Morgunblaðið - Sunnudagur - 14.12.2014, Blaðsíða 40

Tíska *Jólamarkaður hönnuða og vefverslana verð-ur haldin á Kex hosteli, Skúlagötu 28, laug-ardaginn 13. desember á milli klukkan 10-17. Búast má við miklu úrvali af íslenskrihönnun í bland við skemmtilegar nýjar vef-verslanir. Sigga Kling hefur boðað komu sínaásamt jólasveini og því upplagt að kaupa jóla-
gjafirnar við lifandi hátíðarstemningu og
góðan kakóbolla.
Jólamarkaður hönnuða og vefverslana
Á
ttu þér eitthvert gott stef, ráð eða mottó þegar kem-
ur að fatakaupum? Klárlega. Ég vil að föt séu klassísk,
vönduð, á góðu verði og helst endingargóð en stundum
fórnar maður endingunni fyrir verðið og reiknar þá ekki
með að nota flíkina í eins langan tíma.
Ætlarðu að fá þér eitthvað fallegt fyrir veturinn? Nei. Ég kaupi
mér afar sjaldan föt sem ég sé fyrir mér að nota í stuttan tíma í
einu, nema þá, eins og fyrr segir, ef þau eru sérlega ódýr og snið-
ug í senn. Ef ég kaupi almennilega vetrarflík þá vil ég helst geta
notað hana lengi, ekki bara einn vetur.
Hver er eftirlætisárstíð þín varðandi fatastíl og hvers vegna?
Sumarið og þá utan Íslands. Eitt af því besta sem ég veit í þessu
lífi er að vera berfætt í kjól undir dimmum stjörnuhimni í 25 stiga
hita. Þetta gerist ekki á Íslandi.
Hverju myndir þú aldrei klæðast? Weezo-galla. Þeir eru tákn um
hnignun mannsins.
Hvað heillar þig við tísku? Tjáning persónuleikans, tilvísanir í
söguna, menninguna. Fallegt handverk, vönduð vinnubrögð, fallegt
litasamspil. Ég sá einu sinni mjög flotta setningu um tísku, sem
sat í mér. Get samt ómögulega þýtt hana: „Fashion is what people
who wear it don’t call it.“
Áttu einhverja dýrmæta flík sem þú tímir ekki að nota? Ég á
nokkrar sem ég nota ekki. Til dæmis fermingarkjól ömmu minnar
frá 1943. Ég nota öll þau föt sem ég hef eignast fyrir sjálfa mig.
Sum bíða reyndar uppi á lofti og eru tekin niður seinna, jafnvel
eftir nokkura ára hlé en ég á ekki föt sem ég tími ekki að nota. Þá
væru þau hálftilgangs-
laus.
Hvaða flík eða fylgihlut
myndirðu kaupa ef þú
þyrftir aldrei að kíkja á
verðmiðann? Hvíta kjól-
inn sem Marilyn Monroe
klæðist þegar hún stend-
ur á loftræstingunni. Eða
sólgleraugun hennar
Audrey Hepburn úr
Breakfast at Tiffanys.
Segjum að þú fengir að-
gang að tímavél sem
gæti flutt þig aftur til árs að eigin vali og þú fengir dag til að
versla. Hvaða ár myndirðu velja og hvert færirðu? 1955 og ég
myndi fara til New York. Allt við mid-century modern-tímabilið
finnst mér svo fágað og heillandi þegar kemur að hönnun. Tískan
svo kvenleg, flegin hálsmál, þröng mitti, kvartermar og kvartbux-
ur, ballerínuskór, platínuljóst hár, hvort sem var á Monroe eða
Hitchcock-stjörnunni Kim Novak, þröngu síðu kjólarnir, stóru sól-
gleraugun, hattarnir, allt. Hrikalega flott tímabil.
Áttu þér einhvern uppáhaldsfatahönnuð? Bergþóra hjá Farmers
Market finnst mér mjög flinkur hönnuður ef ég á að nefna ein-
hvern Íslending. Christian Dior fannst mér frábær og Alexander
McQuuen var jafnframt stórbrotinn listamaður.
Ef þú fengir að eiga fataskáp einhvers, hver yrði það og af
hverju? Skáp? Mig langar frekar í svona „walk in closet“ – sá sem
Carrie Bradshaw átti var ansi flottur.
WEEZO-GALLAR ERU TÁKN UM HNIGNUN MANNSINS
Morgunblaðið/Þórður
Tíska er tjáning persónuleikans
MARGRÉT GÚSTAVSDÓTTIR, FJÖLMIÐLAKONA OG EIGANDI VEFMIÐILSINS PJATT.IS, HELDUR UPP Á VANDAÐAR FLÍKUR
OG TÍSKUSTRAUMA SEM HAFA SKÍRSKOTANIR Í MENNINGUNA.
Sigurborg Selma Karlsdóttir sigurborg@mbl.is
Margrét leggur áherslu á
gæði, klassík og fallegt
handverk í fatnaði.
Verk franska fatahönnuðarins
Christian Dior eru einstök.
Bergþóra Guðnadóttir, yfirhönnuður
Farmers Market, er einn af eftirlætis-
hönnuðum Margrétar.
Sólgleraugu
Audrey
Hepburn
úr kvik-
myndinni
„Breakfast
at Tiff-
any’s“ eru
á óskalista
Margrétar.