Morgunblaðið - Sunnudagur - 14.12.2014, Blaðsíða 58

58 MORGUNBLAÐIÐ SUNNUDAGUR 14.12. 2014
BÓK VIKUNNAR Ljóðabók hins unga Palestínumanns Ya-
hya Hassan kemur út í íslenskri þýðingu Bjarka Karlssonar.
Bókin varð metsölubók í Danmörku þegar hún kom út í fyrra.
Bækur
KOLBRÚN BERGÞÓRSDÓTTIR
kolbrun@mbl.is
Litlu dauðarnir er nýjasta skáldsagaStefáns Mána en þar segir hann sögumanns sem reynir að bjarga sér og
fjölskyldu sinni úr vandræðum en kemur þá
öllum í enn meira klandur. „Að mörgu leyti
er þessi bók ólík mínum fyrri bókum,“ segir
Stefán Máni. „Aðalpersónan er hvorki
glæpamaður né lögga heldur einn af okkur.
Þetta er ekki eiginleg glæpasaga en samt
spennubók. Mig langaði til að skrifa spenn-
andi sögu án þess að það væri mikið verið að
drepa og meiða. Drifkrafturinn í sögunni er
andlegri og sálfræðilegri en ofbeldi og hryll-
ingur.“
Ertu ekki sammála því að það megi greina
pólitískan tón í þessari bók?
„Ég fer inn á þær brautir því þarna eru
umræður um samfélagið og öflin í samfélag-
inu. Ég er alls ekki flokkspólitískur en þar
sem ég bý í þessu samfélagi hef ég skoðanir
á því. En ég er ekki vakinn og sofinn á net-
inu að segja álit mitt og rífast. Mig langar
ekki þangað.“
Þú ert að taka vissa áhættu með því að
vera á nýjum slóðum sem rithöfundur.
Finnst þér þessi áhætta hafa borgað sig?
„Í sjálfu sér er ekki hægt að spyrja fyrr
en að leikslokum en mér finnst áhættan hafa
borgað sig. Það hefði verið auðvelt og fyrir-
sjáanlegt að gera það sama og síðast en mig
langaði alls ekki til þess. Mér fannst spenn-
andi að taka þessa áhættu og nauðsynlegt að
stíga út fyrir þægindarammann og gera eitt-
hvað nýtt. Ég hef fengið mjög góð viðbrögð
frá lesendum mínum. Það getur vel verið að
einhverjir vilji fá sín morð og viðbjóð en ég
held að margir sem eru ekki fyrir morð og
hrylling og hafa ekki lagt í að lesa bækurnar
mínar muni lesa þessa bók.“
Ertu farinn að huga að næstu bók?
Já, það er óhjákvæmilegt. Það er ekki
nema ár í næstu jól. Ég ætla að vera með
unglingabók í vor, framhald af Úlfshjarta
sem kom út fyrir örfáum árum. Úlfshjarta er
lesin í skólum og er mjög vinsæl. Ég fæ
sterk viðbrögð frá unglingum og ekki síst frá
foreldrum sem eru himinlifandi af því að
unglingurinn þeirra er allt í einu farinn að
lesa. Strákar sem eru yfirleitt tregir til að
lesa eru farnir að biðja um bók í jólagjöf.
Þannig að mér rennur blóðið til skyldunnar
og hlakka til að koma með framhaldið.
Næsta haust verð ég svo með bók, stóra
spurningin er hvort Hörður Grímsson verði
þar persóna. Hann mun snúa aftur en ég get
samt ekki lofað að það gerist næsta haust.“
Hvernig finnst þér að taka þátt í jóla-
bókaslagnum?
„Það er líflegt og skemmtilegt, en um leið
stressandi og tekur á taugarnar. Ég er á
þeytingi að lesa upp og fer í viðtöl og þarf
að yfirgefa þægindahring heimilisins og
skrifstofunnar. Ég hlakka til að leggjast upp
í sófa á aðfangadag með góða bók og slaka
á.“
Ertu búinn að ákveða hvaða bók það verð-
ur?
„Nei, það fer eftir því hvað ég verð hepp-
inn með jólagjafir. Siggi Páls væri til dæmis
góður sófanautur.“
Ertu búinn að lesa eitthvað af jólabók-
unum?
Ég er búinn að lesa Gyrði, les allar hans
bækur og er stórhrifinn af þeim. Hann er
frábær stílisti með ríkt ímyndunarafl og það
er gefandi að lesa bækur hans.“
FRAMHALD AF ÚLFSHJARTA KEMUR Í VOR OG STÓR SKÁLDSAGA NÆSTA HAUST
Spennandi að taka áhættu
„Næsta haust verð ég svo með bók, stóra spurningin er hvort Hörður Grímsson verði þar
persóna,“ segir Stefán Máni.
Morgunblaðið/Kristinn
STEFÁN MÁNI ER Á NÝJUM SLÓÐ-
UM Í SKÁLDSÖGU SINNI LITLU
DAUÐARNIR. HANN SEGIR AÐ
DRIFKRAFTURINN Í SÖGUNNI SÉ
ANDLEGRI OG SÁLFRÆÐILEGRI EN
OFBELDI OG HRYLLINGUR.
Gísli bróðir minn kenndi mér að lesa þegar ég var fjögurra ára. Þær
bækur sem ég sæki í að lesa aftur og aftur eru Heimsljós, Tómas
Jónsson metsölubók og ljóð eftir Gyrði Elíasson, Þórarin Eld-
járn og Jónas Hallgrímsson. Svo þarf ég oft að
fletta í Göngum og réttum, Hrakningum og
heiðavegum og Söguþáttum landpóstanna.
Um þessar mundir er neyslu minni á rituðu máli
svo háttað að henni má skipta í flokka. Af ljóðum hef
ég verið að lesa nýlega bók Þórarins Eldjárn sem
heitir Tautar og raular. Þar eru bæði ný kvæði
sem tala sterkt til mín en einnig undurfagrar þýð-
ingar á fáeinum perlum og ljóðið um Mýs og menn
í sérstöku afhaldi mínu. Af skáldsögum er ég hálfn-
aður með annan lestur á Öræfum eftir Ófeig Sigurðsson. Þetta er
ein stórkostleg bók og erfitt að lýsa henni í stuttu máli. James Joyce
hittir Guðberg með Eggert og Bjarna og þeir droppa sýru með Tví-
skerjabræðrum og elta villifé. Stórkostleg beljandi hringiða af hugar-
flugi og tímaflakki, ólgandi af hugviti og frásagnargleði. Bók sem engin
leið er að hætta að lesa. Meðfram þessu er ég að glugga í gamlan
Náttúrufræðing en ég var svo heppinn að góð kona gaf mér
nokkra árganga frá sjötta áratugnum og slitur til okkar daga. Svo
hlakka ég óskaplega til þess að lesa Táningabók Sigurðar Páls-
sonar en tvær fyrri minningabækur hans hafa breytt skilningi mínum
á ævisögum og mótun sannleikans í höndum skálds.
Í UPPÁHALDI
PÁLL ÁSGEIR ÁSGEIRSSON
LEIÐSÖGUMAÐUR
Páll Ásgeir er að lesa Öræfi í annað sinn en hann segir bókina vera stór-
kostlega. Hann hlakkar til að lesa Táningabók Sigurðar Pálssonar.
Morgunblaðið/GolliÖræfi.
BÓKSALA 24. OKT.-20. NÓV.
Allar bækur
Listinn er tekinn saman af Félagi íslenskra bókaútgefenda
1 Kamp KnoxArnaldur Indriðason
2 DNAYrsa Sigurðardóttir
3 Gula spjaldið í GautaborgGunnar Helgason
4 Útkall : ÖrlagaskotiðÓttar Sveinsson
5 VísindabókVilla 2Vilhelm Anton Jónsson
6 HjálpÞorgrímur Þráinsson
7 Saga þeirra, sagan mínHelga Guðrún Johnson
8 Frozen matreiðslubókinSiggi Hall / Walt Disney
9 Frozen hárbókinTheodóra Mjöll / Walt Disney
10 ÖræfiÓfeigur Sigurðsson
Ævisögur
1 Saga þeirra, saga mínHelga Guðrún Johnson
2 Svarthvítir dagarJóhanna Kristjónsdóttir
3 Hans Jónatan : Maðurinn sem stalsjálfum sér
Gísli Pálsson
4 Í krafti sannfæringar : saga lög-manns og dómara
Jón Steinar Gunnlaugsson
5 Líf mitt (innbundin)Luis Suárez
6 Handan minningaSally Magnusson
7 Líf mittLuis Suárez
8 Sigurður dýralæknir 2Sigurður Sigurðarson
9 Kaupmaðurinn á horninu : Óskarí Sunnubúðinni segir frá
Jakob F. Ásgeirsson
10 Winston S. Churchill : ævisagaJón Þ. Þór