Ský - 01.02.2008, Síða 8

 ský | 1. tbl. 2008
Ragnar Bjarnason
Meistari
dægurlaga
söngsins
Texti: Jónatan Garðarsson • Myndir: Geir Ólafsson o. fl.
agnar Bjarnason verður 74 ára í haust
og hefur staðið í stafni íslenskrar
dægurtónlistar stóran hluta þessa tíma.
Hann hóf hljómsveitaferilinn þegar hann eignaðist trommusett
13 ára 1947 en söng fyrst opinberlega 1950. Ragnar hefur lengst
af verið í fararbroddi þeirra sem fengist hafa við að skemmta
landsmönnum með söng og gamanmálum. Hann hefur alla
tíð verið manna skemmtilegastur enda frægur húmoristi og
músíkalskur fram í fingurgóma. Fáir tónlistarmenn hafa átt
jafnauðvelt með að ná til fjöldans. Hann er ótrúlega næmur
fyrir því hvað gengur í mannskapinn hverju sinni og hefur
ætíð notið hylli. Ragnar kom fram á stórsveitartónleikum
Bubba Morthens í Laugardalshöll um síðustu áramót og
var sannkallaður senuþjófur. Hann heillaði áhorfendur með
sveiflandi söng, töfrandi framkomu og einlægri glaðværð sinni.
R