Fréttatíminn - 21.08.2015, Qupperneq 8

Á umbúðum utan um Maísstubba,
Sumarblöndu, Hátíðarblöndu
og Sælkerablöndu frá Íslensku
meðlæti hf. sem Eggert Kristjáns-
son hf. selur og dreifir
er með íslenskum fána-
litum gefið til kynna
að varan sé íslensk.
Ljósmynd/Hari
 NeyteNdur NeyteNdastofa hefur áður baNNað villaNdi umbúðir
Neytendastofa óskar
skýringa á villandi
merkingum
N eytendastofa undirbýr erindi til heildsölufyrirtækisins Eggerts Kristjánssonar hf.
vegna umbúða utan um frosið með-
læti sem fyrirtækið selur og dreifir
undir heitinu Íslenskt meðlæti hf.
Sex ár eru síðan Neytendastofa bann-
aði sama fyrirtæki að nota umbúðir
utan um frosið grænmeti vegna þess
að þær töldust villandi þar sem gefið
væri til kynna að innihaldið væri ís-
lenskt.
„Við fengum á sínum tíma ábend-
ingu um að þessar merkingar skorti,“
segir Þórunn Anna Árnadóttir, sviðs-
stjóri neytendaréttarsviðs Neytenda-
stofu. „Þeir breyttu þá merkingum og
við vissum ekki betur en að þetta væri
í lagi fyrr en við fengum aftur ábend-
ingu nú,“ segir hún. Neytendastofa
tekur enga afstöðu að svo komnu í
málinu heldur mun óska skýringa
frá Eggerti Kristjánssyni hf. og gefa
forsvarsmönnum fyrirtækisins færi á
að tjá sig. Fréttatíminn náði ekki tali
af framkvæmdastjóra fyrirtækisins
vegna málsins í gær.
Árið 2009 fjallaði fréttastofa 365 ít-
arlega um merkingar á matvælum eft-
ir að Samtök iðnaðarins hvöttu lands-
menn til að velja íslenskt og hafði
samband við Neytendastofu vegna
umbúða Ís-
lensks með-
lætis hf. utan
um erlent rósa-
kál og gulrótar-
skífur, og komst
Neytendastofa að
þeirri niðurstöðu
að umbúðirnar
væru villandi þar
sem fyrir tækja -
heitið og íslensku
fánalitirnir væru áberandi
en engar upplýsingar um uppruna-
land. Í svari sem Neytendastofu barst
þegar hún óskaði skýringa á umbúð-
unum segir meðal annars: „Alfarið
[er] hafnað af hálfu lögmanns Egg-
erts Kristjánssonar hf. að vörumerki
Íslensks Meðlætis á umbúðum græn-
metisins geti talist villandi upplýsing-
ar. Þá sé óþarft að geta þess á umbúð-
unum að grænmetið sé innflutt, eða
það blandað, vigtað og endurpakkað
hér á landi, enda séu það varla upp-
lýsingar sem séu til þess fallnar að
hafa áhrif á ákvörðun neytanda um
að eiga viðskipti.“
Þær vörur sem Neytendastofa
hefur nú til skoðunar vegna merk-
inga á umbúðum eru Maísstubbar,
Hátíðarblanda, Sumarblanda og
Sælkerablanda en á engum
umbúðanna er tilgreint upp-
runaland. Á umbúðum Sumarblöndu
og Hátíðarblöndu stendur: „Íslenskt
Meðlæti er pakkað og blandað á Ís-
landi með þarfir og smekk Íslendinga
í huga,“ en mögulega eru það full-
nægjandi upplýsingar þar sem ekki
er skylt að merkja upprunaland.
Þórunn segir að þegar svör berist
frá Eggerti Kristjánssyni hf. verði
málið skoðað með hliðsjón af fyrra
máli.
Erla Hlynsdóttir
erla@frettatiminn.is
Neytendastofa
skoðar hvort heild-
sölufyrirtækið
Eggert Kristjánsson
hf. hafi aftur gerst
brotlegt við eftir-
lit með viðskipta-
háttum og markaðs-
setningu vegna
villandi merkinga
á umbúðum utan
um frosið grænmeti
sem fyrirtækið selur
og dreifir undir
heitinu Íslenskt
meðlæti. Sex ár eru
síðan Neytendastofa
bannaði fyrirtækinu
að nota villandi
umbúðir þar sem
gefið var til kynna
að vara væri íslensk
en upplýsingar um
upprunaland skorti.
Úr lögum um eftirlit
með viðskiptaháttum
og markaðssetningu
Viðskiptahættir eru villandi ef ekki er
greint frá upplýsingum sem telja má að
almennt skipti máli fyrir neytendur eða
þeim er leynt og þær eru til þess fallnar
að hafa áhrif á ákvörðun neytenda um að
eiga viðskipti.
8 fréttir Helgin 21.-23. ágúst 2015