Ægir - 01.03.2001, Qupperneq 12

12
F R É T T I R
„Gengi sjávarútvegsfyrirtækja á síðasta
ári var afar mismunandi, en almennt held
ég að megi segja að afkoma þeirra hafi
verið undir væntingum,“ segir Almar
Guðmundsson, forstöðumaður greiningar
hjá Íslandsbanka-FBA hf.
Á undanförnum vikum hafa sjávarút-
vegsfyrirtæki á hlutabréfamarkaði birt af-
komutölur fyrir síðasta ár og það verður
að segjast eins og er að í mörgum tilfell-
um hafa þær verið heldur svartar.
„Persónulega varð ég fyrir hvað mest-
um vonbrigðum með afkomu Þormóðs
ramma-Sæbergs hf. Ég hef haft tröllatrú á
stjórnendum Þormóðs ramma sem rekstr-
armönnum, en útkoman á síðasta ári var
ekki nógu góð. Þó má ekki gleyma því að
þá var mikil ágjöf í rækjunni og afkoma
Þormóðs ramma markast að einhverju
leyti af því. Hitt er svo annað mál að
Hraðfrystihúsið-Gunnvör hf. fyrir vestan,
sem að mínu mati var að birta mjög já-
kvæðar afkomutölur fyrir síðasta ár, er
einnig að hluta í rækjuveiðum og
-vinnslu og hefur með ákveðnum aðgerð-
um náð að laga sig að erfiðri stöðu í rækj-
unni,“ sagði Almar.
Í meðallagi bjartsýnir
á þetta ár
Hann sagði ljóst að afkoma margra sjáv-
arútvegsfyrirtækja á liðnu ári markist af
miklu gengistapi, fjármagnsliðirnir séu
mjög háir enda greinin „rosalega skuld-
sett“. Almar sagði að skuldir sjávarút-
vegsins almennt séu hærri en tekjur hans
á einu ári. Það hljóti því að verða for-
gangsverkefni greinarinnar á yfirstand-
andi ári að greiða niður skuldir. Til þess
eru allar forsendur, að mati Almars, enda
hafi sjávarútvegurinn verið að fjárfesta
umtalsvert á undanförnum árum og því
möguleiki að draga úr fjárfestingum, án
þess að það komi niður á framþróun
greinarinnar.
„Menn eru í meðallagi bjartsýnir á
gengi sjávarútvegsfyrirtækja á þessu ári.
Gert er ráð fyrir svipaðri framlegð og á
síðasta ári, en fjármagnsliðurinn verði til
muna hagstæðari. En menn búast ekki
við miklum hagnaði í greininni,“ sagði
Almar.
Sameining fyrirtækja
Á síðasta ári voru nokkur dæmi um sam-
einingar fyrirtækja í sjávarútvegi og Al-
mar Guðmundsson spáir því að á þessu
ári muni draga til tíðinda með frekari
sameiningar. Hann vill ekki spá fyrir um
hvaða fyrirtæki sameini krafta sína, en af
samtölum við menn í sjávarútvegi verður
að álykta að ekki síst sé horft til fyrir-
tækja sem Burðarás á ráðandi hlut í, en
það eru til dæmis Útgerðarfélag Akureyr-
inga, Haraldur Böðvarsson hf. á Skagan-
um og Síldarvinnslan í Neskaupstað. Al-
mar segir greinilega óþolinmæði fjárfesta
með gengi sjávarútvegsfyrirtækja, sem
endurspeglist í litlum viðskiptum. „Ég
held að markaðurinn myndi taka því
fagnandi ef menn hefðu fyrst og fremst
arðsemina að leiðarljósi við rekstur
margra þessara fyrirtækja,“ sagði Almar
Guðmundsson.
Almar Guðmundsson, forstöðumaður
greiningar Íslandsbanka-FBA hf.
Sjávarútvegsfyrirtæki á hlutabréfamarkaði:
Forgangsverkefni að
greiða niður skuldir
- er mat Almars Guðmundssonar hjá Íslandsbanka-FBA hf.