Fréttatíminn - 06.02.2015, Page 22

Heilsukai
Móðir & barn
Föstudaginn 20.febrúar verður
sérkai um heilsu í Fréttatímanum
þar sem allað verður um allt sem
viðkemur meðgöngu og heilsu
barna
Ef þú hefur áhuga á að kynna starfsemi þína eða kaupa
auglýsingu hafðu þá samband við auglýsingadeild
Fréttatímans auglysingar@frettatiminn.is
eða í síma 531-3300.
N
ú er þetta allt saman að smella
og þessi sýning á eftir að verða
sjúklega flott. Þetta verður
þriggja klúta sýning. Bæði hlát-
ur og grátur,“ segir Magnús
Guðmundsson leikari.
Magnús leikur í uppfærslu Borgarleikhúss-
ins á Billy Elliot sem frumsýnd verður eftir
rúman mánuð. Undirbúningur Magnúsar fyrir
sýninguna er á öðrum nótum en oft áður því
fimm ára sonur hans, Hilmar Máni, er einnig
meðal leikara.
Ætlar að verða leikari eins og pabbi
„Þetta hefur gengið ótrúlega vel, ég hefði
aldrei trúað því hversu vel þetta hefur geng-
ið,“ segir Magnús um fyrstu skref sonarins á
leiksviði. „Þegar Bergur leikstjóri hafði fyrst
samband og spurði hvort Máni mætti ekki vera
vorum við ekki alveg viss hvað við ættum að
gera. Við ákváðum meira að segja tvisvar að
segja nei. Hann er náttúrlega bara fimm ára
krakki og það getur allt gerst. En Bergur er
bara svo mikill snillingur og kann þetta. Hann
byrjaði á því að kynnast Mána hægt og rólega
og leiddi hann smám saman inn í þetta. Núna
er þetta það skemmtilegasta sem Máni gerir.
Feðgar saman á sviði í söngleik
Leikarinn Magnús Guðmundsson og
Hilmar Máni, fimm ára sonur hans,
leika saman í söngleiknum Billy Elliot
sem frumsýndur verður í Borgarleik-
húsinu í næsta mánuði. Magnús segir
að hann og kona hans hafi verið efins
um að hleypa drengnum á leiksvið svo
ungum en Máni hafi valdið hlutverkinu
vel og spyr nú á hverjum degi hvort
hann sé ekki að fara á æfingu. Hann er
meira að segja staðráðinn í að verða
leikari eins og pabbi hans.
Feðgarnir Magnús
Guðmundsson og
Hilmar Máni leika
saman í Billy Elliot
sem frumsýnt verður
í Borgarleikhúsinu
eftir mánuð. Myndin
er tekin á æfingu í
vikunni en sonurinn
hlakkar til hverrar
æfingar á verkinu.
Ljósmynd/Hari
Hann vaknaði í morgun og söng lag úr sýn-
ingunni og hann spyr á hverjum degi hvort
hann sé ekki að fara á æfingu.“
Magnús segir að þegar hann kynntist leik-
húsinu í fyrsta skipti án þess að vera bara
áhorfandi hafi hann orðið „algjörlega húkkt“.
Hann segir að upplifun sonarins virðist vera
svipuð. Og þegar sá stutti er spurður hvort
hann ætli að verða leikari þegar hann verður
stór stendur ekki á svarinu: „Já!“
„Guð hjálpi þér elskan mín,“ segir pabbi
hans í gamansömum tón.
Leikur líka hestinn í Línu langsokki
Söngleikurinn Billy Elliot er byggður á sam-
nefndri kvikmynd frá árinu 2000. Tónlistin
er eftir Elton John en höfundur verksins er
Lee Hall. Sagan hverfist um Billy, sem býr
með föður sínum, og hættir að stunda box
en fer að dansa ballett í staðinn. Í bakgrunni
sögu hans er samfélagið í smábæ í Durham-
sýslu í Norð-Austur Englandi árin 1984-1985
þegar verkfall námuverkamanna stóð yfir.
Söngleikurinn var frumsýndur á West End í
London árið 2005 og er enn í sýningu.
„Kjarni verksins er hinn sami og í mynd-
inni, að maður á bara að vera sá sem mað-
ur vill vera. Ekki láta aðra eða þjóðfélagið
stjórna því hvernig maður á að haga sér,“ seg-
ir Magnús en verkið hefur ekki verið stað-
fært. „Þó það sé mikið talað um Thatcher og
verkfallið fræga þá er Billy og barátta hans
hjarta verksins. Danshöfundurinn, hann Lee
Proud, kom að fyrstu uppsetningu Billy Elliot
í London og uppsetningunum í New York og
Sydney. Hann hefur unnið að sýningunni í sjö
ár og þekkir vel söguna og stemninguna sem
var á þessum tíma og við erum að reyna að ná
fram, enda ólst hann upp á sömu slóðum og
verkið gerist. Þarna var mikið stríðsástand,
stjórnvöld og löggur níddust líkamlega og
andlega á námuverkamönnunum sem voru
að berjast fyrir fjölskyldum sínum, þetta
fólk var farið að brenna húsgögnin sín til að
kynda með. Þetta var árið 1984 og á sama
tíma vorum við hér á Íslandi með hita í ofn-
unum og höfðum það bara frekar gott.“
Magnús fer með hlutverk námuverka-
manns og lögreglu ásamt því að dansa,
steppa og syngja í sýningunni enda eru marg-
ar stórar senur í Billy Elliot. Sonur hans,
Hilmar Máni, lætur sér eitt hlutverk nægja
en pabbinn er viss um að hann eigi eftir að
stela senunni. „Hann kallast „lítill drengur“
í handritinu en hann er í fjölmörgum senum.
Fólk á eftir að taka vel eftir honum, hann er
„krútt effektinn“ sem notaður er til að kitla
hjartað,“ segir Magnús en auk þess að leika
í Billy Elliot leikur hann hestinn í Línu lang-
sokki um þessar mundir. Eins og kunnugt er
hefur Lína notið fádæma vinsælda í Borgar-
leikhúsinu í vetur og miðað við hvernig miða-
sala á Billy Elliot fer af stað virðist sem Magn-
ús muni hafa í nógu að snúast á næstunni.
Eiginkonan var akkeri meðan ég
sveif um
Magnús útskrifaðist úr leiklistarnámi árið
2007 og hefur fengist við ýmislegt síðan.
Hann var í Borgarleikhúsinu veturinn 2008-
2009 og réði sig þangað aftur í haust. „Ég
hef gert allan andskotann í millitíðinni, ég
ákvað bara að hafa gaman og gera það sem
mig langaði til. Ég hef tekið þátt í öllum teg-
undum af leikhúsi, jaðarsýningum, dans-
leikhúsi, danssýningum, óperum og öllu þar
á milli ásamt því að kenna og leikstýra. Ég
hef svolítið verið að flakka en er feginn að
vera kominn hingað upp í Borgarleikhúsið
aftur eftir flakkið. Hér er gott að vera,“ segir
Magnús, sem er 34 ára gamall.
Hann er kvæntur Guðlaugu Magnúsdótt-
ur, Gullý, og eiga þau saman soninn Hilmar
Mána en fyrir átti Gullý Adam Frey. Magnús
segir að eiginkonan starfi við bókhald hjá Ac-
tavis og aðspurður viðurkennir hann að hún
hafi reynst gott mótvægi við hann á stundum.
„Það er gott að hafa akkeri einhvers staðar,
það reyndist mér vel meðan ég var svífandi
um.“
Grípur enn í skærin af og til
Þó Magnús hafi fengist við eitt og annað í
leiklistinni hefur hann þó átt athvarf í iðn-
grein sem hann lærði áður en hann fór í leik-
listarnám. Magnús lærði hárgreiðslu og gríp-
ur enn af og til í skærin.
„Já, ég er hárgreiðsludama. Ég hef verið að
reyna að klippa annað slagið. Það hefur farið
eftir verkefnum hversu mikið ég hef getað
gert af því en ég á ennþá einhverja kúnna
sem nenna að bíða eftir mér. Ég klippi enn á
stofunni sem ég byrjaði á, Ónix. Það er henni
Þuríði minni að þakka að ég er enn að. Ég
hefði ekki getað haldið hárgreiðslunni við
nema fyrir hana. Það er samt erfitt að halda
sér í þessum bransa ásamt leiklistinni, ef
maður dettur í fjögurra mánaða verkefni þá
eru bara allir komnir með lubba.“
Höskuldur Daði Magnússon
hdm@frettatiminn.is
Fólk á eftir
að taka vel
eftir hon­
um, hann
er „krútt­
effektinn“
sem not­
aður er til
að kitla
hjartað
22 viðtal Helgin 6.-8. febrúar 2015