Frjáls verslun - 01.10.2009, Blaðsíða 64

64 F R J Á L S V E R S L U N • 1 0 . T B L . 2 0 0 9
„ég er mikið jólabarn og hlakka alltaf til,“
segir Jóhanna Vigdís Hjaltadóttir, frétta-
maður og þáttastjórnandi. „ég reyni samt
að byrja ekki á jólalögunum fyrr en aðventan
nálgast. ég skrifa ansi mörg jólakort og
byrja snemma að skrifa. Mér finnst notalegt
að setjast niður í skammdeginu, kveikja
á kerti og skrifa kortin. Gef mér þá alltaf
tíma til að hugsa til þeirra sem ég skrifa til
hverju sinni og rifja um leið upp notalegar
samverustundir. Þetta finnst mér dýrmætt
í jólaundirbúningnum og ég hef alltaf mynd
af börnunum mínum fjórum í kortinu. Mér
finnst gott að byrja snemma á jólagjöfunum
og velta því fyrir mér hvað ég og fjölskyldan
ætlum að gefa hverjum. Best er að vera
snemma búin að gera ráðstafanir vegna
jólagjafanna svo nota megi aðventuna til
að undirbúa gjafirnar og skrifa kortin sem
fara á pakkana. Við í minni fjölskyldu tökum
forskot á sæluna sem felst í jólunum og
setjum jólatréð upp snemma. Maðurinn
minn á afmæli 20. desember og þá höldum
við jólaboð. Þá gefst nú heldur betur tæki-
færi til að fást við eldamennskuna, pæla í
því hvað við ætlum að hafa og nostra svo
við matargerðina dagana á undan. Þegar því
boði er lokið er ég yfirleitt byrjuð á undirbún-
ingi aðfangadagskvölds. Við höfum kalkún
með öllu tilheyrandi og heimatilbúinn ís á
eftir með möndlu. Fyrst förum við í kirkju og
svo njótum við kvöldsins saman, borðum
góða matinn og opnum gjafir. Þegar ég var í
námi í Sviss og við vorum þrjú í heimili hafði
ég í fyrsta skipti kalkún á aðfangadag. ég
fékk ekki nema átta kílóa fugl sem þýddi að
við borðuðum ekkert nema kalkún dögum
saman. Sem reyndar gaf okkur endalausar
hugmyndir að réttum.
Jólasteikin á mínu heimili er kalkúnn
með fyllingu. ég er hins vegar alin upp við
rjúpur og finnst þær góðar – en það varð
sameiginleg niðurstaða, eftir að hafa búið í
Sviss um árabil, að kalkúnn yrði okkar hefð.
en í eftirrétt er alltaf heimatilbúinn ís með
bræddu súkkulaði og möndlu. Mikil spenna
er á meðan hver muni vera með möndluna
og möndlugjöfin er yfirleitt gjöf sem hentar
ólíkum aldurshópum á heimilinu.
Heimatilbúinn ís
1/2 l rjómi
6 egg
6 msk sykur
100 g rjómasúkkulaði (má vera meira)
Þeytið rjómann og setjið í skál. Þeytið egg
og sykur saman svo úr verði þykk og
freyðandi blanda. Blandið nú varlega
saman þeytta rjómanum og eggja- og
sykurblöndunni. Hellið í álform og setjið í
frysti; ef þið eruð með möndlu þá fer hún
núna í ísinn. Ísinn geymist vel í frystinum.
Brjótið súkkulaði í skál og bræðið í vatns-
baði þar til súkkulaðið er bráðnað. Setjið
ísinn á diska og súkkulaðið yfir, bíðið
örstutta stund þar til súkkulaðið er harðnað
og berið fram.
Jóhanna Vigdís Hjaltadóttir. „Best er að vera snemma búinn að gera ráðstafanir vegna
jólagjafanna svo nota megi aðventuna til að undirbúa gjafirnar og skrifa kortin sem fara á
pakkana.“
Jólaboð 20. desember
jólin koma