Frjáls verslun - 01.10.2009, Blaðsíða 55

F R J Á L S V E R S L U N • 1 0 . T B L . 2 0 0 9 55
Langholtsskóla. Það hét GR hugbúnaður og
hannaði hugbúnað fyrir billjardstofur.
„Á þeim tíma var mikið af poolstofum að
poppa upp og við bjuggum til hugbúnað sem
kveikti á ljósunum fyrir ofan borðin og slökkti
á þeim þegar upphæðin, sem þau voru leigð
fyrir, var búin. Hugbúnaðurinn þótti góður
og til stóð að markaðssetja hann erlendis og
hann var kynntur á ráðstefnu erlendis. Þegar
við vorum að búa til kynningarbæklingana
breyttum við nafninu í GR International,
enda stórhuga strákar.“
Á meðan Guðjón var í Verslunarskólanum
skrifaði hann viðskipta- og lagerhugbúnað
fyrir verslun Sævars Karls sem var í notkun
til skamms tíma.
músíktilraunir
Frá unga aldri hefur Guðjón haft mikinn
áhuga á tónlist og á stórt tónlistarsafn sem
honum er mjög annt um. Guðjón var í
hljómsveit sem hét Expet og tók þátt í
músíktilraunum árið 1986. „Hljóðfærin sem
við spiluðum á voru samplerar og hljóðgervlar
og við líklega fyrsta hljómsveitin hér á landi
til að gera slíkt og ég man að þegar við
komum í Tónabæ með græjurnar var okkur
sagt að tölvuverið væri á neðri hæðinni,“ segir
Guðjón.
stofnaði OZ sautján ára
Um miðjan desember 1989, sautján ára
gamall, stofnaði Guðjón tölvufyrirtækið OZ
sem hann er oft kenndur við jafnvel þó að
hann hafi sagt skilið við fyrirtækið fyrir sjö
árum.
„OZ ævintýrið var stórmerkilegt ferðalag
þar sem mikið af ungu fólki var samankomið
að stíga sín fyrstu skref, bæði rétt og röng, í
atvinnulífinu. Meðalaldur starfsmanna var
lágur og fyrir bragðið ekki búið að ramma
hugsun þeirra inn og því um mjög frjótt
starfsumhverfi að ræða. Ég held að styrkur
OZ hafi legið í því. Ég hef alla tíð trúað því
að maður verði að treysta á sjálfan sig og
ekki haft áhyggjur af því að vera ekki með
formlegar skólagráður.
Ég er mjög sáttur við mitt uppeldi og
hef alltaf fundið fyrir öryggi í kringum mig
persónulega tel ég að það hafi orðið OZ að falli
þegar við fórum að vanda okkur of mikið við
viðskiptamódelið og fara of mikið eftir bókinni.