Ægir - 01.02.2006, Blaðsíða 29

verði. „Já, ég hef lagt töluverða áherslu
á steinbítinn, enda er það fiskur sem
bragð er af,“ segir Finnbogi.
Harðfiskur í staðinn fyrir postulínsstyttur
Í desember er að hans sögn mikil harð-
fisksala, fólki finnst viðeigandi að gæða
sér á harðfiski um jólin og einnig segir
Finnbogi töluvert um að fólk sendi
harðfisk til vina og vandamanna erlend-
is og sömuleiðis sé alltaf töluvert um að
harðfiskur sé gefinn í jólagjafir. „Og
menn eru líka að gefa harðfisk í afmæl-
isgjafir. Það er nú svo að fólk sem kom-
ið er á efri ár á alla skapaða hluti og ef
það fær nýja postulínsstyttu, þá verður
það að henda gömlu postlulínsstyttunni
úr hillunni í stofunn i til þess að koma
nýju styttunni fyrir. Blessaður vertu, það
er miklu gáfulegra að gefa þessu fólki
góðan harðfisk í afmælisgjöf, sem það
getur sett í frystikistuna og nartað í þeg-
ar það langar til heldur en að gefa því
postulínsstyttu,“ segir Finnbogi og hlær.
Ef maður er ekki í réttum flokki...
Finnbogi hefur mjög ákveðnar skoðanir
á byggðakvótanum svokallaða, sem
hann segir vera algjöra vitleysu.
„Byggðakvótinn er hrein svikamylla. Ef
maður er í réttum flokki hefur maður
möguleika á að fá byggðakvóta, annars
ekki. Staðreyndin er sú að margir grenja
utan í stjórnmálamönnunum til þess að
fá byggðakvóta og ljúga þannig út pen-
inga. Síðan selja menn þetta út og suð-
ur. Þetta finnst mér ekki gott fyrirkomu-
lag og menn ættu að leggja þetta af.
Hins vegar virkar línuívilnunin vel. Hún
nýtist þeim sem vilja róa, en menn
versla ekki út og suður með hana eins
og byggðakvótann,“ segir Finnbogi.
Miklar breytingar í atvinnulífinu
Ótrúlegar breytingar hafa orðið í at-
vinnulífinu á Ísafirði á undanförnum
árum. Finnbogi segir að í raun heyri
sjávarútvegurinn á staðnum meira og
minna fortíðinni til. Eiginleg fiskvinnsla
sé meira og minna horfin. Ein rækju-
vinnsla sé ennþá rekin og í Hnífsdal sé
frystihús. Hins vegar séu nokkrar þjón-
ustustofnanir öflugar í bænum og sömu-
leiðis sé ánægjulegt að tæknifyrirtæki
eins og t.d. 3X-Stál séu að gera góða
hluti. En engu að síður segist Finnbogi
vera hugi yfir þessari þróun og hann
velti því oft fyrir sér á hverju fólk ætli
sér að lifa á á Ísafirði þegar sjávarútveg-
urinn sé að stórum hluta liðinn undir
lok.
29
H A R Ð F I S K V I N N S L A
Verkunarhús Finnboga á Ísafirði ætti ekki
að fara framhjá nokkrum manni, enda er
það skemmtilega merkt, eins og sjá má.
aegirfeb06-56sidurlagad.qxd 3/2/06 1:33 PM Page 29