Fréttatíminn - 27.03.2015, Síða 14

Ég er eins árs á Satúrnusi
Sævar Helgi Bragason hefur verið kallaður „Sólmyrkva-Sævar“
eftir óeigingjarnt starf við að gera íslenskum börnum kleift
að njóta sólmyrkvans. Sævar á sjálfur fjögurra ára son en eitt
fyrsta orðið sem hann lærði var „tungl.“ Sævar hefur frá unga
aldri verið heillaður af himingeimnum og segir einstakt að sjá
Satúrnus í gegn um sjónauka. Hann er í sömu sporum og svo
margir ungir Íslendingar að vera í hinum mestu erfiðleikum við
að kaupa eigið húsnæði. Sævar er þrítugur í jarðarárum sem
jafngildir því að hann sé eins árs á Satúrnusi.
É g hef haft áhuga á stjörnu-fræði frá því ég man eftir mér,“ segir Sævar Helgi
Bragason, formaður Stjörnu-
skoðunarfélags Seltjarnarness.
„Fjögurra ára gamall var ég uppi í
sumarbústað í Brekkuskógi með
mömmu, pabba, ömmu og afa, og
fór út að horfa á stjörnurnar. Ég
varð alveg heillaður og spurði hvað
þetta væri eiginlega á himninum.
Sex ára gekk ég í skólann á morgn-
ana og horfði meira á stjörnubjart-
an himininn en gangstéttina. Ég
var átta ára þegar ég kíkti í gegn
um sjónauka í fyrsta skipti og sá
Satúrnus með öllum hringjunum
í kring. Þetta var það flottasta
sem ég hafði nokkurn tímann séð.
Svona horfir maður beinlínis inn í
annan heim. Ég mæli með því að
allir upplifi það minnst einu sinni á
ævinni að sjá sólmyrkva og skoða
Satúrnus í gegn um sjónauka.“
Sævar hefur verið kallaður
Sólmyrkva-Sævar í kjölfar þeirrar
óeigingjörnu vinnu sem hann og
félagar hans í stjörnuskoðunar-
félaginu lögðu í til að færa börnum
þessa lands þá upplifun að sjá sól-
myrkva, og í sumum af þeim kveðj-
um sem sjást á Facebok-síðunni
hans leggur fólk til að hann verði
valinn maður ársins. Sævar segist
auðmjúkur ekki vera mikið fyrir
titlatog. „Það dýrmætasta var að fá
myndir frá skólastjórum um land
allt af börnum með sólmyrkva-
gleraugu að horfa á sólmyrkvann,“
segir hann.
Hafnað af stórfyrirtækjum
„Ég hef ekki haft undan að svara
kveðjum á Facebook og held að
þær nemi hundruðum. Sú áhrifa-
mesta er sennilega kveðja frá
móðir tveggja langveikra barna
sem sendi mér skeyti þar sem
hún þakkaði fyrir að hafa fengið
sólmyrkvagleraugu í leiksóla
barnanna sinna því það er ekki
vitað hvort þau lifi þar til næsti sól-
myrkvi verður. Það var erfitt að fá
þessa kveðju en líka mjög gleðilegt
og ég hreinlega táraðist,“ segir
Sævar. Hann ákveður að taka strax
fram að hann tárist nú ekki oft, en
hann lýsti því yfir á Twitter eftir
sólmyrkvann að hann hefði tárast
þá um morguninn þegar hann sá
hversu heiðskýrt var og því ljóst að
markmiðið væri orðið að raunveru-
leika - að sýna tugum þúsunda ís-
lenskra barna sólmyrkva. „Það var
búið að vera svo mikið að gera, svo
gríðarlega mikið áreiti, þakklæti
en líka hörð gagnrýni að ég bara
táraðist þegar ég vissi að þetta
myndi allt ganga upp. Ég táraðist
þegar sonur minn fæddist, ég
táraðist þá og ég táraðist þegar ég
fékk þessa kveðju frá móðurinni,“
segir hann.
Hugmyndin að því að gefa
öllum skólabörnum sólmyrkva-
gleraugu kviknaði fyrir um ári.
„Það var eina andvökunóttina
en ég fæ oft mínar bestu hug-
myndir, að mínu mati, þegar ég er
andvaka. Mér datt í hug að finna
leið til að fá heilt land til að velta
sér upp úr sólmyrkva og vísindum
og náttúrunni í heila viku. Ég
sendi styrkumsóknir um allt og
fékk ýmist neitun eða ekkert svar.
Þetta kom mér mjög á óvart. Án
þess að nefna nein nöfn þá sendi
ég umsóknir til íslenskra stór-
útbúa glæsilegustu stjörnuskoð-
unastöð landsins, og ég starfa þar
við að fræða ferðamenn um stjörn-
urnar og norðurljósin öll heiðskír
kvöld,“ segir hann. Um tíma stóð
hreinlega til að Sævar myndi nota
sitt eigið sparifé í verkefnið þar
sem hann hafði einstaka ástríðu
fyrir því en af varð að þeir pönt-
uðu aukaupplag af sólmyrkvagler-
augum sem þeir seldu til að eiga
fyrir því að gefa skólabörnunum
gleraugu. „Þetta heppnaðist stór-
kostlega og ég vona að við höfum
sýnt þessum stórfyrirtækjum
sem neituðu okkur um styrk í tvo
heima í bókstaflegri merkingu,“
segir hann kankvís. Síðustu tvær
vikurnar fyrir sólmyrkvann voru
gríðarlega annasamar hjá Sævari.
„Síminn byrjaði að hringja fyrir
klukkan átta á morgnana og þrátt
fyrir að vera í símanum allan dag-
inn var ég með allt að 70 ósvöruð
símtöl á hverjum einasta degi.
Þetta var fólk sem vildi nálgast
gleraugu, fólk sem vildi fá upp-
lýsingar og einstaka aðilar sem
skömmuðu okkur fyrir að hafa
ekki útvega nóg af gleraugum,“
segir hann og rifjar upp að hann
hafi verið sakaður um mannrétt-
indabrot með því að útvega ekki
öllum leikskólabörnum gleraug-
um. „Þetta var svakalegt. En sem
betur fer voru flestir ánægðir,“
segir hann.
Bók á leiðinni
Sævar er þrítugur en fagnar 31 árs
afmælinu þann 17. apríl. „Ég er
eins árs á Satúrnusi,“ segir hann
og ég hvái. Hann útskýrir: „Sat-
úrnus er 30 ár að fara í kring um
sólina. Ég er 15 ára á Mars og rétt
rúmlega hálfs árs á Júpíter. Fólk
sem hefur áhyggjur af aldrinum
getur fara miðað sig við aðrar
reikistjörnur.“ Hann er einhleypur,
á fjögurra ára son og er í góðu
sambandi við barnsmóður sína.
„Við fluttum saman til Svíþjóðar og
ætluðum að fara í nám en svo slitn-
aði upp úr þessu hjá okkur. En við
eigum þennan yndislega son sam-
an. Hann er núna hjá mér á pabba-
helgum en mamma hans er að fara
að flytja nær okkur í Hafnarfirði
og þá verðum við með hann sitt-
hvora vikuna,“ segir hann. Eftir að
Sævar flutti aftur heim frá Svíþjóð
hafði hann ekki efni á að kaupa sér
íbúð og flutti aftur heim til pabba
og mömmu, og er á fullu að safna
sér fyrir íbúð. „Ég er í sömu spor-
um og flestir ungir Íslendingar á
mínum aldri sem eiga erfitt með
að safna sér fyrir íbúð. Og þótt ég
hefði sannarlega eytt sparifénu í
að kaupa þessi sólmyrkvagleraugu
þá er ég samt ánægður með að ég
þurfti þess ekki,“ segir hann.
Ástríða Sævars er ekki aðeins
himingeimurinn heldur að miðla
þekkingu sinni, en hann starfar
á verkfræði- og náttúruvísinda-
sviði Háskóla Íslands, tekur þátt
í Vísindasmiðju, Háskóla unga
fólksins, Háskólalestinni og öðrum
verkefnum. Sonur Sævars hefur
ekki farið varhluta af fræðsluþörf
föðurins en eitt fyrsta orðið sem
hann lærði að segja var „tungl“ og
tveggja ára gamall var hann farinn
að benda leikskólafélögunum á
tunglið. „Hann sá líka sólmyrkv-
ann og ég er þakklátur fyrir það,“
segir Sævar. Þessa dagana er
hann að hefja vinnu við vísindabók
með Vilhelm Antoni Jónssyni, sem
hefur sent frá sér bækur undir
heitinu Vísinda-Villi. „Þetta er
mjög spennandi verkefni og von-
andi kemur bókin út fyrir jólin,“
segir hann.
Erla Hlynsdóttir
erla@frettatiminn.is
Sævar Helgi Bragason man eftir sér fjögurra ára gömlum að horfa upp í stjörnubjartan himininn algjörlega heillaður. Átta ára
sá hann Satúrnus í gegn um sjónauka og ekki varð aftur snúið. Ljósmynd/Hari
fyrirtækja sem tengjast menntun,
vísindum og tækni. Þau sögðu öll
nei. Á endanum var það aðeins
Friðrik Pálsson á Hótel Rangá
sem lagði til fjórðung af því sem
við þurftum en þar er nýbúið að
14 viðtal Helgin 27.-29. mars 2015
www.rekstrarland.is Mörkinni 4 | 108 Reykjavík | Sími 515 1100Rekstrarland er byggt á fyrrum rekstrarvörudeild Olís og er dótturfyrirtæki Olíuverzlunar Íslands hf.
Samsettir fjáröflunarpakkar eða sérsniðnir eftir óskum hópsins
Öflug fjáröflun
fyrir hópinn
PI
PA
R\
TB
W
A
•
S
ÍA
•
1
43
14
1
Hafðu samband við sérfræðinga okkar í Rekstrarlandi
í síma 515 1100 eða næsta útibú Olís og leitið tilboða.