Ægir - 01.01.2001, Síða 40

40
N Ý J U N G A R
Nú í janúar afhenti
vélaverkstæðið Seigla
í Reykjavík nýjan
hraðfiskibát úr plasti
til Magnúsar Gústafs-
sonar á Hólmavík, en
báturinn var smíðað-
ur gagngert fyrir
hann. Þetta er jafn-
framt fyrsti báturinn
sem Seigla smíðar, en
til þessa hefur verk-
stæðið einkum sinnt
vélaviðgerðum og
breytingum á bátum.
Stundum svo miklum að nánast
hefur verið um nýsmíði að ræða,
segir Sverrir Bergmann einn eig-
enda fyrirtækisins. Hann segir að
því hafi mönnum þótt eðlilegt að
stíga loks skrefið til fulls og smíða
nýjan bát frá grunni.
Hólmavíkurbáturinn nýi er 10
metra langur og þriggja metra
breiður og reiknast að vera 5,9
brúttórúmlestir. Seigur - 1000, er
tegundarnafn af hálfu Seiglu. Bát-
urinn verður gerður út samkvæmt
krókaflamarki, sem er það fisk-
veiðistjórnunarkerfi í smábátaút-
gerð sem boðað er að komi í ná-
inni framtíð. Einnig verður hægt
að fá báta frá Seiglu afhenta af teg-
undinni Seigur 935 og þá báta má
gera út í þorskaflamarkskerfinu
sem enn er við lýði.
Talsverður áhugi er meðal
manna á kaupum á nýjum plast-
bátum, það merkja stjórnendur
Seiglu m.a. af undirtektum sem
þeir fengu í kynnisferð með bát-
inn, en þegar honum var siglt til
Hólmavíkur til kaupenda þar
höfðu Seiglumenn viðkomu í
nokkrum höfnum við vestanvert
landið þar sem fjöldi fólks kom á
kajann og kynnti sér hinn nýja
bát. Fullsmíðaður en án tækja og
búnaðar kostaði báturinn, sem ber
nafnið Hafbjörg ST 77, um 12,5
milljónir króna, en ætla má að
þegar öll tæki séu kominn í bát-
inn verði kostnaður orðinn nær
15,0 milljónir króna. Nú þegar
vinna Seiglumenn að smíði annars
plastbáts, sem þeir ætla að ljúka
við á útmánuðum. Ekkert er
ákveðið um frekari nýsmíðar en
ljóst er þó að áhugi smábáta-
manna á nýsmíðaverkefnum er
talsverður og vekur það bjartsýni
meðal eigenda Seiglu.
Vélaverkstæðið Seigla ehf. er
við Grandagarð í Reykjavík og er
tíu ára um þessar mundir. Upp-
haflega starfaði fyrirtækið einkum
við vélaviðgerðir „...en síðan var
það eitthvert haustið að rólegt var
hjá okkur og þá brá ég mér á nám-
skeið í að nota trefjaplast. Ég sá að
gott væri að hafa einhverja slíka
þekkingu ef við værum að til
dæmis að steypa undirstöður und-
ir vélar í báta. En síðan hefur
bátasmíði úr plasti orðið æ stærri
hluti af starfsemi okkar. Við höf-
um verið að smíða báta að veru-
legu leyti og í þá stóra hluti, en
aldrei heilan bát - fyrr en nú - og
því var tími til kominn,“ segir
Sverrir Bergmann að síðustu.
Fyrsta nýsmíði Seiglu ehf. í Reykjavík vekur áhuga smábátamanna:
Seiglubátur til Hólmavíkur
- „kominn tími til að fara út í eigin framleiðslu,“ segir Sverrir Bergmann hjá Seiglu
Magnús Gústafsson(t.h.) tekur við nýja bátnum af Sverri Bergmann hjá Seiglu.
Seiglubáturinn Seigur
hefur reynst vel
í prófunum.
Mynd: Sverrir Jónasson