Morgunblaðið - Sunnudagur - 14.12.2014, Blaðsíða 15

armisseri, og í þeim fór ég til
Grikklands og naut gestrisni
frænda okkar á Norðurlöndum
sem höfðu allir komið sér upp
eigin stofnunum til rannsókna í
Aþenuborg. Það kom að því árið
1985 að við, þessir heitustu
Grikklandsaðdáendur, stofnuðum
Grikklandsvinafélagið Hellas sem
hefur það markmið að kynna
Grikkland og gríska menningu
frá sem flestum hliðum, hvort
heldur það er með fyrirlestrum,
ferðalögum og útgáfu bóka.
Sendiherra Grikkja hér á landi
var ákaflega hrifinn af því til-
tæki okkar og sagði fé-
lagsskapinn vera einstakan. Sig-
urður A. Magnússon varð fyrsti
formaður félagsins en nú hef ég
verið formaður í tæp 30 ár og
sit fastur í embættinu. Ég er
alltaf að tala um að hætta en
það er ekki tekið í mál.“
Glíma við sorgina
Þú varðst áttræður um daginn,
ertu sáttur við lífshlaupið?
„Ætli ég verði ekki bara að
vera það, en auðvitað hafa verið
erfiðar stundir.“
Þú misstir fyrri eiginkonu
þína, Kristínu Önnu Þórarins-
dóttur, úr krabbameini og sú
seinni, Inga Huld Hákonardóttir,
lést fyrr á þessu ári. Hvernig
tekst þú á við sorgina eftir missi
maka?
„Ég glími við sorgina innra
með mér en veit ekki hvernig ég
á að fá útrás fyrir hana. Það er
ekkert hægt að gera. Þetta átti
langan aðdraganda hjá þeim báð-
um. Kristín Anna var með
krabbamein í lunga og Inga
Huld fékk alzheimers. Hún fór á
dvalarheimili, en ég var mikið
hjá henni, kom og leiddi hana
um gangana, en einu sinni í viku
kom hún með mér heim og hafði
gaman af því.“
Einn frægasti heimspekingur
sögunnar, Platon, trúði á ódauð-
leika sálarinnar. Hverju trúir þú?
„Ég útiloka ekkert, allavega
ekki Guð. Spurningin um líf eftir
dauðann er ofvaxin mér, en ég
get ekki vísað henni á bug.“Morgunblaðið/Kristinn
14.12. 2014 MORGUNBLAÐIÐ SUNNUDAGUR 15
Skeifunni 8 | sími 588 0640 | casa.is
Jólagjöfin fæst hjá okkur - mikið úrval
Naver Collection GM7722
Viður/Corian Toppur
Eik 220x92 stækkun 1 x 100 cm. Verð 859.000,-
Hnota 220x92 stækkun 1 x 100 cm. Verð 899.000,-
Fáanlegt í fleiri stærðum