Fréttatíminn - 27.03.2015, Side 36

Fortíðarþrá miðaldra manns
É
Ég átti samtal við æskuvini mína
um daginn um uppeldi barnanna
okkar. Við vorum ekki að tala um
einhverja þjóðfélagslega ábyrgð eða
fordómalausa hugsun. Við vorum
að tala um kvikmyndir og sjón­
varpsþætti sem við ólumst upp við
að horfa á, og erum með miklum
sannfæringarkrafti að láta okkar
börn horfa á. Svona til þess að upp­
hefja okkar eigin æsku um leið og
við neitum að viðurkenna það fyrir
sjálfum okkur að flestar þessar
myndir standast ekki tímans tönn.
Margt er skemmtilegt, annað alls
ekki. Sem eru meiri vonbrigði en
fólk gerir sér grein fyrir. Mín kyn­
slóð ólst upp með hetjum á borð
við Michael J.Fox, Eddie Murphy,
Rob Lowe og Emilio Estevez. Ég er
ennþá á því að Rob Lowe beri höfuð
og herðar yfir Brad Pitt í kynþokka,
og Demi Moore sé sú allra flottasta.
Sem segir hvað mest um hvað ég er
fastur í fortíðinni.
Undanfarin ár höfum við vinirnir
verið að sýna börnunum okkar
klassíkera eins og Back to the future
trílógíuna, sem er enn skemmtileg.
Star Wars, gömlu myndirnar sem
hafa vakið ótrúlegustu spurningar
barnanna okkar (spurningar, sem
við allir höfðum ekki vitsmuni til
þess að spyrja um fyrir 30 árum),
og ýmsar aðrar myndir. Það sem er
verst í þessu ferli er uppgötvunin að
myndir, sem hafa verið sveipaðar
dýrðarljóma í áranna rás og maður
man hvað maður fékk sér í Stjörnu­
bíó þegar maður sá myndirnar, eru
í raun drepleiðinlegar. Um daginn
horfði ég á kvikmyndina Beetlejuice
með syni mínum sem er á tólfta ári.
Ég hugsaði mér gott til glóðarinnar
og var farinn að rifja upp allskonar
móment sem ég mundi eftir áður
en veislan hófst, og talaði sigur­
reifur um Michael Keaton sem fékk
næstum því Óskar um daginn. Með
snakk og sódavatn og óraunhæfar
væntingar föðursins settumst við í
sófann og komum okkur vel fyrir,
og myndin hófst. Eftir 25 mínútur
var hausinn á mér á einhverjum
stað sem ég þekkti ekki. Allskonar
endurminningar og nostalgíur voru
farnar að birtast og nú voru þær í
meiri móðu en áður. Var æska mín
ekki eins frábær og ég hef haldið?
Var Rob Lowe ekki flottur í Young­
blood? Er Duran Duran ekki besta
hljómsveit allra tíma? Ég var efins,
og um leið hræddur.
Sonurinn horfði á Beetlejuice og
stökk ekki bros, og mér fannst hún
svo leiðinleg að það var eins og hún
gerðist í rauntíma. Eins og Spaug­
stofan með Randveri hefði tekið
Michael Keaton yfir! Við horfðum á
myndina og eina sem sonurinn sagði
var: „Góða nótt“. Skildi mig eftir
án nokkurra spurninga, eins og ég
hefði neytt hann til þess að gera ein­
hvern hræðilegan hlut. Sem betur
fer því ég hafði engin svör. Bara
spurningar, og nóg af þeim.
Hvað er að gerast? Getur verið
að ég sé að verða foreldrar mínir?
Einhver miðaldra maður sem segir;
„Svona var þetta nú ekki í gamla
daga,“ eða „Þetta hefur aldrei verið
gert svona.“ Ég trúi þessu ekki.
Stuttu seinna tók ég upp þráðinn
og vildi horfa á aðra mynd. Ég ætlaði
ekki að gefast upp. Three Amigos
var á RÚV. Ég herti upp hugann og
hugsaði með mér að þessi mynd
væri ein af bestu grínmyndum sem
gerðar hafa verið. Ég mun endur­
heimta stoltið, og það svo um munar.
Myndin hófst, og 36 klukkutím­
um síðar, að mér fannst, kláraðist
hún. Vissulega var hún fyndnari en
Bjöllusafinn en ekki í líkingu við
vonir mínar, sem lágu mölbrotnar á
stofugólfinu. Sonurinn hló að vísu
aðeins meira í þetta skiptið, en ég
var ekki að átta mig á því hvort það
væri af góðmennsku svo niðurlæg­
ing mín væri ekki alger, eða honum
hafi myndin bara verið ágæt.
Þetta hefur kennt mér að það var
ekki allt svona frábært á níunda
áratugnum. Fyrir utan Star Wars og
tónlistina. Þessi áratugur var lang­
bestur hvað það varðar. Ég ætla ekki
að horfa á fleiri myndir úr æsku
minni, án þess að slá stóran var­
nagla við. Nú mun ég alltaf segja við
soninn: „Það getur vel verið að þér
finnist þetta ekkert skemmtilegt“,
og ég mun taka því með miklum
fyrirvara ef hann segist finnast
þessar myndir skemmtilegar. Með­
virkni með foreldrum er nefnilega
mjög algeng meðal barna.
Lærdómurinn er sá að hlutirnir
þróast. Maður á ekki að vera með
fordóma gagnvart nýjum hlutum.
Nýjum kvikmyndum, nýrri tónlist
eða nýjum græjum. Maður á ekki
að vera fastur í einhverju sem var,
því í rauninni var það ekkert eins
geggjað og maður hélt.
Það væri samt mjög gaman að
verða vitni að því þegar sonur minn
fær vonandi tækifæri til þess að upp­
lifa það sama, með sínum börnum.
Ég mundi gefa mikið fyrir það að
sjá svipinn á barnabörnum mínum
þegar hann horfir á Hot Tub Time
Machine eða 22 Jump Street með
þeim. Hugsanlega endar hann
kvöldið á því að skríða um stofugólf­
ið að safna saman sínum mölbrotnu
minningarbrotum og segir, „Svona
var þetta nú ekki á tólfta áratugn­
um.“
Ég ætla samt að halda áfram að
hlusta á Duran Duran og Nik Kers­
haw. Það er allavega ekki verið að
svíkja mig í þeim efnum. Ennþá.
Te
ik
ni
ng
/H
ar
i
Hannes
Friðbjarnarson
hannes@
frettatiminn.is
HELGARPISTILL
Meiri sól
www.gaman.is / gaman@gaman.is / Gaman Ferðir fljúga með WOW air

með Gaman Ferðum!

Verð á mann í tvíbýli.
Tímabil: Valdar dagsetningar í apríl og maí.
Innifalið er flug með sköttum, gisting í
7 nætur með hálfu fæði og 20 kg taska
báðar leiðir.
109.900 kr.
Tenerife
Costa Adeje Palace ****
Frá:
Verð á mann í tvíbýli.
Tímabil: Valdar dagsetningar í apríl og maí.
Innifalið er flug með sköttum, gisting í
3 nætur með hálfu fæði og 12 kg
handfarangur báðar leiðir.
Alicante
Hotel Kaktus Albir ****

59.900 kr.Frá:
Verð á mann í tvíbýli.
Tímabil: Valdar dagsetningar í maí.
Innifalið er flug með sköttum, gisting í
7 nætur með hálfu fæði og 20 kg taska
báðar leiðir.
Tenerife
Las Palmeras ****

99.900 kr.Frá:
Verð á mann í tvíbýli.
Tímabil: Valdar dagsetningar í apríl og maí.
Innifalið er flug með sköttum, gisting í 7
nætur með hálfu fæði og 20 kg taska
báðar leiðir.
Alicante / Albir
Albir Playa Hotel ****

89.900 kr.Frá:
36 viðhorf Helgin 27.-29. mars 2015