Fréttatíminn - 06.02.2015, Qupperneq 20

www.fi.is
Mörkinni 6 | 108 Reykjavík | S: 568 2533 | www.fi.is
FERÐAFÉLAG ÍSLANDS
Vetrarfjallam
ennska
fyrir göngufó
lk
Vetrarfjallamennska fyrir göngufólk
Námskeið 14. mars, laugardagur
Á námskeiðinu verður gengið á fjöll í nágrenni Reykjavíkur
og farið í grundvallaratriði vetrarfjallamennsku, búnað til
fjallamennsku, leiðaval og snjóflóðahættu. Leiðbeint er um
göngu á mannbroddum í snjó og notkun ísaxar og
ísaxarbremsu og snjó- og ístryggingar. Fjallað og fræðst um
hnúta, línumeðferð, sig og létt snjó- og ísklifur.
Leiðbeinendur: Ævar og Örvar Aðalsteinssynir.
Sjá nánar á www.fi.is
Nánari upplýsingar og skráning er í síma 568 2533 eða í
netpóst fi@fi.is
NÁMSKEIÐ
Skráðu þig in
n – drífðu þig
út
Sagnakonan Sigurborg Kr. Hannesdóttir er sannfærð um að
sögur formæðranna kenni okkur margt um okkar eigið líf og til-
veru. Þær geti veitt okkur styrk á erfiðum stundum, gert okkur
að ríkari manneskjum og kennt okkur sitthvað um hringrás
lífsins. Áhugasamir um sagnagerð og formæður sínar geta hlýtt
á sögu formæðra Sigurborgar og fleiri kvenna í Hannesarholti
um helgina, eða sótt námskeið í sagnagerð á Hallveigarstöðum.
Þ etta námskeið spratt upp úr áhuga á mínum eigin for-mæðrum og því hvað það
hefur gefið mér mikið að kynnast
þeirra sögum,“ segir sagnakonan
Sigurborg Kr. Hannesdóttir sem
hefur ásamt Sigurbjörgu Karlsdótt-
ur haldið námskeið í sagnagerð frá
árinu 2013. Námskeiðið kallast „Til
fundar við formæður“ og er hugsað
fyrir konur sem vilja læra að koma
frá sér sögu, kynnast formæðrum
sínum og sjálfum sér í leiðinni.
Sögur geta heilað
Sagnaáhugi Sigurbjargar hófst fyr-
ir alvöru þegar hún kynnti sér ævi
langömmu sinnar, Sólveigar Einars-
dóttur úr Dölunum. „Ég hafði heyrt
ýmsar sögur af henni frá mömmu
og ömmu en fór á stúfana við að
grúska og leita mér heimilda. Þá
kom ýmislegt í ljós, eins og dagbæk-
ur ljósmóður sem var stödd á bæ
langömmu minnar, Dagverðarnesi
á Fellsströnd, þegar hann brann. Í
dagbókinni er brunanum lýst og þar
kemur fram að langamma mín óð
inn í brunann til að bjarga móður
sinni og fékk að launum viðurkenn-
ingu úr dönskum hetjulaunasjóði.
Eftir þennan bruna byggði hún
svo eitt fyrsta steinhúsið í Stykk-
ishólmi,“ segir Sigurbjörg en hún
sagði sögu formóður sinnar í fyrsta
sinn á ættarmóti fyrir mörgum
árum. „Þessi langamma mín gift-
ist þrisvar sinnum og á því marga
afkomendur sem þekkjast lítið. En
þegar ég var búin að segja sögu for-
móður okkar, sem ég komst ekki í
gegnum ógrátandi, þá bara féllumst
við nokkur í faðma og ég upplifði
það í fyrsta sinn hvernig við tengd-
umst þarna böndum og það varð
bara einhverskonar heilun.“
Finnur styrk formæðranna á
erfiðum stundum
Sigurbjörg er sannfærð um að sög-
ur formæðranna gefi okkur styrk
og að þær geti hjálpað okkur að
kynnast sjálfum okkur betur. „Það
var svo rosaleg seigla í formæðrum
okkar. Mikið af konum úr minni fjöl-
skyldu þurftu að berjast í bökkum
og oft á tíðum standa alveg einar.
Og ég hef upplifað það á krefjandi
stundum í mínu lífi að þessar konur
standa með mér, að þær eru þarna
einhversstaðar að styðja við bakið
á mér. Og þá upplifi ég seigluna í
þeim, finnst ég geta verið sterk fyrst
að þær voru það. Að upplifa styrk-
inn þeirra gerir mig að ríkari mann-
eskju og það dýpkar á einhvern
hátt mína sýn á sjálfa mig. Ég hef
líka lært að virða þeirra lífshlaup
og á sama tíma orðið meðvituð um
það hvað ég hef það gott. Þegar
ég hugsa til dæmis til föðurömmu
minnar sem var ekkja 36 ára gömul,
bjó í sveit og bara þurfti að halda
áfram, þá bara beygi ég mig fyrir
öllum þessum konum og finnst þær
algjörlega magnaðar.“
Gott að skynja gang kyn-
slóðanna
„Það er svo mikilvægt að halda þess-
um sögum á lífi og láta þær ganga,“
segir Sigurborg sem óttast að sagna-
hefðin sé að fjara út. „Í dag setjumst
við niður til að horfa á góða mynd
Formæðurnar
veita okkur styrk
og höfum ekki jafn mikinn tíma til
að segja hvort öðru sögur og hér
áður fyrr, sérstaklega þar sem fleiri
en ein kynslóð bjó undir sama þaki,
þar var miklu meira um sögustundir.
Við höldum svo oft að lífið bara endi
og byrji með okkur en að finna fyrir
þessum arfi er ómetanlegt, manni
svo hollt að skynja gang kynslóð-
anna,“ segir Sigurborg sem finnur
þrátt fyrir allt fyrir miklum áhuga
á sögum formæðranna, sérstaklega
hjá konum á miðjum aldri. „Ég held
að þegar við nálgumst miðjan aldur
þá förum við að fá meiri áhuga á sög-
unni og bara keðju lífsins.“
Sérstök orka þegar konur
koma saman
Sögustundin í Hannesarholti er
öllum opin en námskeiðið er bara
hugsað fyrir konur. „Kannski höf-
um við þetta einhvern tímann fyr-
ir karla líka en það myndast bara
svo sérstök orka þegar konur koma
saman. Á síðasta námskeiði voru
sautján konur og síðasta kvöldið
þar sem allar sögðu sína sögu var
algjörlega ógleymanlegt. Ég fæ
gæsahúð núna þegar ég rifja það
upp. Þetta eru sögur kvenna sem
flestar bjuggu við mjög erfið lífs-
skilyrði. Þær þurftu að strita mikið,
áttu mörg börn og misstu oft börn.
Það skín svo sterkt í gegnum þessar
sögur hvað það var erfitt að komast
af en hvað þær áttu þrátt fyrir allt
yfirleitt gott líf. Á sama tíma er hver
og ein saga alveg einstök. Ein lífs-
saga er bara svo ótrúlegt ævintýri.“
Sögustundin um formæður verð-
ur í Hannesarholti, sunnudaginn
8. febrúar, klukkan 16 og er öllum
opin. Nánari upplýsingar um nám-
skeiðið er að finna á facebook-síð-
unni „Til fundar við formæður“.
Halla Harðardóttir
halla@frettatiminn.is
Sigurborg Kr. Hannesdóttir heillaðist af sögum formæðra sinna þegar hún var fengin til að segja sögu langömmu sinnar á ættar-
móti fyrir mörgum árum. Hún finnur sterkt fyrir nærveru þessara kvenna, sérstaklega á erfiðum stundum. Ljósmynd/Hari.
20 viðtal Helgin 6.-8. febrúar 2015