Ægir - 01.02.2006, Blaðsíða 46

46
F I S K V I N N S L A N
Á undanförnum árum hefur
stóraukist landaður bolfiskafli
á Snæfellsnesi - t.d. hefur
orðið mjög áberandi aukning
á lönduðum afla í Grundarfirði
og það sama má raunar segja
um bæði Rif og Ólafsvík.
Þetta hefur þýtt verulega auk-
in umsvif flutningafyrirtækja,
sem bæði flytja óunninn afla
frá fiskmörkuðum til kaup-
enda og einnig hafa margar
útgerðir landað beint í gáma,
sem síðan þarf að flytja á
markað.
Flutningafyrirtækið Ragnar
& Ásgeir ehf. í Grundarfirði
hefur að stórum hluta annast
fiskflutninga frá og til Snæ-
fellsness, en fyrirtækið er 35
ára gamalt, stofnað árið 1970
af hjónunum Ragnari Inga
Haraldssyni og Rósu B.
Sveinsdóttur. Ragnar & Ásgeir
er sannkallað fjölskyldufyrir-
tæki, en við það starfa einnig
tvö af börnum þeirra, Ásgeir,
sem er framkvæmdastjóri og
Jóna Björk, sem sér um bók-
hald ásamt mágkonu sinni,
konu Ásgeirs, Þóreyju, en
hún annast einnig bókanir á
gámum. Þá er Sveinn Ingi,
sonur Rósu og Ragnars Inga,
einn af bílstjórunum og þriðja
kynslóðin er einnig farin að
starfa hjá fyrirtækinu – börn
Ásgeirs og Jónu. Í það heila
starfa um tuttugu manns hjá
Ragnari & Ásgeiri.
Fyrirtækið hefur eflst og
dafnað vel á síðustu árum og
nú hefur það yfir að ráða 15
stórum bílum eða „trailerum“,
4 „kassabílum“ og nokkrum
öðrum minni bílum til út-
keyrslu. Fyrirtækið er nú með
starfsstöðvar í Stykkishólmi,
Grundarfirði og Snæfellsbæ
og flytur vörur frá Flytjanda
og Landflutningum.
Ragnar & Ásgeir ehf. á Snæfellsnesi:
Umsvifamiklir í fiskflutningum
Fiskflutningar eru stór hluti af starfsemi flutningafyrirtækisins Ragnar & Ásgeir.
aegirfeb06-56sidurlagad.qxd 3/2/06 10:48 AM Page 46