Ægir - 01.02.2006, Blaðsíða 38

Optimar Ísland ehf. hefur á
undanförnum misserum verið
að hasla sér völl á Færeyja-
markaði með Optim-Ice ís-
þykknivélarnar, sem fyrirtækið
framleiðir. Slíkar vélar hafa
verið seldar í fjögur skip í
Færeyjum, það sem af er
þessu ári, sem eru gerð út á
tvílembingsveiðar á ufsa
Auk þess að selja hefð-
bundinn frystibúnað fyrir skip
og vinnslur í landi - RSW-
kerfi, Oson kerfi og heildar-
lausnir í fiskvinnslukerfum,
hóf Optimar Ísland að selja
Optim-Ice ísþykknivélarnar
árið 2003 þegar fyrirtækið tók
yfir framleiðslu og sölu á vél-
um sem Ískerfi höfðu áður
framleitt.
Ísþykknið framleitt úr sjó
Optim-Ice vélarnar framleiða
ísþykkni úr sjó og er kæling-
in á fiskinum langtum hraðari
og meiri en með venjulegum
flöguís. Hraðari kæling skilar
betra hráefni og um leið betri
nýtingu hráefnisins. Þá lengir
hraðari kæling tímann sem
fiskurinn er í dauðastirnun
sem aftur dregur úr bakteríu-
myndun og minnkar hættuna
á skemmdum á hráefninu.
Fyrir vikið geta ferskfiskskip-
in verið lengur í hverjum túr
en ella, án þess að það komi
niður á hráefnisgæðum.
Ný og afkastameiri ísþykknivél
á þessu ári
Reynir Guðjónsson, sölu- og
markaðsstjóri hjá Optimar Ís-
land, segir að ísþykknivélarn-
ar hafi gefið mjög góða raun
hér á Íslandi og menn hafi
verið að þróa þær með víð-
tækari notkun í huga. „Auð-
vitað er það svo að þróun á
slíkum vélbúnaði tekur aldrei
enda og við höfum stöðugt
verið að bæta vélina og auka
notkunargildi hennar. Á síð-
asta ári kynntum við t.d. í
fyrsta skipti glussadrifna vél,
sem hentar vel um borð í
skipum og bátum sem ráða
ekki við þá rafmagnsfram-
leiðslu sem vélin þarf. Við
settum fyrstu vélina af þessari
tegund um borð í yfirbyggð-
an línuveiðibát frá Rifi, Sæ-
hamar SH, og hef ég spurnir
af því að hún hafi reynst
mjög vel,“ segir Reynir og
bætir við að á þessu ári kynni
fyrirtækið enn afkastameiri
Optim-Ice vél en áður, en sú
vél mun m.a. fara um borð í
færeysku tvílembingsveiði-
skipin. Þessi nýja vél er átta
strokka, en áður voru fram-
leiddar fjórar gerðir véla -
eins, tveggja, fjögurra og sex
strokka vélar. Hin nýja ís-
þykknivél mun framleiða rúm
tvö tonn af 40% þykkum ís á
klukkustund - sem þýðir 48
tonna framleiðslu á sólar-
hring.
Vélarnar fara víða
Reynir nefndi sem dæmi að
hér innanlands hafi Vísir hf.
sett slíkar ísþykknivélar um
borð í línuveiðiskip sín - Pál
Jónsson GK, Sighvat GK og
Jóhönnu Gísladóttur ÍS - og
hafa þær gefið mjög góða
raun. „Ég er þess fullviss að
þessi kælitækni mun hasla
sér völl í ríkari mæli í línu-
veiðunum hér við land, sem
virðast vera að aukast umtals-
vert,“ segir Reynir.
Útflutningurinn hefur stað-
ið að baki verulegs hluta sölu
Optimar á Optim-Ice. Auk
Færeyjarmarkaðar hefur vélin
verið seld í töluverðum mæli
til Kanada - m.a. mun hún
fara um borð í nýsmíði sem
verður gerð út á ýsuveiðar
við Kanada. Þá hefur verið
töluvert um sölu á vélinni til
Írlands og Skotlands - til Ír-
lands voru þannig seldar átta
vélar á síðasta ári og fjórar
hafa þegar verið pantaðar til
afgreiðslu í ár. Í báðum þess-
um löndum greiða opinberir
aðilar - að hluta til Evrópu-
sambandið - 40% kaupverðs
vélanna, sem undirstrikar að
vélarnar skila betra hráefni.
Enda er það svo að hin
skoska rannsóknastofnun
fiskiðnaðarins - Seafish - hef-
ur gert ítarlega úttekt á sam-
anburði á kælingu á fiski
með flöguís og ísþykkni, sem
hefur orðið til þess að hún
hvetur sjávarútvegsfyrirtæki
þar í landi til þess að nýta sér
ísþykknitæknina.
En vissulega hafa vélarnar
farið mun víðar og nefnir
Reynir sem dæmi að þær hafi
verið notaðar til kælingar á
rækju í Íran og laxi í Chile.
Reynir Guðjónsson, sölu- og markaðsstjóri
Optimar Ísland.
38
K Æ L I N G
Optim-Ice er víða að
hasla sér völl
aegirfeb06-56sidurlagad.qxd 3/2/06 12:08 PM Page 38