Frjáls verslun - 01.10.2009, Blaðsíða 73

F R J Á L S V E R S L U N • 1 0 . T B L . 2 0 0 9 73
jólin koma
Jakob H. Magnússon, eigandi Hornsins,
segir að jólaundirbúningurinn hjá sér hefj-
ist á því að hengja jólakransinn utan á
húsið. „Þá næst eru það jólagjafirnar, bæði
handa fjölskyldunni og starfsfólki Hornsins.
Konan mín skreytir heima en við hjálpumst
öll að við að gera veitingahúsið jólalegt.
Ég er yfirleitt ekki að stressa mig mikið yfir
jólamatnum en hann er frekar hefðbundinn
hjá mér. Áður fyrr, þegar við vorum mörg í
mat, höfðum við oft heilsteikt svínalæri en
einnig villigæs sem mér finnst besti jólamat-
urinn. Við höfum líka verið með lambalæri
og svo er hangikjötið á jóladag. Aspassúpa
úr grænum aspas er oftast á undan. Það
er algjör skylda að ég lagi jólavanillluísinn
sem er gerður eftir gamalli, einfaldri upp-
skrift frá henni mömmu minni og verður að
vera ríflegur svo að hann dugi öll jólin. Svo
er passað upp á að ég fái einhver ný föt, til
dæmis skyrtu, svo að ég fari ekki í jólakött-
inn.“
Fyrir ein jólin keypti Jakob fallega peysu
handa eiginkonunni í byrjun desember þar
sem hann vildi vera tímanlega því oft var
hann allt of seinn í að kaupa jólagjöfina.
„Ég faldi peysuna sem ég var búinn að
pakka inn uppi á háalofti svo að konan mín
fyndi hana ekki. Svo kom aðfangadagur.
Ég fór snemma á fætur til þess að vera
tímanlega með allt og fór upp á háaloft til
þess að ná í jólagjöf konunnar en ég fann
hana ekki. Ég leitaði en allt kom fyrir ekki.
Nú voru góð ráð dýr. Ég hringdi í konuna í
versluninni sem hafði selt mér peysuna og
bað hana í öllum bænum að bjarga mér
um aðra peysu. Ég var auðvitað búinn að
ákveða fyrirfram að peysan væri ekki til
lengur hvað þá í réttu númeri en ég var
heppinn. Önnur peysa var til svo ég gat
verið rólegur. Jólapakkarnir voru opnaðir
eftir matinn um kvöldið og peysan fræga
sló í gegn. Næsta dag ákvað ég að fara
upp á loft og gera lokatilraun til að finna
peysuna. Viti menn! Það fyrsta sem ég sá
var jólapakkinn með peysunni og er mér
það óskiljanlegt enn í dag hvernig mér gat
yfirsést hann daginn áður. Kannski voru
jólasveinar þarna að stríða mér. Hver veit.“
Jólasteik, svínalæri
Puran er skorin í tígla á meðalstóru svína-
læri og kryddað vel með grófu salti og pipar.
Negulnöglum er stungið í lærið og lárvið-
arlaufum líka. Steikt í ofni við ca. 220-230
gráður í allt að þrjá klukkutíma eða jafnvel
meira. Prjóni er stungið í lærið við og við en
þegar rauður blóðsafi hættir að leka úr lær-
inu er það tilbúið. Það er alltaf gott að láta
svona læri og reyndar annað kjöt standa í
smátíma eftir steikingu til að hvíla það eins
og við kokkarnir segjum. Á meðan lærið er
að steikjast á að ausa það vatni við og við
til þess að fá góða puru og lika til að fá gott
soð í sósuna.
Saxaður laukur er hitaður í potti og smá-
vegis rauðvíni hellt út í og soðið niður um
helming. Soðinu er hellt í pottinn og þykkt
með smjörbollu (hveiti og olía hrært saman)
eða sósujafnara.
Sósan smökkuð með kjötkrafti og
kannski salti.
Punktar:
Sumir vilja setja rjóma í sósuna og það •
er allt í lagi með það.
Fleytið fituna vel ofan af soðinu.•
Hægt er að strá hveiti yfir fituna á soð-•
inu og bíða þess að það sökkvi, hræra
svo í og þykkja sósuna þannig. Hún
verður þá bragðmeiri.
Meðalstórt svínalæri er alveg fyrir 8 til •
10 manns eða fleiri.
Setjið álpappír yfir pöruna þegar hún er •
orðin stökk svo hún brenni ekki.
Ég hef heimalagað rauðkál með og venju-
legar sykurbrúnaðar kartöflur.
Jólavanilluísinn hennar mömmu
3 heil egg
2 msk sykur eða flórsykur
1/2 l rjómi
1-2 tsk vanilludropar
Eggin eru aðskilin og rauðurnar þeyttar upp
með sykrinum. Eggjahvíturnar eru stífþeyttar.
Rjóminn er þeyttur. Honum er svo blandað
saman við rauðurnar og sykurinn, og eggja-
hvítunum blandað mjög varlega saman við.
Smakkað til með vanilludropunum. Sett
strax í frysti.
Jakob H. Magnússon. „Það er algjör skylda að ég lagi jólavanillluísinn sem er gerður eftir
gamalli, einfaldri uppskrift frá henni mömmu minni og verður að vera ríflegur svo að hann
dugi öll jólin.“
Ný flík fyrir hver jól