélagið. Þetta er
mikið skipulag sem notað hefur verið í sex ár og haldist
óbreytt óháð ríkisstjórnum.
Hulda segir að þetta skipulag sé í aðalatriðum gott.
Rekstur sjúkrahúsanna hafi batnað að miklum mun þegar
þau urðu að opinberum hlutafélögum. Sjúkrahúsum hefur
líka fækkað.
„Peningarnir nýtast betur en áður,“ segir Hulda. „Fleiri
fá þjónustu, kröfurnar eru meiri og árangurinn betri.“
Hún telur þó að nú megi bæta þetta fyrirkomulag enn
betur. Héraðsheilsufélögin séu til dæmis óþarft millistig.
Heilsufélögin geti heyrt beint undir ráðuneytið. Þá hefur
reynst erfitt að samræma heilsugæslu sveitarfélaganna og
heilsufélaganna.
Hulda Gunnlaugsdóttir, forstjóri Landspítala – háskóla-
sjúkrahúss.
FV0808X.indd 119 10/28/08 2:49:16 PM