Ægir - 01.09.2003, Síða 17
E Y J A F J Ö R Ð U R
17
an er núna gætum við bætt þar
við okkur fólki.“
Sú jákvæða þróun hefur orðið,
að sögn Gunnars, að nú er allur
fiskurinn nýttur til verðmæta-
sköpunar. Þannig eru hausar og
hryggir þurrkaðir og roðið er selt
til gelatínvinnslu. Hausar sem til
falla við vinnslu frystiskipanna
úti á sjó eru frystir og þeir sömu-
leiðis hertir fyrir Nígeríumarkað.
Björgvin og Akureyrin á ísfisk
og frystingu
Þrjú skip Samherja eru nú í hrá-
efnisöflun fyrir landvinnslu fyrir-
tækisins á Dalvík og Stöðvarfirði.
Ísfisktogararnir Björgúlfur og
Margrét veiða eingöngu ísfisk, en
Björgvin EA veiðir bæði ísfisk og
frystir um borð. Þetta fyrirkomu-
lag hefur undanfarna mánuði ver-
ið reynt með ágætum árangri á
Akureyrinni EA, reyndar í karfa,
og núna á haustdögum var rekstri
frystiskipsins Björgvins breytt í
þá veru að hann bæði ísar og
frystir bolfisk. Stærri fiskinum er
landað til vinnslu í landi, en sá
smærri er frystur um borð. Þetta
mun vera í fyrsta skipti sem þetta
er gert hér á landi. Skipin landa
til skiptis á Dalvík eða Stöðvar-
firði og hráefnið er flutt landleið-
ina milli landshluta „Við höfum
verið að beina okkar skipum
meira austur fyrir land, enda er
hráefnið þar betra. Við stýrum
veiðunum með þarfir landvinnsl-
unnar í huga. Hér á Dalvík þurf-
um við fjörutíu tonn á dag til
þess að halda uppi stöðugri
vinnu.“
Tækniþróunin
Markvisst hefur verið unnið að
tækniþróun í frystihúsi Samherja
á Dalvík. „Við höfum verið í sam-
vinnu við Marel í þessum efnum
og sömuleiðis Carnitech, sem er
danskt fyrirtæki í eigu Marels.
Carnitech hefur verið að þróa svo-
kallaða beinatínsluvél, en Marel
hefur hins vegar framleitt
röntgenvél til þess að gegnumlýsa
fiskinn. Beinatínsluvélin virkar
þannig að í stað þess að skera
beingarðinn úr eru beinin tínd úr
fiskinum og röntgentækið finnur
þau bein sem eftir verða. Flakið
fer síðan til starfsmanns og hann
fær mynd á skjá fyrir framan sig
sem sýnir hvar beinið liggur. Við
erum að meta hvaða skref við
munum taka næst í tækniþróun-
inni. Beinatínslan hefur að mínu
mati gengið nokkuð vel og árang-
urinn er viðunandi. Gangi þetta
dæmi upp er hér um byltingu að
ræða í vinnslunni, stærsti ávinn-
ingurinn er að mínu mati fólginn
í betri nýtingu á fiskinum en
áður,“ segir Gunnar Aðalbjörns-
son.
Í frystihúsi Samherja á
Dalvík er unnið á
vöktum frá miðnætti
og að jafnaði til kl. 15
á daginn. Þetta vinnu-
fyrirkomulag var tekið
upp í september sl.
Jafnframt því sem
vinnutíminn var
lengdur var samið um
til prufu nýtt hvíldar-
tímakerfi sem felur
það í sér að að í stað
þess að vinnsla stöðv-
ist í hvíldartímanum
eru starfsmenn leystir
af í störfum sínum.
„Á Dalvík erum við mest í þorski og ýsu, en á Stöðvarfirði er uppistaðan ufsi. Við
erum að vinna að breytingum á vinnslunni á Stöðvarfirði. Þar settum við upp laus-
frysti í sumar og erum nú búnir að setja upp skurðarvélar til þess að fara út í bita-
vinnslu, sem var ekki möguleiki áður.“