Tímarit Máls og menningar - 01.03.1996, Qupperneq 26

Veðjað á ketti
Nokkur orð um veðmál Gabriels Rosenstock við Sigurjón Birgi Sigurðs-
son og Lindu Vilhjálmsdóttur um þýðingu á erótískum hækum
í bókinni Cold moon — the erotic haiku ofGabriel Rosenstock eru eftirfarandi
upplýsingar um höfundinn. Hann er formaður ljóðafélagsins írska og félagi
í írska rithöfundasambandinu, írsku þýðendasamtökunum ogbreska hæku-
samfélaginu. Hann vinnur í útgáfudeild menntamálaráðuneytisins í Dublin
og er giftur og á íjögur börn. Hann er höfundur og þýðandi þrjátíu bóka og
hefur þýtt ljóðasöfn eftir Francisco X. Alarcón, Georg Trakl, Willem M.
Roggeman og Gúnter Grass á írsku.
Þar að auki veit ég að Gabriel Rosenstock er forfallinn íjárhættuspilari sem
hefur í tvígang farið í meðferð vegna áráttu sinnar. Á því græddi hann ekkert
nema ný trix og það sem honum tókst að vinna í veðmálum við hina
spilafíklana. Þar var víst veðjað á allt sem hreyfðist og töluvert lagt undir í
veðmálum um til dæmis flugur á vegg.
Hann hafði einu sinni hitt íslending áður. Það var á veðreiðum á írlandi
að maður pikkaði í öxlina á honum í miðju hvatningarópi og spurði hvort
hann mætti slá máli á hausinn á honum. Að fengnu samþykki Gabríels
kynnti maðurinn sig og dró upp málband og mældi hausinn í bak og fýrir
og skráði málin samviskusamlega hjá sér.
Við Sigurjón Birgir Sigurðsson kynntumst Gabríel haustið 93 þar sem við
vorum saman komin til að skemmta á listahátíð í borginni Kolséster á
Englandi. Þetta var ljúfúr maður sem söng harmþrungna söngva á gelísku
yfir bjórglasi og gerði góðlátlegt grín að páfanum. Og af því við sýndum
veðmálum töluverðan áhuga bauðst hann til að taka okkur með til veðmang-
ara og kenna okkur að veðja á hesta og hunda.
Við hittumst síðan á hádegi daginn eftir hjá Ladbrokes til að veðja. Við
Sigurjón veðjuðum smátt og einbeittum okkur að hundunum og ég kom út
á sléttu en Sigurjón með pund í gróða. Gabríel var hins vegar gjörbreyttur
maður. Hann dúkkaði upp með pókerfeis og veðjaði grimmt um leið og hann
hvíslaði að okkur fyrirmælum út um annað munnvikið. Eftir þriggja tíma
A
16
TMM 1996:1